John 15:16 - ASII LAKDAP Bible (BSI)

¹⁶ Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

Hawa Naga Bible 2001

¹⁶ Nuimshiq rueq ngaz thvl wvnc phuinx rvmuq, nuimshiq kaz wvnc vtueq vthuey vngoz paunghvlc thuey ngoz muex nuiyc vthuey kuex phaungx ngaungx tvkoc ngaz rueq nuimshiq kuex thvl wvnc vtueq tvhungx taq vphaungx. Kvkhoc rvtueq ngvy muingc ruingc vtueq nuimshiq rueq Vwaz kox wawc thoz vshuinx phvnx htenc kuex nuimshiq muex kuq kv-phuinx.

Muklom

¹⁶ Nim aa nga tal pha min ang tin, etharin nga nim tal taphang etho ka eq ahan tingo ang rangma nim raa shing taphang, irimal bangti tang bara alo utong angna. Irimal ang ajo nim aa imiing o Iwa jakwang chamlang chu inn, piq aa nim ma kona.

John 15:16 Referencias Cruzadas

RAPHA HIQWA LAK 18:18

Apaiq saüse phan thun ka maiq mung jonghea ashi kiimaq maiq pahea ahong ala mung ashi miishe mija wan. Kiimaq apaiq lümaq Ngi raq maiq phan thun tlotli mishmanha.

Tvtsvmc 145:4

Ümniiraq jamlai wa shamlaü kra tiitsam wan ruq miraq maiqpat patshi maq riita patshi na saüli; ümniiraq jonghea jaqsham laü thun kra tsangshiq raq mitiitsam wan.

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

TAKSU LAK 11:30

Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.

ISAIA 27:6

Rawiichii saü wantlaq akhing ranaiq na, Israilnok ka, Jakob saüse phan ka, pechong rangtu hiq mong na tsaühea cham wan tlaq ikha micham wan. Raüta tsangshiq ka apü alü waheala miraq. Raüta amak potsetiim midong wan. Raüta atsi ango phong raq mangjong hiq na hiqham raham ama miraq.

Mikha 5:7

Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

Matthew 21:22

Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Matthew 7:7

“Jaü ronglaq, raüla namshiq ma mikuq. Rit ronglaq, raüla namshiq raq mihum han. Kilü na buk ronglaq, raüla namshiq ma midi kuq.

Luke 6:13

Anap ranap niishe, apaiq raq ajaqshisetiim ka apaiq tho na triitam riichom heato. Raüta, tsangshiq phong wa roqshi ri wenai ka kiimwebi miitu shiikapto.

John 13:18

“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.

John 15:19

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.

John 15:5

“Ngi ahata spiqraü chong. Namshiq ka i kü i ko thun. Juwa i dü na chamshat maq sitlaq, kriiti raq atsi ango, pahea mitsi ngo. Ngi ahü miika, namshiq raq jamlai phan jaqsham min lot man.

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 10:41

Riita ara apaiq sham tiichhikuq wantaq kriika maiq wiitarü ma pili niika riimak. Arka Shiikeawe raq Jesuq hakhibi miitu juju wa kongkhu miiphü tsea raüta, tiijetiiti thun kra miili tiichhi kuqto. Kra hakhibi ka naishiq ara. Naishiq ka apaiq amaa wa dong wanjai miimin, apaiq rai adam maq phaqsiq wandam kai.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Romans 1:13

I phu i notiim lei, namshiq raq ara tsan na tiitsang shat sham, ngi ka namshiq phana waha jaq, nguta ümtinkhan wa tiima wan tiikang. Shatmaq, phanshi raq pathoho raütli, ümchaü atin aloq niishe saü rai wantaq. Pongnok phan maiqse phong wa, Phung na tiishang wan tiikang kiikhiisii hali, namshiq phong wiimin, Phung na tiishang wan tlo hajaq nguta, tsinngin tiikang.

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

Romans 9:21

Ara jamkhano akha chongtiikai ngukla, hamtak kriika jamkha lowan chang wa, kriika atiiqti we arang li. Hiq da dashi kra wiili, tak ka anai lowan raüta, ashi ka akhek anaq poi na lang wan miitu mithü wan. Kiimaq ashi kriika, akha miinan joli na lang wan miitu mithü wan.

1 Corinthians 10:11

Riita ara richü we manphan waiq thütaq, arka nashiq ma sungkhu tsii lam chongke miitu she waiq thüto. Tsangshiq ümchuwa jiimtaq thun ka nashiq ma tsii tiichhike miitu. Ümchaü nashiq pat sitiikai arka, phangthum wan pat she. Phangthum wan miika rahiq ka ajeli she.

Galatians 1:15

Shatmaq, Shiikeawe raq ngi ka apaiq kaphap mangchan wokhong maq, i nyung wokmong maq rawü min michhi ha shaq niiphü li, apaiq jaqsham wan miitu, pong na thiiq raüta, tsea wanto. Krai mren, apaiq raq ngi ma ümtiikaq ranaiq wa,

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 Timothy 2:7

Ara ningkhan, Shiikeawe raq ngi ka akiimwe ma shongto. Kriika ngi raq ara chongtiikang Tsütsa Ahea ara, Pongnok phan maiqse ma chongke wan miitu shongto. Tsangshiq ma ngi raq tengtlaq Phungmaiqse kamasham rilung lamphan tsütsa kra phanchan kewan miitu, ngi ka shongto. Ngi raq arot chong mang. Ngi raq chongtiikang arka tengteng!

2 Timothy 1:11

Shiikeawe raq, ngi ka Tsütsa Ahea ara chongke wan nai, ara shrinke wan miitu, kiimwe ma shongto.

2 Timothy 2:2

Ngi raq ümniima nokwe pahea man na, kamasham rilung bomtsi ka shrinkuq wan kang she. Kra bomtho raü thun ka, ümchaü ümniiraq nanok maiqshaq shaqti, maiqlare ma mija wan lotti kiimahali shrinkuq wan lili riilaq. Raüta, tsangshiq riihali, nanok Phungmaiqse ahinti, maiqlare ma mija wan lotti ma hali, mishrin kuq nong laq.

Titus 1:5

Ngi raq ümniika Kret wang na jaqsham tlot thü miitu baiqthü kang. Ümniiraq kra jaqsham atiinyi wan chang thun sitlaq kra, tlotli sham laq. Chelatek na phungtu liiti, maiqlare tsea laüta, shiikap laq. Ngi raq ümniima tsii chongkuq pha thun ira tsan na samhea tiitsangshat maq silaq.

Hebrews 11:4

Kain raq akuq honglu nam ma, Abel raq akuq honglu ka athuk atsom lin riito. Abel riika Shiikeawe ma kamtsantsii lümaq kuqto. Apaiq raq, kamtsantsii maq honglu kewan kha maq, Shiikeawe raq, apaiq honglu kra taoto. Raüta, apaiq ka kechu maiqse dea nguta bom raito. Apaiq ka atsai kaikun she li jiimin, apaiq raq kamtsantsii lümaq, ümchaü niitaq nashiq rai riibom dam tlo. Jamkhano ngukla, apaiq jaqtho kiiwa, nashiq raq tsin wan chang tsütsa asi.

James 3:18

Ara chongtiikai, phungtuti liipan na hansang maq nai kaütak rishi maq shongnga wan miitu, jurwa phumram khamkok doshat maq ramram jaqsham wantaq, kriiti ma achu shiiman khusang rilung misi.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

1 Peter 3:2

Namshiq raq tsangshiq shreng lanta, rong arai asii, kiimaq athuk atsom maq, shongnga tlan kra chhi raütli she, tsangshiq tsiitsii maq, Tsütsa Ahea ma mikam wan.

1 John 4:10

Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.

1 John 4:19

Nashiq raq Shiikeawe lungwii tiikai. Jamkhano ngukla apaiq raq nashiq ka apha miiphü lungwiito.