JEREMIA 5:15 - ASII LAKDAP Bible (BSI)

¹⁵ Israilnok lei, Tatiwe raq namshiq tiikhatkai miitu maiq mung ashi luhea wa sheahotlo. Kriika ningkun henghea riimtinok kiimaq man niiphü ajong alu mungti dongdii. Tsangmungti bom ka namshiq raq taiman.

Hawa Naga Bible 2001

¹⁵ Israel miqsaz lex, Yehowa rueq nuimshiq kuex khvt gay muex lvmx luz mungx wawc miqphvnx shiz kuex shvlx wvnc yaq. Tsuingshiq kuex hungc vlaungc httax hvlc nuiyc mvnnuex wawc miqphvnx rvtueq, nuimshiq rueq tuiuz muit kvjaz kvjak jix miqphvnx phvnx shiz rvtueq.

JEREMIA 5:15 Referencias Cruzadas

RAPHA HIQWA LAK 11:7

Nashiq ka satki rong i. Laita tsangshiq bom ka triishot baiqki rong i. Raüla tsangshiq liipan na bom ka weshi raq weshi bom ka taimak she miraq.”

Tvtsvmc 81:5

Apaiq raq Israilnok ma akuq aming apaiq raq Ejip mung khattaq akhing na, ngi raq asham sapmangwe raq akha nguto taikang,

ISAIA 28:11

Namshiq raq ibom tairo man jiika, Shiikeawe raq maiq pongmungti lü maq, pongnok pongta phan bom maq, namshiq raq atse atsa man taiman phan bom miishetiq namshiq ma phanrap ka mishrinkuq.

ISAIA 29:3

Shiikeawe raq chela ka mikhat. Trotam maq mikom wan. Raüta komtam maq mikhe.

ISAIA 29:6

Ajong Pinthum Tatiwe raq ümniika ramok rachhai wa trangla rathaiq wan raüta kiimaq hiq jong tiimu wan raüta mitiichhii kuq wan. Apaiq raq henghea pinthum rathaiq mitiisaü. Kiimaq walü wa amok dung dung mitiikhiim wan.

ISAIA 33:19

Namshiq raq namtijongwe pongmungti shiikongkhiq namshiq shiikengti, apaiq bom min tai man phanwe ka chhiman she mirhan.

ISAIA 39:3

Kiijiishe shammiwe Isaia ka Hokhamwe Hejekia phana wato. Raüta waito, “Arwetiim arka ümba maq aki wa kiimaq tsangshiq raq ümniima jamlai bom asa wa chongta?” Kiijiishe Hejekia raq treto, “Tsangshiq ka maiq mung luhea wa aki. Bebilon mung wa.”

ISAIA 5:26

Tati raq pongmungti luhea wa raüpot pheakuq raüta mitiihea. Apaiq raq ajaqshi tsü raüta tsangshiq hiq tiisup ra tiisup mung thun wa warongra nguta tiiheatlo. Krai mren tsangshiq ka arjaq jaqlo thitthit she saühotlo!

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

JEREMIA 1:15

Jamkhano ngukla, Ngi raq shekhu nü mung kiiniiwa maiq mung thun pahea kra kirongra nguta shuntiikang. Tsangshiqnok hokhambi raq Jerusalem ruk kilamchong thun na kiimaq kra ruk trotam na, kiimaq Juda mung na chela thun tlotli tro na tsangshiq hokham ngacho thun kra mishong.

JEREMIA 2:26

Tatiwe raq ngutlo, “Ahukwe ka maiqraq lapho raüla jeasi khatamshi mingaü. Ikiikhiisii hali namshiq Israilnok riimin, jea mingaü han. Nam hokhambi raq, nam siihiipbi raq, nam ramwebi raq, kiimaq shammibi raq jea mingaü phaq han.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 4:16

Tsangshiq ka maiq mung thun kiimaq Jerusalem ma re kong thun ka maiq mung luhea wa aki saühotlo nguta honkam tsasoqkai saükito. Arthun re kong saühotlaq ariiraq Juda mung na chela thun kra bokwan miitu migitrang wan.

JEREMIA 5:11

Israil mungti nai Juda mungti raq ngi ka shubaiqtlii no na tsuqbaiqto. Arka, Ngi, Tatiwe raq ngutiikang.”

JEREMIA 6:22

Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

DANIEL 1:4

Tsangshiq ka asham ahea, phaqchi maiqse, phanrap aheawiq shrinkeje, phanrap saptsin wansaqti, kiimaq akhum na amiphan ahüti riichang. Tsangshiq ka hokhamwe rung na jaqsham ma thektlaqti maiq riichang. Ashpenaj raq tsangshiq ma Bebilon mung bom ka aphat wan nai awaiq wan shrinke chang.

DANIEL 7:7

Ngi raq ara liirat tiikang liipan na hali, ngamthaiq kaüblai ngoja kra dong wanto. Kra kaü ningkun ka jonghea, liibi, kiimaq maiqkii maiqnyii. Awi thun ka jinwi. Ajong min jonghea. Kriimaq atra phan nyamse ka tiibun miilak kaqphaq tlo. Kiimaq ahok maq nishishi tsatbaiqtlo. Apaiq ka ngamkaü ahin kiikhiika riimak. Akhu na arong roqshi asi.

AMO LUIK DVP (AMOS) 6:14

Tati Shiikea Ningkun Ajong Pinthum raq ngutlo, “O, Israil nok lei, ngi raq namshiq khatkaiti, pongmungti chiqse rewe tiije tiikang. Tsangshiq wa raüta nammung mikhat wan. Raüta mijiiwan. Tsangshiq raq nammung ka shekhu nü, Hamath Kinchit maq phaho raüta, shemai nü Wadi Araba na saüli mijii wan.”

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

1 Corinthians 14:21

Asii bomtsi na akha waiq thüto: “Abom asa min saptai mai nok phan maiq lümaq, Ngi raq I sengi nok rai mirbom wan damha, nguta Tati raq ngutlo. Ngi raq I senginok rai Pongnok phan bom maq mirbom ha. Shatmaq kra taü maq dongdii min, I senginok raq I bomchong ka taimak miraq.”

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.