JEREMIA 37:5 - ASII LAKDAP Bible (BSI)

⁵ Bebilon mung phenlabi raq Jerusalem ka trotam maq kom raüta long wanto. Shatmaq tsangshiq raq Ejip mung phenlabi ka tsangshiq khat wa Ejip mung hiq rai ka jin wanto she nguta tsütsa ka taito. Kra tairaüta Bebilon mung phenlabi ka ahin niishe tiijin wanto.

Hawa Naga Bible 2001

⁵ Babelon nolaungx bix rueq Yerusalem kuex komc wvnc tueq, yuq muinz Ejip nolaungx bix kuex Ejip mungx ghaqruiy lvy wvnc tueq lvmz tsuingshiq rueq tay vtueq rv-nyuik wvnc tueq.

JEREMIA 37:5 Referencias Cruzadas

2 HOKHVMX 24:7

Ejip mung hokhamwe nai asengi phenlabi ka Ejip mung maq maiq mung khatkai rechap ümtiikiimin shun mak she riito. Jamkhano ngukla Bebilon mung hokham raq Ejip mung wokhong na siti maiqmung thun ka Euphretis rai maq phaho raüta, Ejip mung shekhu nü mung hiq rai thun kiina saüli ka ümchaü Bebilon mung hokhamwe riishe wiita siqtlo. Raüta awokhong na siisaq rümtlo.

JEREMIA 34:21

Kiimahali, Ngi raq Juda mung Hokhamwe Jedekia nai awokhong na siti ajong alabi thun ka tsangshiq tseabaiq wantinok jaq khon mong niishe mikiinong kuqbaiqha. Ngi raq tsangshiq ka Bebilon mung phenlabi jaq khon mong na, jurwa namshiq khat mak she tsaqkitaq kra nok miishe mikiinong kuqbaiqha.

JEREMIA 37:11

Bebilon mungti phenlabi ka Jerusalem wa ahin na tiijin wanto. Jamkhano ngukla Ejip mungti phenlabi ka tsangshiq khat wa saü wanto.

JEREMIA 37:6

Kiijiishe, Tatiwe, Israilnok Shiikeawe raq ngi ma,

JEREMIA 37:7

Jedekia ma chongkuqlaq nguta thaüto. “Ejip mungti phenlabi ka ümnaq khrum wa lam niishe watlo. Shatmaq tsangshiq ka tsangmung na mijangho.

EJEKIEL 17:15

Shatmaq Juda mung hokhamwe raq kra tongshong kiqkham kra jinto. Raüta Ejip mung hokhamwe phana kumrang kong nai phenlabi pahea tiisheakai kiimwebi tiikito. Riita apaiq raq kra munglap wan nong miitu reshun tlaq ka mitang sha? Apaiq raq tongshong raütu runtlaq kriika mo hohü maq hangkilot mak!

EJEKIEL 17:17

Bebilon mung phenlabi raq ümtiikiiwa ruk mong na düwan chang hiqkhu hiq maq phong wantlaq, kiimaq kiituk thu wantlaq, raüta maiq ka pahea jiipbaiq wantlaq, kra akhing na ningkun henghea Ejip phenlabi riimin, Juda mung hokhamwe ka rekhat na khrum kuqlot mak miraq.