John 13:19 - ASII LAKDAP Bible (BSI)

¹⁹ Riita, ngi raq ara ümchaü namshiq ma mra ara mipin shaq niili bomtsi ka chongkuq tiikang arka, ümra akhing niishe wa, ara bomchong arshe kuwan jiiq, kra ranaiq na namshiq raq, arka apaiq irdea nguta sap lanta mikam wan han.

Hawa Naga Bible 2001

¹⁹ Kvkhoc yaungx wvnc tuex nuex, ‘Ngaz kuex Ngaz ngoz vshaungx waz rvtauk,’ lvmz kuex nuimshiq kvmluimx wvnc tvkoc ngoz tueq, kvruex lvmx max yaungx wvnc shauk nuex majuiuc ngaz rueq nuimshiq muex jungx kuq vphaungx.

Muklom

¹⁹ Nga eshi tang sha angwey moq jakho nim ma bat kot eq taphang, irimal ang ajo eshi tang sha thupha jo nga raa piq tha hun ta nga ri kam phanin.

John 13:19 Referencias Cruzadas

ISAIA 41:23

Naishiq ma chongronglaq rawiichii na jamkho mija wan-kra nguraütiq naishiq raq namshiq ka tisho kong dea nguta misaphai! Phanshi ra ahea phan klo ronglaq riimakla phanshi ra phiiptsi chang klo ronglaq; lantea naishiq ka phiip ma tiitsai ronglaq, kiimaq tiikiinyii rongliina!

ISAIA 43:10

“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.

ISAIA 48:5

Kra ningkhan Ngi raq namshiq rawiichii rilung ka tiithai wan kang, mra thun mipin wan shaq niiphü tiithai wan kang, namshiq sumla phra kong raq tiithai raüta, kuwanto nguta namshiq tiitsakijiiq ngomaq Ngi raq mra thun ka tiipin wan kang.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Matthew 11:3

Tsangshiq ka kiraüta, “Naishiq ma chong laq, ümnaq ardea sha Johan raq, ‘Maiqwe ashi saüho tlo,’ nguta chong kuq tiiwe kra, sha nashiq Jehudinok mung raq, kriiwe ka ümchaü min misaüho shaqli nguta kheruq li khe chang wa miraq?” nguta tsangshiq raq apaiq ma bom ka waito.

Matthew 24:25

Taironglaq! Ngi raq namshiq ma akhing misaü shaq na chongkuq tiipha ara tsan na samhea tiitsang rong laq.”

Luke 21:13

Riita, arka namshiq raq Tsütsa Ahea kra maiqse ma chongke akhing miraq.

John 1:15

Johan raq nokmaiqse ma, apaiq tsütsa ka chongphan kuqto. Apaiq raq chiiriim raüta, “Arwe ahata ngi raq namshiq ma, ‘Apaiq ka i jai na kitlo. Shatmaq, apaiq ka ngi nam ma ajong. Apaiq ka jamkhano ngi ma ajong ngukla, apaiq ka i rawii min michhi shaq niiphü, apaiq ka asi dongdii,’” nguta nokmaiqse ma traho kuqto.

John 14:29

Ngi raq ara, ümchaü namshiq ma kra mra pin wan aranaiq akhing ka misaü wan shaq na, tlu na bom chongkuq tiikang arka, kra chong tiikang aranaiq kriishe saü wan jai, namshiq raq i bomchong arka teng wato dea nguta, ngi ma mikam laq, nguta ngo maq namshiq ma chongkuq tiipha ahata.

John 16:4

Riita, ija, ümchaü ngi raq namshiq ma, ara tlu na tsii chongkuq tiipha arka, ümtiikiiwa tsangshiq raq namshiq ka tiichamchao wan akhing she saüwa jiiq, kra akhing na, namshiq raq arka apaiq raq man na nashiq ma honlam bom chongkuq taq irshe dea kuwanto ngutiishe mitak han.” “Man na, aphaji niika, ngi ri namshiq rai adam na sishat. Kriikha maq, ngi raq namshiq ma arthun honlam wan bomtsi arka chongkuq mang miili thü kang.

John 4:26

Kiijiishe, Jesuq raq apaiq ma chongto, “Ngi ahata apaiq. Ngi ümchaü ümniirai riibom rai dam tiikang we ahata apaiq.”

John 8:28

Kriikha miishe, apaiq riili tsangshiq ma bomtsi ka akha tru chongkuq nongto, “Namshiq raq ümtiikiiwa, Maiq Se ka pumsongkham na mitübaiq han, kra ranaiqtiq namshiq raq ngi arka, ‘Ngi Santla Ngi,’ ngutliiwe kriidea ngutiishe misap han. Kra akhing niitiq ümchaü ngi raq namshiq ma ümchuwa jaqsham kuq tiikang arka, i tsiitsii maq asham ha riimak, shatmaq i We aming maq siisaq li dea sham tiikang nguta mitak han.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”