JEREMIA 34:16 - ASII LAKDAP Bible (BSI)

¹⁶ Shatmaq, namshiq raq namtsantsii ka aklai hali riinong lan. Lanta Ngi ka shummii wan lan. Namshiq wiitarü raq namdisetiim ka, tsangshiq raq lungwiitlaq kra phan phan tiidong baiq wan lan. Shatmaq namshiq raq tsangshiq ka ningkun maq lapki nong lanta hali, disekong ma jamsha wan nong tlan.

Hawa Naga Bible 2001

¹⁶ Yuq muinz mnoz rueq mthuinz kuex layc wvnc yek vtueq ngaz muex wvlc guez tvyaungc phux. Nuimshiq lotlaz rueq dax nyuiuz dax waz bix tsuingshiq thuinroc rulc rv-ngvlc mnoz rueq tvkaz gay toq rvyruiux, lauk shiz hulawx tvyek wvnc vtueq wvlc guez dax muex tvyaungc yek toq.

JEREMIA 34:16 Referencias Cruzadas

DUNGWVNC 20:7

“Imang ka abi kiimung miitu naq shaphaqkiq. Jamkhano ngukla Ngi, Tatiwe üm Shiikeawe raq imang atu na shaphaqti ka juli jiimin mo mitiihoha.

JEREMIA 34:11

Shatmaq kra bomshat wan jai maq tsangshiq tsantsii ka aklai she riikinongto. Raüta tsang disekong ka thongshi ri hali sheaki nong raüta, tsang disetiim ma hali jaqsham shiitep raüta jamsha wan nongto.

EJEKIEL 13:22

“Namshiq raq arot akiq bomtsi kra chongkuq lanta, Ngi raq tiichamchao romangti mungmaiqse maiqshaqti thun kiimin, tsangshiq tsaiji ka tran baiq wan tlan. Namshiq raq abi kloti maiqse ka tsangshiq raq ajiq aphiq jaqsham wan tlaq kra athaq baiq raüta; tsangshiq miisaq ka tiichhii wan chan wa; kriimin wiita namshiq raq tangta baiq wan tlan.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

EJEKIEL 20:39

Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.

EJEKIEL 3:20

“Kiimahali maiqshaqti ashi raq abi kloho khana, Ngi raq apaiq ka tsailam maakho tho na miraq, kiimaq ümniiraq apaiq ma hon chongkuq maü kha maq apaiq ka maiqmii ngarai khana mitsai. Raüla apaiq raq ümchuwa kechu jaqshamtaq kriika Ngi raq tsan na thümangshe. Kiimaq apaiq tsaitaq mat kha ka ümkhu thaq na mitiideaha.

EJEKIEL 39:7

Ngi raq i sengi Israilnok ma i mang asii kra riikhaqli mitiisapha. Kiimaq Ngi raq i mang ka tiibi mang she mirha. Kiijiishetiq mang jong hiq na maiq mung thun raq, Ngi, Tatiwe ardea Israilnok Asii Shiikeawe nguta misap wan.”

LEWI 19:12

Namshiq raq jaqsham maq tiichhi man chang ka imang na kiq naq kham rongkiq. Kra riika imang tiibi changli. Ngi ka Tatiwe namshiq Shiikeawe.

MALAKI 1:12

Shatmaq namshiq raq, iberongwacha ka asii riimak nguta ngutlan, kiimaq phaqsea ashe ashi kra kuq lanta shummii tlan.

MALAKI 1:7

Namshiq raq ngi ka athii ahü phaq nai sea honglu berong-wacha na kuq lanta shummii tlan. Kra riilanta nangshea, ‘Naishiq raq ümniika jamkho shreng mai riikai?’ nguta wai tlan. Ngi chongpha, namshiq raq ngi ma honglu kewan chang berong-wacha ka shreng man maq ashe ashi honglu kuq wan lanta berong-wacha ka tiisheshi tlan.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.