John 3:32 - ASII LAKDAP Bible (BSI)

³² Apaiq raq jamlai phan wa sap tlaq, chhi tlaq kra mangjong maiqse ma chongkuqtlo. Shatmaq, apaiq raq jamlai hakhi wa kuq tlaq, kra miika jurmin kam mak.

Hawa Naga Bible 2001

³² Vpiq kuex vpiq rueq khiz tueq, tay tueq lvmz htenc kuex hakhix khvmc yaq, yuq muinz vpiq bomjungc kuex uraq muinz lvp wvnc muq.

Muklom

³² Chamlang piq aa khita etho tatta, eshima miikkhi kot aa; etho utang eq tho piq miikkhi sha thang moq.

John 3:32 Referencias Cruzadas

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

Matthew 7:8

Jaütlaqti raq milap; rit tlaqti raq mihum; kilü na buktlaqti ma midi kuq.

John 1:11

Apaiq ka maiqmii mung na kito. Shatmaq, maiqmii mungti raq, apaiq ka tao mak dea riito.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 3:26

Kriikha maq, tsangshiq ka Johan phana waraüta, apaiq ma chongto, “Shrinketi we, ümtsan na tiitsangshat li riimak sha, Jordan raire shedong nü maq, ümniirai riihumtiiwe ira? Apaiq bom ka naishiq ma chong kuq laü we irchong? Lii maüta, apaiq raq nanok ma kham lamkuqtlo. Kiimaq nokmaiqse wiitarü ka apaiq jai phan wanti siisaq she, apaiq jai na warai wanto!”

John 3:33

Shatmaq, jurwa apaiq hakhi ma kamtlaq, kriiti riika, Shiikeawe bomtsi chongkuq tlaq kriika tengto dea nguta hakhi kuq wantlo.

John 5:20

Ara jamkhano chongtiikang ngukla, Awe raq Ase ka pinthum lungwii tlo. Krai mren, apaiq raq jamlai wa sham tlaq, kriika Ase ma thumthum tiichhikuq tlo. Awe raq apaiq ma, arthun arthaq niimin kao raüta jaqsham ajong tiichhike wan chang dea asi shaqli. Kra thun kriika namshiq raq chhi wan han jiila kai awang mirhan.

John 8:26

Ngi raq namshiq miitu bom ka pahea dea chongke chang asi shaq. Kiimaq namshiq tiishut chang lam bom min pahea dea chong chang ka asi shaq li. Shatmaq, ngi tiikaiti we Shiikeawe ka tingting. Krai mren, ngi riimin mangjong maiqse miika apaiq raq jamlai wa ngi ma chong kuq wan tlaq kriili tlü chong kuq tiikang.”