JEREMIA 39:14 - ASII LAKDAP Bible (BSI)

¹⁴ ngi ka hokham jam rinkea khok mong wa tiidong kito. Raüta tsangshiq raq ngi ka Ahikam se Gedalia, apaiq ka Shaphan ma asaü she, kriiwe wokhong na ngi ka aheawiq maq jam na sheathü wan ronglaq nguta aming kuqto. Krai mren ngi ka kiijaq nanok rai she siwan dam kang.

Hawa Naga Bible 2001

¹⁴ ngaz kuex hokhvmx wangx khoktep mungx wawc shvlx kaz ruex. Tsuingshiq rueq ngaz kuex yuimx nuex vhvlx maq httuiuc waungc kuex khic roc jix Shaphan suiuz Ahikam saz Gedalia rueq tvkhup wungx khung nuex shvlx taq kaz phuex. Ngaz kuex kvruex yuq mungx miqsaz rulc vdvmz nuex httax naungx tauk.

JEREMIA 39:14 Referencias Cruzadas

2 HOKHVMX 22:12

Kiimaq apaiq raq akhiishe ramwe Hilkia ma, kiimaq Shaphan se Ahikam ma, Mikaia se Akhbor ma, kiimaq rung liiti cherewe Shaphan ma, kiimaq hokhamwe shiilitiwe Asaia ma, aming ka akha kuqto;

2 HOKHVMX 22:14

Krai mren, Hilkia, Ahikam, Akhbor, Shaphan kiimaq Asaia ka maiq nyung ashi amang ka Hulda, apaiq ka shammi nyung Jerusalem anye tei wantaq siim nü ba kiijaq siti nyung phana bom riiwai kai kihoto. (Awese mang ka Shallum. Apaiq ka Tikwa se kiimaq Harhas miika asaü ka Shomjam wa ramwebi samtong jong kaütiim kra liitiwe.) Tsangshiq raq kriinyung ma jamlai bom wa dongtaq kra aheawiq tlü chongkuqto.

2 KAÜWA WERAÜ 34:20

Raüta apaiq raq Hikiah ma, Shaphan se Ahikam ma, Mikaia se Abdon ma, rung na ngati cherewe Shaphan ma, kiimaq hokhamwe jaqtreti Asaia ma aming ka akhiishe kuqto:

Tvtsvmc 105:19

kriika apaiq riisham bom tiithai kuwan na saüli khato. Tati bomtsi raq apaiq dea tengto nguta tiikupito.

JEREMIA 26:22

Shatmaq Hokhamwe Jehoiakim raq, Akhbor se Elnathan kiimaq maiq ahin wiijamti ka Ejip mung na Uria lapkai tiikito.

JEREMIA 26:24

Shatmaq ngi ka Shaphan se Ahikam raq khrumke kha na, ngi ka mungmaiqse ma kuqbaiq mak dea. Kra ningkhan ngi ka tsatbaiq mak dea riito.

JEREMIA 32:2

Kra akhing na Bebilon hokhamwe phenlabi raq Jerusalem ka khat wanto. Kiimaq ngi ka hokhamwe jam rung khok na phaqtek mong na riikang.

JEREMIA 37:21

Krai mren she, Hokhamwe Jedekia raq ngi ka hokhamwe jam rinkea rungkhok niilishe shaq ronglaq nguta aming kuqto. Ngi ka kiijaq she sikang. Kiimaq ranaiqtek winsii lumchang jam wa ngi ma winsii ka thopshi shi lamkuq wan li li riito. Kriika chela mong wa winsii ka wiita thumli mithum shaq wiiwii kuq wa ruq riito.

JEREMIA 38:13

Raütiishe tsangshiq raq ngi ka khappong mong wa kinphai na tiidong dokuqto. Kra jai maq ngi ka hokhamwe jam rungkhok na shaqto.

JEREMIA 38:28

Kiimaq, ngi ka hokhamwe jam rinkea khok na, re raq Jerusalem ka jiiwan ranaiq na saüli shaqto.

JEREMIA 39:13

Krai mren, Nebujaradan raq siihiipbi ajong pinthumbi Nebushajban nai Nergal Sarejar rai kiimaq Bebilon mungti hokhamwe sengi ahinti ajong alabi thun rai ki raüta,

JEREMIA 39:15

Ngi ka hokhamwe jam rinkea khok na phaqtek mong na sitiikang liipan na, Tatiwe raq ngi ma chongto,

JEREMIA 40:1

Phentu ajongwe Nebujaradan raq ngi ka Rama chela maq kharü mong wa diibaiq jai, Tatiwe raq ngi ma chongto. Ngi ka kiijaq kharü maq kha raüta, Jerusalem wa maiq thun krai kiimaq Juda mung wa mungmaiqse munglu shumwi kong Bebilon na shea wan miitu tsuq wantaq kriiti rai tsuq wan damto.

JEREMIA 40:5

Riita ngi raq tre mang kangtiishe, Nebujaradan raq nguto, “Gedalia, Ahikam se kiimaq Shaphan ma asaü phana kilaq. Apaiq ka Bebilon mung hokhamwe raq Juda mung na chela thun kra peng ma wanghuptiwe ma shongto. Ümniika apaiq rai sikai mimai, riimakla ümniika ümriiba na kiraü jiiwa ahea miraq nguta ümniiraq tiimatlaü kiijaq sikikiq.” Raütiishe apaiq raq ngi ma kongphiq ashi kuqto. Kiimaq lamsea kuqto. Raüta ngi ka tiiwa baiqto.

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

JEREMIA 40:7

Juda mungti ajong alabi wiijam kiimaq phenlabi wiijam riika Bebilon hokhamwe puk na nyap mak dea. Tsangshiq raq Bebilon hokhamwe raq Gedalia ka Juda mung peng wan miitu wanghuptiwe ma shongto. Raüta Bebilon mung na tsuq wan mak dea mungmaiqse ümchu wa tiichong kitaq miitsan thaq niimin miitsan pinthumti thun kra peng miitu arang kuqto nguta tsütsa ka taito.

JEREMIA 41:1

Kra rawii niili, jipi lümiishi angu na, Nethania se Ishmael kiimaq Elishama ma asaü she, apaiq ka lüwase ashi, kiimaq apaiq rai hokhamwe sengi ajong pinthumbi phongwa weshi krai kongtibi maiq weroqshi shea raüta Mijpa chela na wanghuptiwe Gadalia liiwa nguta wawanto. Raüta tsangshiq tarü adam na dungsea rea lowanto.