John 4:32 - ASII LAKDAP Bible (BSI)

³² Shatmaq, apaiq raq, “Ngi raq phaq sia chang dung ka asi. Kriika namshiq raq sap man,” nguta tsangshiq bom ka treto.

Hawa Naga Bible 2001

³² Yuq muinz vpiq rueq, “Nuimshiq rueq tuiuz muit phvnx phuiuz svy ngaz rueq lvp taq tauk,” ngoz tueq tvralc tueq.

Muklom

³² Etharin Jesu aa ning ma batta, “Nim aa sam min phaksat phan sha ijakna atha.”

John 4:32 Referencias Cruzadas

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 119:103

Ümniiraq sung atsii chongkuq tlaü ka pinthum sumhea— ngiq ngu nam miimin sumhea!

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

Tvtsvmc 63:5

Itsaiji ka ümwokhong na ngaraüta, wok phetaktak miphaqsiq kiimaq tsan na washasha rongboq misi, kiimaq ngi raq ümniima tiitsam shi thun chochikhiq mishiha.

TAKSU LAK 14:10

Ümchochi ka ümniirii, ümtsan mong na akhap akhiq kiimin, ümniirii. Maiq ahinti raq riisha hodam mak.

TAKSU LAK 18:20

Maiqse raq anübok maq, jamlai bomtsi wa bom tlaq; kriitsi ka maiqmii raq seachang miraq.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

John 4:31

Kiimaq ana ajaqshisetiim raq apaiq nangnga, “Shrinketi we, dung ka phanshi ra siili jiimin phaqsiq liina!” nguta tiipaiqnea rai lam maq chongto.

John 4:33

Kra tai raütiishe, “Riita, ashi ra raq apaiq ma tü adung sha kuqta nya?” nguta ajaqshisetiim liipan na bom ka riiwaito.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.