JEREMIA 36:6 - ASII LAKDAP Bible (BSI)

⁶ Arningkhan, anap shinap nanok raq amang maq achu jaütlaq akhing na, ümniika kiijaq kilaq. Laüta ümniiraq lakdam ka tiihong laüta phatlaq. Krai mren, tsangshiq tarü raq Tatiwe raq ngi ma jamlai wa chongkuqtaq kra kiimaq ngi raq ümniima tlü chonglata twaiqkang thun kra kunkun mitai laq. Arka ümniiraq nokwe kunli raq kiimaq Juda mungti tsangshiq maiqmiimii chela wa awa thun kra riimin wiita raq taili chang ba maq chap laüta phat kuqlaq.

Hawa Naga Bible 2001

⁶ Yuq muinz miq htenc rueq phuiuz svy mamc yaq baung kvyuq mnoz lauk shiz tvwaungc roc vshaungx. Mnoz rueq luik tul kvruex hung vtueq wvl kuq shuiuz, kvkaq Yehowa rueq ngaz muex jungx kuq phuex kuex ngaz rueq mnoz muex tvwuiyq phaungx lvmz phvnx ruip kuex tsuingshiq rueq tay wuez shuex. Vruex lvmz kuex miq tek vtueq nuiyc tsuingshiq ghaq htenc maq httuiuc kay jix Yuda miqsaz lotlaz vlomx rueq tay laz juing wvl kuq shuiuz.

JEREMIA 36:6 Referencias Cruzadas

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 19:14

Kra lata ngi ka Topheth Tan na Tatiwe raq apaiq bomtsi ka chiiriim laüta chongkuq kikiq nguta thaütaq kra chongkuq lot latiishe jang wan kang. Lata ngi ka Shomjam rinkea kiijiishe chapwa kang. Lata mungmaiqse wiita ma kra bomtsi kra chongkuq kang.

JEREMIA 26:2

Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq.

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 36:4

Kra ningkhan she, ngi raq Neria se Barukh ka ngi phana heakang. Lata Tatiwe raq ngi ma jamlai bomtsi wa chongkuqtaq kra kunkun chong lata twaiq kang. Kiimaq Barukh riimin lakwaiq chang damkom ashi na wiita tlotli waiq thüto.

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.

Acts 27:9

Naishiq ka kiijaq rahiq aluwiq khing raikai. Khamjong lam maq laijong jiiq wan miika haisi chang jonghea she riito. Kra akhing ka rawii thum wan nini she riito. Ngarai Tiidii wan Poi kiimin alea wan wishe riito. Kriikha maq Paul raq tsangshiq ma akha nguta tsii chongkuqto.