John 2:19 - ASII LAKDAP Bible (BSI)

¹⁹ Kiijiishe, “Namshiq raq ara Shomjam ara tiithen baiq han jiila, ngi raq ranaiqtsam liipan niili mihai nongha,” nguta Jesuq raq tsangshiq bom ka treto.

Hawa Naga Bible 2001

¹⁹ Yesu rueq, “Vruex Shomc Yuimx kuex httak gay shuinz, raungnuiyq thuimx nuex dvyx ngaz rueq tvjvp guirx lot shaungx,” ngoz tueq tvralc tueq.

Muklom

¹⁹ Jesu aa ning ma thawel batta, “Iri rangnuk him ri thak chak inn, etho nga ira saltom o wey thalang hun náng.”

John 2:19 Referencias Cruzadas

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 27:40

“Ümniika Shomjam tiithen laüta ranaiq tsam liipan niili mihaiha ngoti we! Ümniika Shiikeawe Se dea jiika ümchaü min ümkhum ka tiichhii liina! Laüta pumsongkham kiiwa satkikiq!” nguta slai lii siqto.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Mark 14:58

“Mungtubi le. Naishiq raq apaiq bom ka akha taikai. Apaiq raq akha nguto, ‘Ngi raq ara maiqse raq jaq maq ahai Shomjam ara run baiq lata, ranaiqtsam jai maq, maiqse raq jaq maq hai lot mak chang phan, Shomjam ashi she mihaiha,’ ” nguta Jesuq ma kha ka nyanto.

Mark 15:29

Kra akhing na mungmaiqse ka kra lam maq akhum ashiim wantibi riimin, alea wan lam maq, tsangshiq ka tokbai laqlaq raüta, “Aha! ümniisha Shomjam ka runbaiq laüta, ranaiqtsam liipan niili mihai ha nguta ngoti we ira!

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

John 5:19

Kriikha maq, Jesuq raq tsangshiq bom ka treto, “Ngi raq chongtiikang arka tengteng: Ase raq apaiq tsii tsii miika jamlai phan sham akai min shamlot mak. Apaiq riika Awe jaqtho kra liiraü tli shamtlo. Awe raq jamlai wa sham tlaq, kriili Ase riimin shamtlo.

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Acts 6:14

Apaiq nga Najareth hiqti we Jesuq raq, ara Jerusalem wa Shomjam arka, atiithen mirbaiq nguta chongkuqtlo. Kiimahali, Mosheq raq natitiim ma thung alai achongkuq thü thun kriika, ümchaü nashiq raq lang wan raa mak she, shatmaq thunglai ahin she lang laita sichang nguta chongkuqtlo!” ngutiishe kha ka nyanto.

Romans 4:24

Ara bomtsi waiqthütaq arka, nashiq miitu min riito. Arka nashiq phong wa, nashiq Tati Jesuq ka amaa wa tiidong wanti we, Shiikeawe apaiq ma kam tiikai, laita apaiq raq nashiq ka kechu maiqse she nguta ajam na tiidii wan tlaqti thun miitu riito.

Romans 6:4

Kiimaq nashiq raq khamlam wankai kra lümaq, nashiq ka apaiq rai khoshi na lap wan damto. Raüta apaiq pum na tsai wan dam kai she. Ara tsai wan dam kai arka, Khristo ka achhai anyii Awe ningkun maq amaa wa jamkho tiidong wantaq kiikhiisii hali nashiq riimin rilung anye she lap wan laita siwan miitu tsaidam kai.

Romans 8:11

Riita, ara chong tiikai arai mren, Shiikeawe Asii Wenyi, Jesuq ka amaa wa tiidong wanti we kra, namshiq khum na sitlaq jiika, Shiikeawe apaiq riisii hali, Khristo ka amaa wa tiidong wantaq kiikhiisii, namshiq han-ngam ariim kai chang kiimiimin, tsitsü rilung she mithü kuq wan. Arka namshiq khum na Shiikeawe Asii Wenyi sitlaq kra ningkun lümaq mikuq wan.

1 Corinthians 15:12

Riita ümchaü chong tiikai krai mren, naishiq raq namshiq ma Khristo ka amaa wa atra she dong wanto nguta chong kuq kai ihata. Shatmaq namshiq phong wa, maiq wiijamti raq maiq ka amaa wa atra dong wan lot mak she miraq ngutiika jamkho ngutlan?

Colossians 2:12

Ara jamkhano chongtiikang ngukla, namshiq raq ümtiikiiwa kham lam wan lan, kra akhing na namshiq ka Khristo rai maakho chiimshi na lap baiqto. Kiimaq kham lam lan na, namshiq ka Khristo ma namshiq kamtsantsii thü wan lan kra lümaq, amaa arki ikhiiwa tiidong wanto. Kriika Shiikeawe atra ningkun raq, Khristo ka amaa wa jamkho tiidong wantaq kiikhiisii hali tiidong wanto.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.