JEREMIA 43:12 - ASII LAKDAP Bible (BSI)

¹² Ngi raq Ejip mung na sitlaq phra shomjam thun ka wa maq michaq baiqha. Kiimaq Bebilon mung hokhamwe raq Ejip mungti sumla phra thun ka wiijam ka wa maq michaq baiq. Kiimaq wiijam ka apaiq raq aho mirwan. Skurümti raq akhea thum wa tlai nai tiichea thun ka jamkho tiisiirai sibaiq raüta samtlaq ikha, Bebilon mung hokhamwe riimin Ejip mungwa tsiiq nai nyamtum thun ka wiita tiisiirai miho phaq wan. Raüta Ejip mung ka kealoklok she mibaiqthü. Raüta apaiq ka sreajongwe alachong dokdok she tsang mung na miwa wan.

Hawa Naga Bible 2001

¹² Ngaz rueq Ejip tishox shomc yuimx htenc kuex wvr maq jauk gay shaungx, Babelon hokhvmx waz rueq muinz tsuingshiq tishox htenc kuex jauk gay ruiux, tenz gay shuex. Khelbuenx remc jix rueq miqmac khvy wawc httuik htenc kuex tvsawc laz httuiyc gay yaq ikhoc, Babelon hokhvmx rueq muinz Ejip mungx kuex lvmz tvsawc gay vtueq taungx gay ruiux dung kaz wvnc tuex.

JEREMIA 43:12 Referencias Cruzadas

2 SAMUEL 5:21

Philistainnok ka pongpin riipin pintrangto. Kiimaq tsangshiqnok sumla phra thun kriika jai na phongbaiqthüto. Kiimaq Dawit nai asengi raq kriithun ka riichom raüta howanto.

ESTHAR 6:9

Raüta, ara hokham miirii samtong jong kaü nai, kumrang kaü kriika hokhamwe jaqtakiq wa shiilang jongwe pinthum jaq na kiinong ke chang miraq. Raüta apaiq riishetiq, hokhamwe raq ju miiwa shrengke rotlaq, kriiwe ka tiimiikhiiq chang miraq. Kra raütiishe, apaiq raq kriiwe ka kumrang thaq na tiichao raüta, chela mong kiiniishe, konchi koncha chiihea wea na khumshkhum maq, ‘Tai ronglaq, singmung maiqse lei, hokhamwe raq ju miiwa shrengke lungwiitlaq, kriiwe miika akha shreng manto tiichhikuqtlo,’ nguta agilülü maq chiiriim wan wan, mishom noq wan laq.”

YOBA 40:10

Ikhiijiika ümkhushü ajong maq shiikong miilong chap liina; ümngao jonglu nai ümkhushü jonglu kra ho laüta.

Tvtsvmc 104:2

ümniika ali aliim samlaüta tiikhuptlaü. Ümniiraq ramungtan thun ka tombu tiip ikha chanlaü,

Tvtsvmc 132:16

Ngi raq aramwebi ka tsangshiq raq jaqshamtlaq kunli na mishman kuqha, kiimaq asenginok ka khoqriiq shishiiq agilülü mishinge.

Tvtsvmc 132:18

Ngi raq ajaqtibi ma jea mitiingaüha, shatmaq apaiq mungtan ka jong wan ruqli mijong wan.”

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 21:9

Tiidongchhaq miili, tsangshiq ka saü wanto! Maiq kong ka kumrang thaq na, wenai nai maq watlo, Kintsongtiwe raq tsütsa ka tiitai chongto. “Bebilon ka miqto she! Tsangshiq raq sumla phra phong noqtlaq thun ka tiisiirai thento she. Wiita hiqrai shotbaiqto.”

ISAIA 46:1

“Bebilon mung phra kong miika arshe athum! Bel phra nai Nebo phra ka man na shomnoqto, shatmaq ümchaü tsangshiq ka kumtoq kong raikhü niishe miikuqto, anii makaiq nyamse kong ma homatlaili she.

ISAIA 46:2

Sumla phra kong riika maiqmii khum santla tiikhe phaq tsümak; tsangshiq ka lapwanto raüta howanto. Arka Bebilon mung sumla kong ma rilung thum she!

ISAIA 49:18

Tro tri liilaq laüta jamlai wa hongtha raitlaq kra liilaq! Ümnok ümta thun ka adam na thungtlo! raüta tsangshiq ka maiqmii hiqchü niishe jang wantlo! Ngi ka tengteng atra Shiikeawe sitiikang, ümniika ümsenginok chhi laüta kai mitiishomra haü, jetunyung raq ajunwa tiijeje adang na longseng laktum lakraüta tiitsam kamtlaq ikha mitiitsam haü.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

ISAIA 59:17

Apaiq raq tingting khapho tri ka samtong kaü rekhat chang liiq ma tiija raüta misam. Kiimaq maiqse tiikhup wongke wan ningkun tu ka jin khuphok kaü ikha akhu na phok raü miraq. Kiimaq apaiq tsan mong na mung ka riikhaqli tri maq peng wan miitu jaqkhon tiiphashat maq tri raütu kra milang wan. Raüta mungmaiqse tiichamchaoti, haihü wantibi ka mo jonghea tiiho raüta phuk milamkuq wan.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 61:5

Isenginok lei, pongmungti thun raq namshiq ka mishlilii, Tsangshiq raq nam jam nyamse kong kra mirümkuq Kiimaq nam wak thun ka mishamkuq Kiimaq nam spiqro thun kra michhintsiikuq.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 25:19

Riita ara chekhap wa baknyang damti maiq mung thun ka armung thun ara miraq: Ejip mung hokhamwe nai asengi ajong alabi, kiimaq welabi thun; Ejip mungti tlotli kiimaq pongmungti Ejip mung na siti tlotli; Uj mung na siti hokhambi wiita; Philistain mung wa chela riimtibi tlotli, Ashkelon chela, Gaja chela, Ekron chela, kiimaq Ashdod chela na aso tiichongtlaqti kra; Edom mungti, Mob mungti, kiimaq Ammon mungti tlotli; Tajar nai Sidon mungti hokhambi tlotli; Mediterenian khamjong kii wang binjü na siti hokhambi tlotli; Dedan chela, Tema chela, kiimaq Buj chela; Tsangshiq khu atoqse ma siti tlotli; Arabia mungti hokhambi tlotli; kumtsaiphii mungti hokhambi tlotli; Jimri mung, Elam mung, kiimaq Media mung hokhambi tlotli; Shekhu nü mung hokhambi tlotli, luheati kiimaq ajeti tlotli; mungshi maq riita mungshi na mitiinyang. Mangjong hiq hamli na siti mung thun kunli raq ara chekhap wa mibak nyang wan. Atiisup niishe ka Bebilon mung hokhamwe riishe ara chekhap arwa minyang wan.

JEREMIA 43:13

Apaiq raq Ejip mung wa Heliopolis chela na tsan na tiitsang chang asii longkaü thun ashong kra atiibun mirbaiq. Kiimaq Ejip mung wa phra sumla shomnoq chang shomjam thun kra wiita wa maq chaq raüta mitiithen baiq.”

JEREMIA 46:25

Tati Ningkun Ajongwe, Israilnok Shiikeawe raq ngutlo, “Ngi raq Amon mung ma mo mitiihoha. Thebes chelati phra kaü ka Ejip mungti nai Ejip mungti phra thun krai adam na, kiimaq tsangshiq hokhambi thun krai mitiithen baiqha. Ngi raq Ejip mung hokhamwe ka laplata kiimaq apaiq ma kamti, asengi kong kra wiita alap mirwanha.

JEREMIA 48:7

“Mob mung lei, ümniiraq ümningkun ma nai ümtsiiq tum ma kamsiq laü, shatmaq ümchaü ka ümniimin re raq mitang wan; ümphra kaü Khemosh kiimin munglu shumwi miishe miwa wan, asengi lüsi lüwabi nai ramwebi kong rai mitsuq wan.

JEREMIA 49:27

Ngi raq Damaskas chela kiitelong ruk ka wa maq michaq baiqha. Lata Hokhamwe Benhadad hokham jam thun kiimin wa maq michaq baiqha. Arka Ngi, Tati Ningkun Ajongwe raq toqtan tiikang.”

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

EJEKIEL 29:11

Kra chela thun lam maq maiq ka jumin khummak she miraq. Kiimaq rum ngam thun min haisiq mak she miraq Wiiroqblai na saüli kra chela thun na maiq jumin simak miraq.

EJEKIEL 29:19

Kra ningkhan na, ümchaü Ngi, Tati Rakaü Hiqwe raq ara ngutiikang: Ngi raq Ejip mung ka Hokhamwe Nebukadnejar jaq niishe kiinongkuq tiikang. Apaiq ka Ejip mung wa tsiiq anyam ka mitek raüta mirut wan. Raüta Ejip mung wa tsiiq nai nyam ka aphenlabi laqkhaq miishe mitsuq wan.

EJEKIEL 30:13

Tati Rakaü Hiqwe raq akha ngutlo, “Ngi raq Memphis chela wa sumla phra thun nai arot phra thun ka mishthenbaiqha. Ejip mung pengti jumin ahüshe miraq. Kiimaq Ngi raq mung maiqse wiita phiip ma mitiitsaiha.

DANIEL 11:8

Raüta apaiq raq tsangshiqnok phra sumla thun nai tsangshiq sumla phra shomnoq chang, chaq nai kampho maq alo tak apin thun kra wiita Ejip mung na mitsuqho. Kra jai maq rawii ashaqpuq mungtsing maq sijai na,

JEPHANIA 2:11

Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.

Romans 13:12

Rawa luhea akhing ka lea wanto she. Ümchaü ka rawüho she. Ümchaü ka rawü she. Riita, ümchaü ka nashiq raq ranyaq jaqsham ümchuwa sitlaq kra, wiita she thaq baiq rong i. Kiimaq kra thaq baiq laita, rawii na rekhat wan chang miirii ümchuwa sitlaq, kriimaq tiimiikhiiq rong i. Laita re ka khat rong i.

Ephesians 4:24

Lanta namshiq raq, namkhum anye lokuqtaq kra sam lanta siwan raa dongdii she. Ara namkhum anye sitlaq arka, Shiikeawe apaiq sham ari kra phanphan tiiq kuqto. Riita ara khum anye arka, asii kechu maiqse khum she dea nguta, tingting rilung nai asii rilung sitlan kra miishe tiichhi kuqtlo.

Ephesians 6:11

Namshiq ma Shiikeawe raq kuqtaq rekhat chang miirii ka wiita kunkun maq tiimiikhiiq lanta sirong laq. Kra riihan jiitiq, namshiq raq Thawe abi kiimung thun ka wiita mito wan lot han.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

Colossians 3:14

Riita, ara chong tiikang thun angu tu, arthaq na lungwii tsii maq kei lanta sirong laq. Lungwii tsii raükha riika, phanrap adam na pumshi hanshi ikha riitu khawan tlo.