John 5:22 - ASII LAKDAP Bible (BSI)

²² Kiimahali, Awe riika apaiq tsii tsii maq, ju min ajiq alam nguta shin mak. Phanrap phanrii ajiq alam shin miitu tri raü tu ka, Ase jaq niishe kiinong kuqto.

Hawa Naga Bible 2001

²² Vwaz rueq vpiq pumz maq ukhaq muex muinz phox kuq muq. Vphoc vthamc vkhangx lotlaz kuex Vsaz muex lekuq shec tueq.

Muklom

²² Uwa sha utang ma tho khaphung moq, etharin khaphung jaksom thaji sha Miqwasa ma kotchak ta.

John 5:22 Referencias Cruzadas

Tvtsvmc 96:13

ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Romans 2:16

Riita, ümchaü ara bomtsi chong tiikang arai mren, Phangthum Khapho Ranaiq niika Shiikeawe raq, maiqse angu thun wiitarü kriika, tsangshiq raq tsangshiq tsan among na, ümchuwa maiqse raq khonlot mai chang, ahuk apaü raüta ahea abi tiima tsantsii thü wan raüta siwantaq, kra thun ka ngi raq trahokuq wan tiikang Tsütsa Ahea armaq shin wan raütiishe, Jesuq Khristo lümaq, tsangshiq kha kra mipho kuq wan.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

2 Timothy 4:1

Ümchaü ngi raq ümniima, Shiikeawe nai Khristo Jesuq, Phangthum ranaiq maiqse atrati nai amaati sitlaq kra kha phoke wanti rai mantut na tiqtaq maq, ara asiq areng tsiichong bomtsi chongkuq tiipha ara, ümtsan mong na, tiitsangdada shaq laüta silaq. Khristo ka Hokham ma jaraüta munglang kai misaüho.

1 Peter 4:5

Shatmaq tsangshiq raq, maiqmii rilung ka mangjong hiq maq siji na jamkho shongnga wan taq, kra heshap thop kra, maiqse atra siti nai amaati sitlaq kra khapho keti we, Shiikeawe khaki na diike wan chang midong. Kra Khaphoke Ranaiq na juwa atra sijiiq, kriiti kha ka mipho kuq. Kiimaq juwa kra ranaiq atsai kaiwi she riijiiq, Shiikeawe raq tsangshiq ka amaa wa atiidong mirwan. Raüta tsangshiq kha ka mipho kuq. Shiikeawe ka kra ranaiq khapho kewan miitu tiijeshat maq sitlo.