John 15:10 - ASII LAKDAP Bible (BSI)

¹⁰ Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

Hawa Naga Bible 2001

¹⁰ Ngaz kuex Iwaz rueq nvr yaq kvjaz htenc tay phvnx vtueq, vpiq lungwawc nuex rvwak vtaungx ikhoc, nuimshiq muinz ngaz rueq nvrc bomc htenc kuex tay phvnx ruiux kuex ngvy lungwawc nuex rvwak wuez tuinx.

Muklom

¹⁰ Chamal nga Iwa raaqkhat tang tat eq tong ang etho piq tinmat o tong ang, ethimal nim tho iraaqkhat tang tat inn jo i tinmat o tong nin.”

John 15:10 Referencias Cruzadas

2 SAMUEL 22:22

Ngi raq Tatiwe tri lang tiikang; ngi ka i Shiikeawe wokhong wa, ahin na juho mang.

2 HOKHVMX 18:6

Apaiq ka Tatiwe wokhong na tsapkapkap sitiwe riito. Kiimaq apaiq raq Tatiwe bom ka jangshi min tlea mak riito. Shatmaq apaiq riika Tatiwe raq Mosheq ma kuq wantaq aming raütu thun kriika tsapsaü kapse maq lang wanto.

DUNGWVNC 7:6

Mosheq nai Aron raq Tatiwe raq jamlai aming wa tataq kra kloto.

ISAIA 50:5

Tatiwe raq ngi ma taksu tsii kuqto, krai mren ngi raq apaiq kiq khiimang, riimakla awokhong wa ahin na juho mang.

John 10:18

Maiq raq jurmin i lang ka tiipit lot mak. Shatmaq, ngi raq i tsiitsii maq, i miisaq ka kiinong kuq baiq tiikang. I miisaq ka tan wan miitu arang ka ngi raq hotiikang. Kiimaq, i miisaq ara tiijang wan nong miitu arang kiimin, ngi raq holata sitiikang. Ara aming arka, i We raq ngi ma akuq.”

John 12:49

Ara chongtiikang arka tengteng: Ara jamkhano chongtiikang ngukla, ngi raq ümchuwa bom chongkuq tiikang arka, i tsiitsii maq achong kuq ha riimak. Ngi tiikaiti we, i We raq, arka chongke ra tlo nguta aming kuq tlaq, kriili chongkuq tiikang.

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

John 14:21

“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 14:31

Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang. “Lo, tiidong rongphiishe. Nashiq ka arjam maq tiido rong i she. Warong i.

John 17:4

Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 8:29

Kiimaq, ngi tiikaiti we ka ngi rai nong shiinong sishat. Apaiq raq ngi ka ümtiikiimin tiishaü baiq mak phan. Ara jamkhano chongtiikang ngukla, ngi riika apaiq raq jamlai wa lungwii tlaq kriili wranaiqtek sham tiikang.”

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

1 Corinthians 7:19

Ara jamkhano ngukla, maiqwe ka athohan je sha athohan hü wa kriika jamlai akhek ahü. Akhek bomtsi ka Shiikeawe aming thun tai wan kli.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

1 John 2:3

Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.

1 John 2:5

Shatmaq jurwa Shiikeawe aming thun kra lang raüta sitlaq, kriiti tsan mong niika Shiikeawe ma lungwii tsii ka asho awo rümtlo. Arka nashiq nai Shiikeawe liipan na tsanwa riilungwii she. Ara chongtiikai tsan wa riilungwii ara asi raütiq tiina, nashiq raq Shiikeawe ka tsanwa we ma tiija laitiidea lungwii tiikai nguta misap lot rong i.

1 John 2:6

Jurwa apaiq ka Shiikeawe rai tiipum tlii maq sitiikang nguta tiima tlaq, kriiti riika Jesuq jamkho sitaq kiikha sichang.

1 John 5:3

Jamkhano ngukla, nashiq raq Shiikeawe lungwii tiikai jiika, apaiq aming thun kra lang laita misi rong i ngushat. Kiimaq apaiq aming thun kra nashiq raq lang wan miika, jam min harai mak she. Arka hochii minchii maq khum laita siwan ikhli miraq.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.