JEREMIA 44:16 - ASII LAKDAP Bible (BSI)

¹⁶ “Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

Hawa Naga Bible 2001

¹⁶ “Yehowa muingc maq mnoz rueq nuiyshiq muex jungx phux kuex nuiyshiq rueq tay miq tvdux gay shix.

JEREMIA 44:16 Referencias Cruzadas

Tvtsvmc 2:3

“Nashiq ka tsangshiq wokhong wa dongho rong i,” nguta tsangshiq riichongtlo. “Tsangshiq ka natijongnok ngumai she.”

DUNGWVNC 5:2

Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”

TAKSU LAK 1:24

Ngi raq ümniika hea wan kang, iphana hea wan kang. Shatmaq ümniiraq ibom tai maü; Ümtsan tsii akhiismin ngi ma kuq maü.

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

JEREMIA 11:10

Tsangshiq ka tsangtitiim raq jamlai ngarai wa tang wantaq kriithun lam phan na jangho nongto. Tsangtitiim raq ibomchong ka tai mak tlea wanto. Tsangshiq raq laihin tisho thun noq wanto. Noknai ri Israilnok nai Juda mungti raq, Ngi raq tsangtitiim ma tongshong raütu akhakuq wanha thun kra wiita jinbaiqto.

JEREMIA 11:8

Shatmaq tsangshiq raq ibom chong ka taimak kiimaq lang wan mak riitlo. Tsangshiq raq ibom chong kra tai rii na, tsangshiq ka loweatek ni lanlaqlaq wanshakshak kiimaq abi kiimung kli pattup ja sruru khoti riitlo. Ngi raq tsangshiq ma tongshong tri raütu kra lang ronglaq nguta aming kuq wan kang. Shatmaq tsangshiq raq ikiq ka akhli riiwanto. Arningkhan she Ngi raq tongshong tri raütu na bom tlea wanti ma jamlai manson niwan chang wa chongtlaq kriithun manson tiini wan kriika tsangshiq ma kuq wan kang she. Tsangshiq ka biiphaqto she.”

JEREMIA 13:10

Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

JEREMIA 42:13

“Shatmaq namshiq ümchaü ümchuwa Juda mung na tiichong kilanti thun riika Tatiwe namshiq Shiikeawe kiqkhii ka maimak she. Kiimaq armung arjaq shong nga wan nong ka tlea maimak she. Namshiq raq, ‘Riimak, naishiq ka Ejip mung niishe mikiho hai. Laita kiijaq misiki hai. Kiijaq naishiq ma chiqdong redong min ahüshe miraq. Kiimaq kiijaq redong hünongtam trang ka tai mai she miraq. Kiimaq ram raq amang ka tsai mai she miraq,’ nguta ngoka maimak she. Namshiq raq kriila nguhan jiila, Tati Ningkun Ajongwe, Israilnok Shiikeawe raq ngutlo, ‘Shatmaq namshiq ka Ejip mung na sikai dongdii ngutiishe nguholan jiila, ahea siki rangkiq.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 44:24

Ngi raq mungmaiqse tlotli ma, akhek ka jechakre ma, Tati Ningkun Ajongwe, Israilnok Shiikeawe raq, Juda mungti Ejip mung na siti ma jamlai wa ngutlaq kra chongkuq kang: “Namshiq nai nam nyungtiim thun raq atiitum lanta Ramungtan Hokham Nyung ma, kiqkham kuq wan lan. Namshiq raq apaiq miili honglu thun ka mikuq rong i kiimaq che honglu ka mitiibok kuq rong i nguta kiqkham raüpot khakuq lan ihata. Krai mren namshiq raq maiqmii kiqkham raüpot ka riikhaqli thüwan lan. Ahea thep klo wan tlan kata! Namshiq kiqkham raüpot ka samhea maq lang wan lili ronglaq! Namshiq raq sinkham wan lan kra samheawiq maq lang wanlili ronglaq!

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

JEREMIA 8:6

Ngi raq namshiq bom ka aheawiq ni tiitsii lata tiitsang taikang. Shatmaq namshiq raq tingting bomtsi ka chongman. Namshiq phong wa maiq weshi ra dongdii min shutkang dea nguta maiqmii ngarai tiidii man. Namshiq phong wa maiq weshi ra raq dongdii min, ‘Ngi raq jamlai wa shutkang?’ nguta wai man dea. Maiq loweatek ka kumrang kaü rekhat na jutlaq ikha maiqmii lam phan jutrang tlan.

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

Luke 19:14

Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

1 SAMUEL 8:19

Shamtaq mungmaiqse raq Samuel bom ka taimak she riito. Raüta akha nguto, “Riimak! Naishiq ma hokham ka akhek ratlo.