John 5:15 - ASII LAKDAP Bible (BSI)

¹⁵ Kiijiishe, kriiwe ka wawan raüta, apaiq thatsi ka Jesuq raq tiihea kuqto nguta, Jehudinok welabi miishe chongto.

Hawa Naga Bible 2001

¹⁵ Kvruex waz kuex kaz wvnc vtueq piq tvhvlc kuy jix waz kuex Yesu rvtueq lvmx Yuda miqsaz muex jungx kuq tueq.

Muklom

¹⁵ Eshiwa tha ka eq Jehudi tangma piq taqhaltey wa tha Jesu ta batchak ta.

John 5:15 Referencias Cruzadas

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

John 1:19

Jerusalem wa Jehudinok welabi raq ramwebi nai Lewi weraü wa maiq wiijamti ka Johan ma, “Ümniika juwa?” nguta bom tiiwaikai tiikito.

John 4:29

“Warong ra, liiwa rongkiq. I niikiijaq, maiqwe ashi, ngi raq i rilung na ümchuwa ahea abi klo kang thun kra wiita asap siisaq. Apaiq ka Khristo ngutlaq kiiwa riita nya?”

John 5:10

Kra ningkhan, “Ümchaü ranaiq ka Asii Niitiitsak ranaiq. Ümniiraq ümdamsii kom pi wan ka raa mak. Arka nashiq Thungtri na apii,” nguta Jehudinok welabi raq atsi wa aheaki we kra, sonto.

John 5:12

Kiijiishe, “Riita, ümniima akha bom chongketi we ka ju wa?” nguta tsangshiq raq, apaiq ma waito.

John 5:16

Jesuq raq arwe thatsi ka, Asii Niitiitsak ranaiq na tiiheake wan kha na, tsangshiq raq Jesuq kriishe tiichamchao phahoto.

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

John 9:15

Kriikha na, Phorisinok raq amak heakitiiwe ma, amak ka jamkho tiihea kuqta nguta bom ka konchon waisoto. Apaiq raq tsangshiq ma, “Apaiq raq boqda se maq i mak na nyatto. Kra nyat jai, i thea ka mai wan kang. Krai mren, ümchaü i mak ka apiiq she heaki kang,” nguta chongkuqto.

John 9:25

Kiijiishe, apaiq raq welabi bom ka treto, “Welabi lei, ngi riikla, apaiq ka ngarai maiqse sha, riimak wa, kriika sap mang! Ngi riika bom poshi sap tiikang arli. Ngi ka man na makchuk wa, ümchaü chhi tiikang she.”

John 9:30

Kriiwe raq tsangshiq bom ka treto, “Arka maiq wangchang bomtsi ashi ahata! Namshiq raq, apaiq ka ümriihiqti wa kiimin sap man. Shatmaq, apaiq raq i mak ka achuk wa tiipiiq kuqto!

John 9:34

Kra tairaütiishe, “Naq bom kiq! Ümniika ngarai tak mong maq dong laüta ajong luwan haü! Kiikhiinok maiqse riitiq sha, naishiq ma tsii michong kuq haü ngu kai?” nguta tsangshiq raq apaiq ka sonto, Krai mren she, tsangshiq raq apaiq ka sinagok wa shleq baiqto.