JEREMIA 28:9 - ASII LAKDAP Bible (BSI)

⁹ Shatmaq ümriiti shammi riiwa hansang miraq nguta riisham bom chongtlaq kriika, Tatiwe riidea tiikito nguta sap wan chang ka, ümtiikiiwa apaiq raq tiithaitaq riisham bom ka ku wanjiiq, kra raütiq apaiq ka riikhaqli shammiwe dea nguta kamwan chang miraq.”

Hawa Naga Bible 2001

⁹ Yuq muinz nomic httax tuex ngoz tueq tvluz nuex jungc jix shvmmax kuex piq kvjaz vsuing yaungx wvnc tueq kuex khiz vtueq jix piq kuex Yehowa rueq vtvkaz shvmmax rvkhauk laz doc rvtueq lvmz dvyx lvp wvnc shuex,” ngoz tueq jungx tauk.

JEREMIA 28:9 Referencias Cruzadas

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

JEREMIA 14:13

Kiijiishe ngi raq ngukang, “Tatiwe Rakaü Hiqwe lei, ümniiraq asaphaü, shammibi raq mungmaiqse ma, re ka dong mak miraq kiimaq ram min dongmak miraq. Jamkhano ngukla ümniiraq tsangshiq ma nam mung na khusang miraq nguta kiq kham kuq laü nguta tsangshiq liipan na riichongtlo.”

JEREMIA 4:10

Kiijiishe ngi raq ngukang, “Ajong Pinthum Tatiwe lei, ümniiraq Jerusalemti ka tiibitaq laobaiq laü! Ümniinga mung na khusang miraq nguta ngulaü. Shatmaq tsangshiq jiipbaiq miitu tsang buq na nepjasai maq asebaiq miitu dan raq she.”

JEREMIA 6:14

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.

JEREMIA 8:11

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli ngutlo. Shatmaq, tarü ahea ka riimak.

EJEKIEL 33:33

Shatmaq ümtiikiiwa ümbomtsi thun ka wiita she miku wan, kriika riikhaqli miku wan dongdii, kiijiishetiq tsangshiq raq ngohea dea tsangshiq rai shammiwe ashi dea sito nguta misap wan.”

TRI CHONGKE 18:21

“Riita ümniika shammiwe bomchong kriika riikhaqli Tatiwe nübok wa adong riimak ngutiika jamkho misap i nya nguta miwang thang haü min aja sham.

TRI CHONGKE 18:22

Kra ningkhan, shammi weshi raq Tatiwe mang na riisham bomtsi chong kuq raüjaq, shatmaq kra riisham bomtsi ka kuwa mak la raüla, kriika Tatiwe nübok maq adong bomtsi ka riimak ngushat. Kriika shammiwe raq apaiq tsan mong wa adong bomtsi apaiq arang maq bomto ngushat. Kra miitu ka ümniiraq apaiq ma haisong chang ahü.