John 13:13 - ASII LAKDAP Bible (BSI)

¹³ “Namshiq raq ngi ka Shrinketi we kiimaq Tatiwe nguta hea tlan. Kriika riikhaqli thukto. Ngi ka namshiq raq akha shreng chang dea. Ara jamkhano chongtiikang ngukla, ngi ka kriidea.

Hawa Naga Bible 2001

¹³ Nuimshiq rueq ngaz ngoc Tvluingc waz ngoz tueq muinz, Taungjix ngoz tueq muinz ngoz vphuinx, nuimshiq rueq kvkhoc ngoz vshuinx kuex vlvmx nuimshiq rueq gvl vphuinx kuex rvkhauk laz rvtueq.

Muklom

¹³ Nim aa nga Teyhungwa nia Tatalteywa ta hal phin, etho khakla raaq inn chammatakoi nga ira hun.

John 13:13 Referencias Cruzadas

JEREMIA 1:12

“Riikhaqli chhitlaü,” nguta Tatiwe raq treto, “kiimaq ngi raq ibomtsi ka riikhaqli tiiku wan miitu khekham maq liitiikang.”

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Luke 10:28

Jesuq raq treto, “Riikhaqli. Ara chong tlaü ara klolaq. Haü la, pattup pat-sa tsitsü ka milap haü.”

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

Luke 7:43

“Ngi raq tiima kla, thiitham apa mapkuq tiiwe raq milungwii sham,” nguta, Simon raq treto. “Ümniiraq ngulaü ka riikhaqli,” nguta Jesuq raq treto.

John 11:2

Ara Meriq raq tiina kongkhuji maq Tatiwe hokphi na homseng tsai maq jut raüta, akhudap maq tiiwe tatketi nyung ira. Ara chongtiikai atsiti we arka apaiq ma ano Lajaras.

John 11:28

Martha ka ara riibom jai, ano Meriq hea wa, jam na jang wan nongto. Raüta, atsise maq, “Shrinketi we ka arjaq nashiq tho na. Apaiq raq ümnaq hea tlo,” nguta ano ma tsütsa ka chongto.

John 11:3

Tsangnai sinyi raq, Jesuq ma tsütsa ka akha tiichong kito, “Tatiwe, ümniiraq lungwii tlaü ümphuno we ira atsi.”

1 Corinthians 12:3

Riita namshiq raq ara bomtsi ara akhek sap rong laq, Asii Wenyi raq shunshea tlaqti maiqse riika, jurmin, “Jesuq Khristo ka ümtsai laq!” nguta ngu mak. Kiimahali, Asii Wenyi raq shunshea hü miika, jurmin, “Jesuq Khristo ka Tatiwe” nguta ngulot mak.

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

Ephesians 6:9

Kiimaq namshiq atijong wetiim riimin, tsangshiq raq namshiq jamkho shreng tlaq, kiimaq shiililii tlaq, kra khankhan sii hali, namshiq riimin mangchan ronglaq. Kiimaq tiiphiip miijiip, tiihai miichhai kiqla hiip-hii ka naq riirongkiq. Namshiq raq tsan na tiitsang shat ronglaq, namshiq atijong wetiim nai namshiq disetiim ka, ramungtan na nga raüta kha photi we namshiq ma taro, Tatiwe kra rii siisaq sitlan. Apaiq raq wiitarü ka kappe ashi miili she mishin.

Philippians 2:11

Kiimaq wiitarü raq tantan maq, Jesuq Khristo dea Tatiwe nguta mishom noq wan. Raüta, Awejong Shiikeawe khushü ka mitiijong wan.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

James 2:19

O raq, ngi riimin asapha. Ümniiriika Shiikeawe ka ashi li dea nguta kamtlaü. Kriika thukto dea! Shatmiitiina, ümniiraq sap chang asi: Thakong riimin la, Shiikeawe ka ashili dea nguta kamtlo. Raüta, tsangshiq haisi tsi ma atiikhai rokrok haitlo.