JEREMIA 43:11 - ASII LAKDAP Bible (BSI)

¹¹ Nebukadnejar ka kiraüta Ejip mung ka mikhat. Raüta mitang wan. Mungmaiqse phong wa juwa thadong raq tsai chang athiiq, kriiti ka thadong na mijiim. Maiq ümchuwa munglu shumwi kong ma tsuq wan chang athiiq, kriiti thun ka munglu shumwi kong ma pongmung na mitsuq wan. Kiimaq maiq ümchuwa redong na re raq tseabaiq chang athiiq, kriiti ka rejaq na mitsai.

Hawa Naga Bible 2001

¹¹ Nebukhadnezar kuex Ejip mungx nuex kaz vtueq khvt taungx gay shuex. Vmac vtsac raz tueq vthueyc rvhumc aungx yaq hez kuex vmac vtsac raz tueq thueyc tuex, vthuq wvnc rvhumc ruiux, ralx rvlungc nuex thueyc jix kuex ralx khvt nuex thvy gay rvhumc tuex.

JEREMIA 43:11 Referencias Cruzadas

YOBA 20:29

Ashut maiqse thun kharii ka arli she, ahata Shiikeawe raq akuq tsangshiq kharii.

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 25:15

Tatiwe, Israilnok Shiikeawe raq ngi ma chongto, “Arjaq ara chekhap itsankhiq maq tiimali thiikang. Ngi raq ümniika ümra mung niiwa tiikitiikang, kra mung thun ma hokuq holaq. Laüta tsangshiq ma armaq phetak chhaq tiibak nyang laq.

JEREMIA 25:19

Riita ara chekhap wa baknyang damti maiq mung thun ka armung thun ara miraq: Ejip mung hokhamwe nai asengi ajong alabi, kiimaq welabi thun; Ejip mungti tlotli kiimaq pongmungti Ejip mung na siti tlotli; Uj mung na siti hokhambi wiita; Philistain mung wa chela riimtibi tlotli, Ashkelon chela, Gaja chela, Ekron chela, kiimaq Ashdod chela na aso tiichongtlaqti kra; Edom mungti, Mob mungti, kiimaq Ammon mungti tlotli; Tajar nai Sidon mungti hokhambi tlotli; Mediterenian khamjong kii wang binjü na siti hokhambi tlotli; Dedan chela, Tema chela, kiimaq Buj chela; Tsangshiq khu atoqse ma siti tlotli; Arabia mungti hokhambi tlotli; kumtsaiphii mungti hokhambi tlotli; Jimri mung, Elam mung, kiimaq Media mung hokhambi tlotli; Shekhu nü mung hokhambi tlotli, luheati kiimaq ajeti tlotli; mungshi maq riita mungshi na mitiinyang. Mangjong hiq hamli na siti mung thun kunli raq ara chekhap wa mibak nyang wan. Atiisup niishe ka Bebilon mung hokhamwe riishe ara chekhap arwa minyang wan.

JEREMIA 42:22

Kra ningkhan ümchaü sanha, ara tsan na tiitsang ronglaq: Namshiq ka redong na mijiim han; riimakla ramdong raq mijiim han; riimakla thadong raq mijiim han; namshiq ümra mung na sikai wa laüho tlan, kiijaq mijiim siq han.”

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 44:13

Ngi raq Jerusalem na siti jamkho redong na, ramdong na, kiimaq tha tiidong lata imo tiihokang, kiikhiisii Ejip mung na siti kiimin imo mitiihoha.

EJEKIEL 29:11

Kra chela thun lam maq maiq ka jumin khummak she miraq. Kiimaq rum ngam thun min haisiq mak she miraq Wiiroqblai na saüli kra chela thun na maiq jumin simak miraq.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

JEKERIA 11:9

Kra jai miishe ngi raq skukong ma, “Ngi raq namshiq ka rüm mang she. Namshiq phong wa ümchuwa atsai chang kriika atsai wan nguli ronglaq. Kiimaq ümchuwa ashthen baiq wan chang sitlaq, kriiti kiimin, mithenki liishe. Kiimaq abung ümchuwa tiichong tlaq, kriika maiqmii nai maiqmii liipan na riijiip lanta thum ronglaq,” nguta skukong ma bom ka chongkuq kang.

Revelation 13:10

Juwa re raq lap chang, kriika kamto milap wan dongdii; juwa atseabaiq chang; kriiti ka nepja thaq maq tengteng mitsai dongdii. Arka Shiikeawe sengi raq, anin chang raüta kamtsantsii pharangrang maq si miitu tsii chongtlo.”