John 4:14 - ASII LAKDAP Bible (BSI)

¹⁴ Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Hawa Naga Bible 2001

¹⁴ yuq muinz ngaz rueq kuy dvnc vshaungx yuix vruex nuingc jix waz kuex mkaq muinz khvmx svy rvhumc tuex rvmuq. Ngaz rueq kuy juing yuix vruex kuex piq tvkoc pattup rullungx lvp wvnc juing yuix ruilx yaungx wvnc tuex,” ngoz tueq tvralc tueq.

Muklom

¹⁴ Etharin utang eq tho nga kot ang jung shiwang ling ajo, piq baluk otho junglal ti moq sey angna. Iri jung bara nga kot ang, ning tin mong na pattuk rollung nángduk ang rangma jungmik angna.”

John 4:14 Referencias Cruzadas

ISAIA 49:10

Tsangshiq ka ümtiikiimin aramtsi riimakla khamnyangtsi chamchao mak she miraq. Rashekiitsi nai kumtsaiphii hiqke raq tiichamchao mak she miraq. Jamkhano ngukla tsangshiq lungwiitiwe riishe tsangshiq ka miriim wan. Apaiq raq tsangshiq ka tsiimse raisetiim na misheaho.

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

EJEKIEL 47:9

Kra jürai ka ümbano kihotlaq, kiijiika phanrap phanrii ngam saü ngiqse tonglong lishe miraq. Ara khamrai kitlaq ariiraq Amaa Khamjong chum kham ka khamhea miishe mitiija wan. Kiimaq ara jürai ka ümbano kihotlaq kiijaq ngamsaü ngiqse tonglong li she miraq.

LEWI 11:36

Shatmaq hiq mong maq phok raüta jürai se dong tlaq riimakla khappong kriika asii shemak miraq. Shatmaq laihin phanrap hupsam ka ara chongtiikai amaa thun kiijaq tiithan raüla kriithun ka wiita ashe siisaq miraq.

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

John 10:10

Shatmaq, ahuk skukhok na nyap wa tlaq kriika, skukong kra huk wa, atsea wa, kiimaq ashthen baiq wa ngutli watlo. Shatmaq, ngi saükikang arka, namshiq raq aliim ale rilung kra milap laq nguta kikang.

John 11:26

Kiimaq juwa atra sitlaq, kiimaq ngi ma kam tlaq, kriiti ka ümtiikiimin tsai mak she miraq. Ara ngi raq chongtiikang i bomtsi arma ümniiraq kam tlaü sha?” nguta Jesuq raq apaiq ma bom ka tru chongkuqto.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:11

Kiijiishe, Jechak nyung raq waito, “Shiilangwe, ümjaq na kham khechang balting min ahü. Kiimaq ara khappong arka atsaüwiq. Kra chong tlaü rilung tsitsü kham ka ümbawo milap haü?

John 4:13

Kiijiishe Jesuq raq treto, “Jurwa ara kham ara nyang tlaq, kriiti ma kham nyangtsi ka dong ruq li miraq.

John 4:36

Tsamjut ningchangti we riika, ningchang maq laptlo. Kiimaq tsam jut tlaq kriika, pattup pat-sa rilung tsam. Krai mren ajangti we nai ajutti we ka adam niishe michochi.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

John 6:58

Riita, ahata ramungtan wa asatki winsii phu. Ara winsii arka, namtitiim raq phaqsiq wantaq, shatmaq, kra winsii phaq sia jai min, tsangshiq ka atsai riiwantaq, kiikha phan winsii ka riimak. Jurwa ara winsii phaq tlaq, kriiti ka pattup pat-sa atrali she misi wan.”

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

2 Corinthians 1:22

Kiimaq nashiq khum na apaiq raq, apaiq rii she nguta, Asii Wenyi miithii maq shongto. Kiimaq apaiq raq nashiq ma nashiq tsan mong na Asii Wenyi kiimin athiikewi she. Riita, ara Asii Wenyi thiikuqtaq arka, Shiikeawe raq nashiq miitu ümchuwa mikuqha nguta kiq kham raüpot khakuqtaq kra, rawiichii nashiq raq kunli milap wan rong i she dea nguta tiichhike wan kiqkham raükha tiipha khake la niishe kuqto.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 7:16

Tsangshiq ma songtsi ramtsi min ahü she, khamnyang wiikii tsi min ahü she. Chumtsi shekii min ahü she, rakii tsi riimin chaq mak she.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”