JEREMIA 50:2 - ASII LAKDAP Bible (BSI)

² “Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

Hawa Naga Bible 2001

² “Miq phvnx htenc kox nuex thuix thaungx kuex jungx shuiuz! Kvruex jungphvnx shuiuz! Tvtsuingc juing nganc dvmx kuq vtueq, thuix thaungx tvtay jungx shuiuz! Kvruex lvmz kuex nauk puingc taq kaz! Babelon kuex sumrul kaz shex! Piq Marduk tishox kuex tvrul gay tueq shex! Babelon yac yuimx htenc yvlc svy rvhumc tueq, piq vshuy vshac yac yuimx htenc kuex tvhuyx tvbunx gay tueq!

JEREMIA 50:2 Referencias Cruzadas

Tvtsvmc 64:9

Tsangshiq tarü ahai she miraq, Shiikeawe raq jamlai jaq wa shamtaq kra tsangshiq raq mitiima kiimaq apaiq jaqshamtaq thun kra michong.

Tvtsvmc 96:3

Chiiriim lanta apaiq khushü jong ka maiq mung thun na chong ronglaq, apaiq raq ningkun henghea maq jaq shamtaq thun kra maiq phan tlotli ma chong ronglaq.

Tvtsvmc 97:7

Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.

ISAIA 12:4

Ranaiqshi akhing misaü wan kiitiikaq nokwe akha mishi, “Tati tiitsam ronglaq! apaiq jaq wa khrum jaü rong laq! namshiq khrum miitu! Mangjong tlotli ma chong ronglaq, apaiq raq namshiq ma jaq sham kuqtaq kra! Tsangshiq ma chong ronglaq apaiq jonglu kra!

ISAIA 13:2

Hiqlam kealoklok thaq na redong tanglap kra shonglaq! Laüta agi lülü phenlabi ka riimlaq, laüta rekhat ho ma hünong buklaq! Tsangshiq raq shiikonghea chela kilamchong thun kriimaq mikhat wanlaq.

ISAIA 21:9

Tiidongchhaq miili, tsangshiq ka saü wanto! Maiq kong ka kumrang thaq na, wenai nai maq watlo, Kintsongtiwe raq tsütsa ka tiitai chongto. “Bebilon ka miqto she! Tsangshiq raq sumla phra phong noqtlaq thun ka tiisiirai thento she. Wiita hiqrai shotbaiqto.”

ISAIA 37:19

Raüta tsangshiqnok phra kong thun ka wa maq chaqbaiqto. Kriika ngohea dea tisho kong ka riimak. Kriithun ka maiqse raq jaq maq pe wa ahai kiimaq long maq ahai sumla phongli dongdii.

ISAIA 39:1

Ara akhing tinkhan na, Bebilon mung hokhamwe, Merodakh Baladan, Balandan se raq, Hokhamwe Hejekia ka atsi riito nguta tsütsa taito. Kra ningkhan apaiq ma lak ashi tiihoto kiimaq kongphiq ri tiihoho damto.

ISAIA 46:1

“Bebilon mung phra kong miika arshe athum! Bel phra nai Nebo phra ka man na shomnoqto, shatmaq ümchaü tsangshiq ka kumtoq kong raikhü niishe miikuqto, anii makaiq nyamse kong ma homatlaili she.

ISAIA 48:20

Bebilon mung wa wawantlo ronglaq, wase ma jalanta wawan ronglaq! Arü ariiq chochikhiq tsütsa ka tiitai ronglaq! Tsütsa ka barapse na tiitai ronglaq: “Tatiwe raq ajaqshi se Israil chhiikuqto she!”

ISAIA 48:6

“Ngi raq tiithaikang thun ka thum thum she kuwanto; Ngi raq tiithaikang kriidea tengto nguta namshiq raq pongsaq changli she. Ümchaü Ngi raq namshiq ma bom anye she chongpha, kongkhuji na tiichhikuq wan mangdea kriithun kriishe mitiihong wanha.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 31:10

Tatiwe raq ngutlo, “Maiq mung thun lei ibom tai rong laq, lanta ibomtsi ka khamjong chumkii thun luhea na, chiiriim lanta chongkuq ronglaq. Ngi raq isenginok ka pongmung na nyinbaiq kang; shatmaq Ngi raq tsangshiq ka mirchom wanha, lata sku riimti raq skukong riimtlaq ikha mikhebomha.

JEREMIA 4:16

Tsangshiq ka maiq mung thun kiimaq Jerusalem ma re kong thun ka maiq mung luhea wa aki saühotlo nguta honkam tsasoqkai saükito. Arthun re kong saühotlaq ariiraq Juda mung na chela thun kra bokwan miitu migitrang wan.

JEREMIA 4:6

Jajon nü na walam tiichhikuqlaq! Jutlo ronglaq! Naq tiijai jongkiq! Tatiwe raq phiiptsi chang thenjen tiikitlo kiimaq shekhu nü mung wa henghea tiithenkaiti saühotlo.

JEREMIA 46:14

“Ejip mung na chela thun kiijaq chiiriim laüta chonglaq, Mikdol chela na, Memphis chela na, kiimaq Tahpanhes chela thun na akha chonglaq; ‘Tiije ronglaq namshiq maiqmii khum tiikhe miitu; namjaq na ümchuwa sitlaq kra wiita reraq mitiithenbaiq!

JEREMIA 50:46

Ümtiikiiwa Bebilon ka thamwan jiiq, apaiq tham wan trang ka ramok wa ikha mangjong tlotli na hamli hiq ka atiikhai miraq. Kiimaq mung maiqse kiinyii hotrang ka mangjong tlotli raq mitai.”

JEREMIA 51:12

Bebilon chela ruk thun kra run miitu jaq maq jap lanta tiichhi kuq ronglaq. Phenlabi ka apa maq tiikhe ronglaq! Kintsongti thun ka tsong ronglaq! Bom hai lanta tiikheli ronglaq!” Tatiwe raq Bebilon mungti khuthaq na jamlai mikloha ngutiiwa chongtaq, kriika kloto she.

JEREMIA 51:27

“Rekhat chap wan miitu jaq maq jap laq! Hünong ka buk laq! Laüta maiq mung thun raq mitailaq! Maiq mung thun kun kun Bebilon mung khatkai miitu rechap tiije ronglaq! Ararat mungti ma chonglaq. Minini mungti ma chonglaq. Kiimaq Ashkenaj mungti ma khat ronglaq nguta chonglaq. Phentu jong weshi ma lam tiishea laüta tiikhat phaholaq. Kumrang phong ka kupchi longtlaq ikha tsuq wan laq.

JEREMIA 51:31

Kiimwebi tsasoqti ka riijo riijo ju raüta, Bebilon hokhamwe ma chela tro wa kiitelong ruk thun ka barap binrii miishe tiibun siiqbaiq wanto nguta tsütsa ka tiitai chong watlo.

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

JEREMIA 51:47

Kiimaq arai mren, akhing misaü wan, Ngi raq Bebilon mungti sumla phra kong kha ka miphoha. Tsangmungti kunli ma jea mitiingaüha. Kiimaq asenginok mungmaiqse thun ka hiq maq hutse wiita mijiipbaiqha.

JEREMIA 51:52

Arningkhan Ngi raq akha ngutiikang, akhing ashi misaü wan, Ngi raq Bebilon mungti sumla phra kong kriishe mitiithen baiqha. Kiimaq maiq asho kong thun ka kra mung tlotli na tsang pit-tsi ma agam agu watrang lishe miraq.

JEREMIA 51:8

Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

JEREMIA 52:31

Ümra rawii wa Ewilmerodakh ka Bebilon mung na hokham ma shongtaq, kra rawii apaiq raq Juda mung Hokhamwe Jehoiachin ma mangchan tsii tiichhi kuqto. Raüta apaiq ka phaqtek mong wa tiidong baiqto. Arka Jehoiachin ka munglu shumwi ma shea wanli maq wiiroq tsam ri wiimiishi she angu na, kra rawii wa jipi lüroqshi ri lünai angu na, kra jipi wa raroqnai ri rabiingi ranaiq riito.

JEREMIA 6:18

Kra ningkhan niishe Tatiwe raq nguto, “Taironglaq, namshiq maiq mung thun raq, lantea isenginok ma jamlai mra wa pin wantlaq kriiwa namshiq raq namtsii humwan ronglaq.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 3:14

Apaiq raq tsangtsam ma akha nguto, “Shadrakh, Meshakh, kiimaq Abednego, namtsam raq ngohea shaqshaq shea, iphra kaü ka shomnoq man kiimaq ngi raq chaq sumla phrakaü shongkang kra khaki na bumlantiimin noq man?

JEPHANIA 2:11

Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.

Revelation 18:2

Apaiq raq tiihong raüta akha riimto: “Thento! Thento! Ajong Pinthum Bebilon Chela thento! Apaiq sichang jam ka ümchaü shotsai winji kong tiibo chang she. Ashe ashi maiqphai asi wushi kong da chang chong miishe jakito.