John 5:44 - ASII LAKDAP Bible (BSI)

⁴⁴ Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

Hawa Naga Bible 2001

⁴⁴ Nuimshiq kuex vdvmz dvmz tvtsvmc kvmc kuy dvyx roc vshuinx, yuq muinz vshiz dvyx httax yaq Tishox muex tvtsvmc kvmc tvkoc kuex hunglaungx muit. Kvkhoc rvtueq nuimshiq kuex ngaz muex yvmx khoc lac kvmluimx tuinx?

Muklom

⁴⁴ Nim aa ashey eq ashey tasapsey ma nuk inn etho ashey dang tasapsey bara Shkewa chingko wang shima nuk min, nim aa nga chammal eq han pha nin?

John 5:44 Referencias Cruzadas

2 KAÜWA WERAÜ 6:8

Shatmaq Tatiwe raq apaiq ma akha nguto, ‘Ümniiraq ngi miitu shomjam ashi haihajaq nguta thapthi wan laü kriika riikhaq li thukto.

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Luke 19:17

Kiijiishe, ‘Riikhaqli, ahea,’ nguta apaiq raq bom ka treto. ‘Ümniika maiqshaq jaqshi se ashi dea! Riita, ümchaü min, ümniiraq jaqsham ka akhüse li jiimin, tsapkapkap maq sham wan laü, kriikha maq, ngi raq ümniika chela roqshi thaq na wela miishe mishong kang’ nguta ajaqshi se bom ka treto.

John 12:43

Ara jamkhano chongtiikai ngukla, tsangshiq ma mungmaiqse raq, ‘ümniidea ahea’ nguta shomra riiwe kriika Shiikeawe raq, ‘ümniidea ahea,’ nguta ngo kriithaq na athii atsin nguta lungwiitlo.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 3:20

Abi ngarai jaqsham riika, rawü ka angeng riitlo. Kiimaq rawü niika siro mak. Rawü na si raüka, apaiq raq ranyaq jaqsham tlaq kra rawü na mitiichhiki. Kriikha maq apaiq raq rawii ka romak.

John 5:41

“Ngi riika maiqse raq shomra kriika rit mang.

John 8:43

Riita, ngi raq namshiq ma bom chongkuq tiikang arka jamkhii riito namshiq ni na wamak? Arka namshiq raq i bom chong ara tai wan roman riitlan kra kha maq, namtsan mong na wamak.

Romans 2:10

Shatmaq, maiqse angu ümchu riiwa, riikhaqli sham akai ka sham raüta siwantaq, kriiti thun tarü miika Shiikeawe raq khushü, shreng kiimaq hansang rakhang rilung mikuq wan. Apha na Jehudinok ma mikuq wan. Raütiishe Pongnok phan maiqse ma mikuq wan.

Romans 2:29

Shatmaq, riikhaqli Jehudinok phan maiqse dea nguta sitlaq kriika, ümriiti wa atsan among na, Jehudinok phan nguta sitlaqti kata. Kriika atsan among na atho ka hanje maq sitlaqti kra nangnga ngutlo. Riita, arka Shiikeawe Asii Wenyi jaqsham. Arka awaiq araq Thungtri jaqsham ka riimak. Riita, arti ka Shiikeawe raq shomra tlo. Maiqse riika shomra mak.

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 10:18

Ara jamkhano chongtiikai ngukla, Tatiwe raq arka ahea dea shamto nguta tiima tlaq we, kriili, riikhaqli minshiiqti we ma mija. Maiqmii tsan na, ahea dea sham tiikang nguta atiima kriika, Shiikeawe maklii na hongwa mak miraq.

Philippians 2:3

Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.

1 Thessalonians 2:6

Naishiq raq Tsütsa Ahea chongke lam maq, maiqse raq shomra ka rit mai. Namshiq nü wa min kiimaq nanok ahinti nü wiimin rit mai.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.

James 2:1

Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

Jude 1:25

apaiqkli nashiq Shiikeawe kiimaq nashiq Chhiitiwe kriimiili, nashiq Tati Jesuq Khristo lümaq, khushü, jonglu, ningkun, kiimaq arang ka, man na pat achat tlotli wa, kiimaq ümchaü min, kiimaq jai na wattlaq pattup pat-sa kiiwa wiita apaiq riili she mirlaq! Amen.

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.