JEREMIA 44:24 - ASII LAKDAP Bible (BSI)

^24-25 Ngi raq mungmaiqse tlotli ma, akhek ka jechakre ma, Tati Ningkun Ajongwe, Israilnok Shiikeawe raq, Juda mungti Ejip mung na siti ma jamlai wa ngutlaq kra chongkuq kang: “Namshiq nai nam nyungtiim thun raq atiitum lanta Ramungtan Hokham Nyung ma, kiqkham kuq wan lan. Namshiq raq apaiq miili honglu thun ka mikuq rong i kiimaq che honglu ka mitiibok kuq rong i nguta kiqkham raüpot khakuq lan ihata. Krai mren namshiq raq maiqmii kiqkham raüpot ka riikhaqli thüwan lan. Ahea thep klo wan tlan kata! Namshiq kiqkham raüpot ka samhea maq lang wan lili ronglaq! Namshiq raq sinkham wan lan kra samheawiq maq lang wanlili ronglaq!

Hawa Naga Bible 2001

^24-25 Tvphaungc Tvsuip Yehowa Israel Tishox rueq Ejip mungx nuex httaz kay jix Yuda miqsaz htenc muex jungx yaq kvjaz kuex miq lotlaz muex jungc kuy htauk nuex muinz yalxjuik rulx muex jvnc vtueq vkhoc jungx tueq: “Nuimshiq nuiyc nuimshiq taungnyuiuz tamx rueq Raungmungx Hokhvmx nyuiuz muex kvtuemc bomkhvmc taq tuit. Nuimshiq rueq kvruex nyuiuz shomc nawk kuy shomc kuq ruiux piq muex svpiq tix shomc ruiuc vtueq nuimshiq bomkhvmc kuex tvtsuir tvy muex ngoz tueq, nuimshiq rueq bomkhvmc taq tuit. Kvruex kuex pinhtumc hvlc! Nuimshiq bomkhvmc kuex tvtsuir shuinz! Nuimshiq rueq bomkhvrc taq tuit kuex tvhttoarc vtueq shuimx shuinx!

JEREMIA 44:24 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

ISAIA 28:14

Ümchaü namshiq ara Jerusalem chela pengtibi ka ashkongtamli sitlan. Taironglaq. Tatiwe raq jamlaiwa chongtla.

JEREMIA 43:7

Tsangshiq raq Tatiwe aming ka jinto. Raüta Ejip mung na laühoto. Raüta Ejip mung na luhea na Tahphanhes chela kiina saüli laü hoto.

JEREMIA 44:26

Shatmiitiina, ümchaü namshiq raq, Ngi Tatiwe raq, namshiq Ejip mung na sitibi khuthaq na imang chong ningkun aheng pinthum chong lata sinkham bom chong tiikang ara tiitsang tai rong laq: Namshiq ma imang ara tiichong lata sinkham raüpot ka tiipaq wan mang she. Namshiq raq, ‘Ngi raq atra Tati Rakaü Hiqwe mang na tiitum tiikang!’ nguta imang tiichong mang she mirha.

EJEKIEL 2:7

Ngi raq ümniima jamlai bom wa tiichongki tiikang kra tsangshiq ma michongkuq haü. Tsangshiq raq taitlo, taimak lo. Tsan na tiitsanglaq tsangshiq ka ikiq khü srutinok.

AMO LUIK DVP (AMOS) 7:16

Kiijiishe Amos raq ramwe jongwe Amajia bom ka akhiishe treto, “O, riita Tatiwe bom ka tailaq, ümniiraq ngi nang nga, ‘Israilnok khuthaq na riisham bomtsi tiithai naqchongkiq, kiimaq Isak saüsetiim khuthaq niimin, riisham bomtsi naqchongkiq,’ nguta ngutlaü.

Matthew 11:15

Juwa ni asi, kriiti raq tiitsang tai ronglaq!”