John 19:11 - ASII LAKDAP Bible (BSI)

¹¹ Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Hawa Naga Bible 2001

¹¹ Yesu rueq, “Mnoz muex Tishox rueq vkuq vrangx vpangx maq dvyx mnoz rueq vkhoc shuimx vshuiux. Kvkhoc rvtueq m-yauk nuex ngvy tvshuk lekuy gay jix waz kuex mvrax yunghvlc pinhtumc httax yaq,” ngoz tueq tvralc tueq.

Muklom

¹¹ Jesu aa thawel batta, “Rangwang tarong komoq angta jo nang ma ikhom o som ma chamtho ahung ang wangta, ethirangma barey nga bajak náng kota, ning ngarey tha ahan.”

John 19:11 Referencias Cruzadas

1 KAÜWA WERAÜ 29:11

Ümniika ajong pinthum kiimaq ningkun jonghea riimtiwe, khushü jonghea, achhai anyii, kiimaq maiqkha akii. Ramungtan na ümchuwa sitlaq kiimaq mangjong hiq na ümchuwa sitlaq kra ümrii siisaq. Kiimaq ümniika hokham, ajong thaq niimin ajong pinthum phanrap kunli riimtiwe.

Tvtsvmc 39:9

Ngi ka kaiqshak mingaha, poshi min bom mang mirha, jamkhano ngukla ngi tiichamchaoti ka ümnaq kata.

Tvtsvmc 62:11

Jangshi ngo ma apa Shiikeawe raq ningkun rümti ka apaiq nguta nguto taikang

AJONJÜ 3:37

Tatiwe raq thapthi tlaq kriili, wranaiqtek klo wan tlo.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

DANIEL 5:21

Raüta, apaiq ka maiqse phong wa ajoshe riibaiqto. Raüta apaiq tsantsii ka ngamtsii miishe jakito. Apaiq ka rumnyamse kumtoq kong rai she sito. Raüta minsaü pong we ikha nyiimjaq phaq raüta sito. Kiimaq hiqsii thung niilishe bumto. Kiimaq bangkham sa wa akhum tiikhe chang khea min ahü maq sito. Atiisup niishe, apaiq raq Ajong Thaq Na Ajong Pinthum Shiikeawe riili dea mangjong hiq wa maiqse angu honyung hokhambi thun kra pengtlo; kiimaq apaiq raq juwe ma kero wa, kriiwe ma hokham jaqsham kuqtlo ngutiishe sapto.

Matthew 26:65

Kra tai raütiishe Ramwe Ajong Pinthum we raq adü na asam samtong jong kaü kra chaihea raüta nguto, “Riiqkhiq pinthum kiqshut! Nashiq ma hakhi ahin rit min ra mak she! Singmung le, namshiq raq maiqmii ni maq apaiq ka Shiikeawe rai mren arang hoti we nguta riiqkhiq apii pinthum kiqshut bomtaq kra tai lan she kata!

Matthew 27:2

Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Mark 14:44

Matwe raq, rewebi ma bomhuk ka kongkhu na akha achongke wishe riito: “Ngi raq ümriiti theaphi niiwa lungwii riimei wan nü maq mishup kang, kriiwe ka namshiq raq rittlan we kra ngushat. Kriiwe ka lap lanta, kharü maq kha raü, hitho ronglaq.”

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

John 18:13

Raütiishe, tsangshiq raq Jesuq ka apha na, Annas rung na sheaho raüta tiichapto. Annas ka, kra rawii Ramwe Ajong Pinthum jati we Kaiaphas ma ahuchhi we riito.

John 18:3

Krai mren, Judas ka Roman phenlanok kongshi, kiimaq ramwe jongbi nai Phorisinok raq atiiwa Shomjam kheti petanok kriiri kongshi shea wan raütiishe kra, Olip pero kiina wawanto. Tsangshiq ka rewa awarai. Kriikha maq, tsangshiq ka wiija wiipiq, kiimaq waniitei thun piraq chhaq kiimaq lemtem thun ka doraq chhaq maq kiijaq saü wanto.

John 19:10

Kiijiishe, Pilat raq apaiq ma nguto, “I bom ka tre maü nya? Tailaq, ümniika pumsongkham na tübaiq miitu nai atiichhiike miitu arang ka i jaq na asi.”

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

John 7:30

Kiijiishe, mungmaiqse phong wa maiq wiijamti raq apaiq ka alap riilai nguta danto. Shatmaq, jurmin apaiq dü na jaqkaiq maq sham lot mak riito. Kriika, apaiq ningthoi akhing misaü shaqli kha maq tsangshiq raq apaiq ka laplot mak riito.

John 9:41

Jesuq raq tsangshiq ma chongto, “Namshiq ka makchuk ngu raü jiika, namshiq dü na ngarai kha ka ahü mirwa. Shatmaq, namshiq raq makpiiq sitiikai nguta tiima tlan krai mren, namshiq khabu ka namshiq khuthaq na bumshat li she misi.”

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 4:28

Tsangshiq raq ümtinkhan wa kiimung wantaq kriika, ümningkun ajong maq nai ümniiraq athithi na tiihong tha miitu, ümniiraq tri raü ka, kongkhu ji miiphü dongdii shat je she athü wan kra, tiikupi wan miitu tsangshiq ka hongla wanto.

Romans 11:36

Ara jamkhano wai wan tiikai ngukla, phanrap phanrii ka, apaiq raq siisaq phansang kuq wanto. Kiimaq, phanrap siwan tlaq kriika, apaiq lümaq li atra siwan tlo. Kiimaq, apaiq miitu li phanrap ka siwan tlo. Riita, ija pattup pat-sa, Shiikeawe khushü kli dea mijong wan laq! Amen!

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.