JEREMIA 46:2 - ASII LAKDAP Bible (BSI)

² Arka Ejip mung maq phahoto. Apaiq raq Ejip mung Hokhamwe Neko phenlabi ka Bebilon mung Hokhamwe Nebukadnejar raq Euphretis rai tho maq Karkhemish hiq maq khat raüta tangtaq kra chongtlo. Kriika Juda mung Hokhamwe Jehoiakim raq mung lang wanli maq wiiblai she angu na riito:

Hawa Naga Bible 2001

² vphaungc kuex Ejip mungx nuex seng vtueq jungx tueq. Yuda hokhvmx Jehoiakim hoc nuex ngaungc wawc bvlic raungwawc, Babelon Hokhvmx Nebukhadnezar rueq Euphrat Ruilx hep wawc Karkemish hong wawc Ejip Hokhvmx Neko nolaungx bix kuex khvt taungx gay tueq nuex seng vtueq, vpiq rueq jungx tueq kuex vkhoc rvtueq:

JEREMIA 46:2 Referencias Cruzadas

2 HOKHVMX 18:21

Ümniika Ejip mungti raq ümniika mikhrumkuq nguta kamrai tlaü kata. Shatmaq kriika tingjangkii ka nyeathi ma tiija ikhli miraq. Kriika angoq khoti mirki. Raüta asiiq raq ümjaq phi kra khoti mitram haü. Ejip mung hokhamwe ma kamti ka ara chongtiikai akhli michaphaq.”

2 HOKHVMX 23:29

Josia ka Hokham jatlaq akhing na, Ejip Mung hokhamwe Neko raq asengi phenlabi pahea sheawan raüta Asiria mung ajong hokhamwe kra khrum wa nguta Euphretis rai tan kiina rekhat wa wato. Hokhamwe Josia raq Ejip mungti phenlabi ka Megiddo chela maq shangbaiqla nguta danto. Kra riikhattaq kiijaq Josia ka tsaito.

2 HOKHVMX 23:33

Apaiq hokham jaqsham ka Ejip mung Hokhamwe Neko raq apaiq ka Hamath wang na Ribla chela wa lapho raüta munglu shumwi ma khawantaq kiijaq thumto. Raüta Neko raq Juda mung jaq wa tijong tsiiq kampho 3,400 kilogram, kiimaq chaq ka kilogram roqtsamri blai jaüto.

2 HOKHVMX 24:7

Ejip mung hokhamwe nai asengi phenlabi ka Ejip mung maq maiq mung khatkai rechap ümtiikiimin shun mak she riito. Jamkhano ngukla Bebilon mung hokham raq Ejip mung wokhong na siti maiqmung thun ka Euphretis rai maq phaho raüta, Ejip mung shekhu nü mung hiq rai thun kiina saüli ka ümchaü Bebilon mung hokhamwe riishe wiita siqtlo. Raüta awokhong na siisaq rümtlo.

ISAIA 10:9

Ngi raq arthun chela ara khatkang. Lata jiiwan kang. Kalno chela kiimaq Karkemish chela, Hamath mung wa chela thun nai Arpad mung wa chela thun ka jiiwan kang. Ngi raq Samaria chela nai Damaskas chela kra khat lata jiikang.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 19:19

Kra akhing she saüwa raüla, Tatiwe shomnoq chang berong-wacha Ejip mung na ashi miraq. Kiimaq Ejip mung hiqrai na longkaü khamchong ashi apaiq mang na ashong asi miraq.

JEREMIA 25:1

Josia se Jehoiakim ka Juda mung na hokham jawanli maq wiiblai she angu na, Tatiwe raq ngi ma Juda mungti tlotli miitu tsütsa bomtsi ashi kuqto. (Arka Nebukadnejar raq Bebilon mung na hokham jawanli maq jaq shampha wan rawii.)

JEREMIA 25:19

Riita ara chekhap wa baknyang damti maiq mung thun ka armung thun ara miraq: Ejip mung hokhamwe nai asengi ajong alabi, kiimaq welabi thun; Ejip mungti tlotli kiimaq pongmungti Ejip mung na siti tlotli; Uj mung na siti hokhambi wiita; Philistain mung wa chela riimtibi tlotli, Ashkelon chela, Gaja chela, Ekron chela, kiimaq Ashdod chela na aso tiichongtlaqti kra; Edom mungti, Mob mungti, kiimaq Ammon mungti tlotli; Tajar nai Sidon mungti hokhambi tlotli; Mediterenian khamjong kii wang binjü na siti hokhambi tlotli; Dedan chela, Tema chela, kiimaq Buj chela; Tsangshiq khu atoqse ma siti tlotli; Arabia mungti hokhambi tlotli; kumtsaiphii mungti hokhambi tlotli; Jimri mung, Elam mung, kiimaq Media mung hokhambi tlotli; Shekhu nü mung hokhambi tlotli, luheati kiimaq ajeti tlotli; mungshi maq riita mungshi na mitiinyang. Mangjong hiq hamli na siti mung thun kunli raq ara chekhap wa mibak nyang wan. Atiisup niishe ka Bebilon mung hokhamwe riishe ara chekhap arwa minyang wan.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 36:1

Josia se Jehoiakim ka Juda mung na hokham jawan li maq wiiblai she angu na, Tatiwe raq ngi ma chongto,

JEREMIA 43:11

Nebukadnejar ka kiraüta Ejip mung ka mikhat. Raüta mitang wan. Mungmaiqse phong wa juwa thadong raq tsai chang athiiq, kriiti ka thadong na mijiim. Maiq ümchuwa munglu shumwi kong ma tsuq wan chang athiiq, kriiti thun ka munglu shumwi kong ma pongmung na mitsuq wan. Kiimaq maiq ümchuwa redong na re raq tseabaiq chang athiiq, kriiti ka rejaq na mitsai.

JEREMIA 45:1

Josia se Jehoiakim raq Juda mung na hokham jawanli maq wiiblai she angu na, ngi raq jamlai wa inü maq chongkang kra Barukh raq lakdam na waiq thüto. Latiishe ngi raq apaiq ma chongkang,

JEREMIA 46:14

“Ejip mung na chela thun kiijaq chiiriim laüta chonglaq, Mikdol chela na, Memphis chela na, kiimaq Tahpanhes chela thun na akha chonglaq; ‘Tiije ronglaq namshiq maiqmii khum tiikhe miitu; namjaq na ümchuwa sitlaq kra wiita reraq mitiithenbaiq!