John 6:57 - ASII LAKDAP Bible (BSI)

⁵⁷ Tsitsü raüchong rümti atra Awejong raq ngi ka ana tiikito. Krai mren, ngi min atra sitiikang. Kiikhiisii hali, jurwa i ngam phu ara phaq siq tlaq, kriiti ka ngi lümaq atra she misi wan.

Hawa Naga Bible 2001

⁵⁷ Vtvraungx httaz yaq Vwaz rueq ngaz tvkaz phuex, ngaz muinz Vwaz ningkhvnc nuex rullungx tvraungx vtaungx rulc rv-ngvlc, ngvy ngvmx phuiuz jix waz muinz ngvy ningkhvnc nuex rullungx tvraungx wvnc tuex.

Muklom

⁵⁷ Chamal atharang Iwa nga takat taphang, etho nga Iwa tungkang o atharang tong ang, eshimal utang eq ihanngam phaksa ajo i tungkang o atharang tong aa.

John 6:57 Referencias Cruzadas

Tvtsvmc 18:46

Tatiwe asi! Ngi tiiwongtiwe tiitsam laq! Ngi chhiiti Shiikeawe jonglu kra chiiriim laüta chonglaq.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

John 14:19

Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 17:21

Ngi raq, tsangshiq tarü ka weshi ikha, kiqshi tsiimshi miidea mishong nga laq nguta, achu jaü tiikang. I We lei! Tsangshiq ka nanai puk na mishang laq. Ümniika i pum na, kiimaq ngi ka ümpum na. Tsangshiq ka pumshi ikha mija wan laq. Krai mren, mangjong maiqse raq, ngi ka ümniiriidea tiiki laü nguta mikam wan.

John 3:17

Ara jamkhano chongtiikang ngukla, Shiikeawe raq Ase ka phiija maiqse kra shra kai miitu atiiki ka riimak. Shatmaq, tsangshiq kra daake kai tiikito.”

John 5:26

Awe ka tarü ma tsitsü raüchong. Krai mren ngi, Ase armin tarü ma tsitsü raüchong.

John 6:29

Kiijiishe, Jesuq raq treto, “Shiikeawe raq namshiq ka apaiq raq atiiki, we kiima kam ronglaq nguta thaütlo”

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

1 Corinthians 15:22

Atam pum lümaq mangjong maiqse kun li ka tsai lam thiikho mong na tiidea baiqto. Kiikhiisii hali, Khristo puk na nyap wanti maiqse angu kunli ka amaa wa atra she mitiidong wan nong.

1 Corinthians 15:45

Asii bomtsi na, “Maiq phan angu wa apha shaq shaq we Atam ka, atra wiitsitsü tiiqto,” nguta chongtlo. Shatmaq atiisupti we Atam ka maiqse ma tsitsü raü keti we, Wenyi maiqse.

2 Corinthians 13:4

Khristo ka apaiq ümtiikiiwa pumsongkham na tübaiqtaq, kra akhing na, han-ngam ningkun ka ajom riito. Shatmaq, ümchaü ka Shiikeawe ningkun maq, Khristo ka atra sitlo. Krai mren, naishiq kiimwebi armin la, apaiq rai pumshi hanshi she sitiikai. Kra lümaq, han-ngam niika ningkun ajom sitiikai. Shatmaq, naishiq ümtiikiiwa Korin na watiikai, laita namshiq kha ka phokuq tiikai, kra ranaiq niika, atra Khristo sitlaq krai pumshi maq, ningkun asi maq misi hai. Kiimaq krai mren, juwa ajiq we sitlaq, kriiwe kha ka mipho kuq hai. Kriika, Shiikeawe ningkun maq mipho kuq hai.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 John 4:9

Shiikeawe raq nashiq ma, apaiq lungwiitsii ka tiichhike miitu, Ase sekhuq laqlaq se ka ara mangjong hiq na tiikito. Kra tiikitaq ka Ase pum lümaq, nashiq raq rilung milap laq nguta tiikito.