John 11:53 - ASII LAKDAP Bible (BSI)

⁵³ Kra ranaiq miiphat she, Jehudinok welabi raq, Jesuq ka tsea baiq miitu matkii ka tsangshiq jaq na shamshat she riito.

Hawa Naga Bible 2001

⁵³ Kvruex raungnuiyq maq phaungc vtueq Yuda miqsaz vyungx vlaungx bix rueq Yesu thvy gay tvkoc raz tsaz tvrungx raz wuez tueq.

Muklom

⁵³ Ethirangma ethi saal wang sey piq tha tikwat chak ma Jehudi tang aa chung ta.

John 11:53 Referencias Cruzadas

RAPHA HIQWA LAK 37:18

Tsangshiq raq apaiq ka alu na akairai chhito. Kiimaq tsangshiq phana misaüho shaq liipan niili tsangshiq raq apaiq ka atsea chang nguta mat kii ka süto.

NEHEMIA 13:21

Kra chhilatiishe, ngi raq tsangshiq ma, “Namshiq ka hupsam shata kham ma, chela ruk phai na anap ra miwiiho shaq nguta atu na naq khe rongkiq. Namshiq raq ibom tai man tlea han jiila, namshiq raq imo she miho han,” nguta tsangshiq ka tiihai sonkang. Kra sonkang kriimiiphat she, tsangshiq ka Asii Niitiitsak Ranaiq ranaiq na jangki nongmak she riito.

NEHEMIA 4:16

Kriimiiphat she, isengi wa khoko riika, ruk tiihea hai jaqsham, kiimaq khoko riika, rekhat miirii samtong theapak samraq, kiimaq jaq na piqjong doraq, kiimaq liiqjong wiraq, kiimaq wuchi liq wiraq miishe, sontri tsongti ka rekhe, kiimaq mungmaiqse khoko riika, ruk tiihea hai she shiikut wan kai. Kiimaq naishiqnok welabi riimin

Tvtsvmc 113:2

Apaiq mang ka mitiitsamlaq, ümchaü kiimaq pattup pat-sa.

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

Tvtsvmc 71:10

Ijaqtinok raq ngi ka atseabaiq tankhantlo; tsangshiq riichong raüta ngi tsea ma mat tantlo.

JEREMIA 38:15

Ngi raq trekang, “Ngi raq ümniima tengteng bomtsi kra chongha jiika, ümniiraq ngi ka atsea mirbaiq haü. Kiimaq ngi raq ümniima tsii chongkuqha jiimin, ümniiraq ümtsantsii ri kuq maü.”

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

Matthew 12:14

Kriikha miishe, kiijaq nga damti Phorisinok ka ahin na tiidorang she wawanto. Raüta Jesuq kra tsea baiq wan miitu mat-sü tsasü she hong wanto.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 22:46

Jesuq raq Phorisinok ma bom waitaq kriika juwe riimin trelot mak dea riito. Kiimaq kra ranaiq miiphat she, maiq wiitarü raq Jesuq ka bomwai thiikho na tiidea la nguta dan mak, ahai she riito.

Matthew 26:4

Raüta tsangshiq raq Jesuq ka ahukse maq lap raüta tsea baiq chang nguta kiq rito.

Matthew 26:59

Ramwe jongbi nai Jehudinok Rung wa ajong alabi raq Jesuq ka tsea baiq miitu, Jesuq ma arot akiq kha nyanti arot hakhi kewanti maiq ritto.

Mark 14:1

Riita kra akhing na Tiichhii Wan Poi nai Pi Maq Shohü Winsii Phaq Poi phaho miika, ranaiq nai lishe asi riito. Kiijaq Ramwe jongbi nai Thungtri shrinketibi raq, Jesuq ka ahukse maq lap raüta, tsea baiq chang nguta mat raü ka shun jam she riito.

Mark 3:6

Kra chhi raütiishe, Phorisinok ka, tiido rang, sinagok wa wawanto. Raüta, tlothit li she, Herod sengi wiijamti rai riihum wato. Raüta, tsangshiq raq Jesuq tsea baiq miitu, mat raü she süpha wanto.

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

John 12:10

Kra nokmaiqse kong kra chhi raütiishe, ramwe jongbi raq Lajaras kiimin Jesuq rai atsea baiq chang nguta kha ka tan thüto.

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Acts 9:23

Kiimaq, rahiq luhea siwan jai she, kiijaq siti Jehudinok thun ka adam na kiqshi maq ri raüta, Saul ka atsea baiq raa tlo nguta tsangshiq raq matkii ka süriito.