JEREMIA 28:6 - ASII LAKDAP Bible (BSI)

⁶ “Pinthum awang chang kata! Ngi riimin rantiikang, Tatiwe raq kriidea miklolaq! Ngi raq kai riichopi lata khoqriiq tiikang ara ümniiraq riisham bom maq tiithai tlaü ardea mikupi wan laq. Raüta Shomjam wa tsiiq tum Bebilon mang na howantaq kra ana lamho nong raü jiidea ahea. Kiimaq mungmaiqse munglu shumwi ma Bebilon mung na atsuq wan kra ana tiijang sheaho raü jiidea ahea.

Hawa Naga Bible 2001

⁶ “Vwangc juing nyix! Yehowa rueq kvruex mruez shueq ngaz rueq tvluimc vshaungx! Shomc Yuimx tsak vnyvmx lotlaz nuiyc vthuq wvnc rvhumc jix mungx miqsaz lotlaz kuex Babelon mungx wawc vpiq rueq tvyez shvlx wvnc yek shuex lvmx jungx jix vpiq shvmmax kvjaz kuex vpiq rueq tvhungx kuq shuex, ngaz rueq vsuing tvluimc vshaungx.

JEREMIA 28:6 Referencias Cruzadas

1 HOKHVMX 1:36

“Kriidea mihong,” nguta Benaia raq treto. “Riita kra Tatiwe üm Shiikeawe riishetiq mitiipha shat kuqlaq.

1 KAÜWA WERAÜ 16:36

Tatiwe, Israilnok Shiikeawe kli tiitsam rong laq! Tiitsam rong laq apaiq kli ümchaü kiimaq pattup pat-sa. Kiijiishe mungmaiqse kunli raq, “Amen,” nguto, kiimaq Tatiwe ka tiitsamto.

Tvtsvmc 106:48

Tati tiitsam ronglaq, Israilnok Shiikeawe ka; ümchaü apaiq tiitsam ronglaq kiimaq pattup pat-sa tiitsam ronglaq! maiq wiita raq, “Amen!” ngu ronglaq. Tati tiitsam ronglaq!

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

Tvtsvmc 89:52

Tatiwe tiitsamlaq pattup pat-sa! Amen! Amen!

JEREMIA 11:5

Kiikha singa wan raüla, Ngi raq ikiqkham bomtsi tsangtitiim ma akuqha kra mithüha, ümchaü tsangshiq shongtlaq hiqpo hiq win mung ara mikuqha nguta bomkham kuqkang.” Ngi raq ngukang, “Tengto, Tatiwe lei.”

JEREMIA 17:16

Shatmaq Tatiwe lei, ngi raq ümtiikiimin ümniima tsangshiq khuthaq na then wan mra ka tiipinlaq nguta thuchop mang dea, ngi raq tsangshiq khuthaq na chamchao misaülaq nguta tiimara wan mang. Tatiwe arka ümniiriimin asap haü; ngi raq jamlai wa ngukang kra ümniiraq asap haü.

JEREMIA 18:20

Riita ahea jaqsham ka abi jaqsham maq songke chang dea sha? Shatmaq tsangshiq raq ngi tiidea miitu thiikho thuto. Ümtsan na tiitsanglaq, ngi raq tsangshiq miitu ümtinkhan wa ümniima chongkang ira. Ümniiraq tsangshiq ka ümtsankhiq tsi ma mo tiiho maü chang miitu achu jaükuqkang.

JEREMIA 28:3

Wiinai liipan na, Hokhamwe Nebukadnejar raq shomjam hupsam tsiiqtum Bebilon mung na howantaq kra lamho lata ajiishe mihoho nongha.

JEKERIA 6:10

Apaiq raq ngi ka akha thaüto, “Bebilon mung na munglu wansha wa ajang wan, Heldai, Tobija, kiimaq Jedaia, jaq wa kongphiq thun kra jaüho laüta, Jephania se Josia jam na kilaq. Arwetiim ka Bebilon mung na munglu shumwi asiwa wa jang wanto.

WEAWEA 5:22

Kiimaq ara kham arka ümwok mong na minyap wanlaq. Raüta ümwokpo ka atiichhang she mirbaiqlaq. Kiimaq ümhupsam ka shinriiqriiq aran she mirkilaq.” Kiijiishe krii-nyung raq bom ka akha mitre, “Ngi raq ikiq rom dam tiikang. Tatiwe raq kiikhiitiq miklolaq.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

1 Corinthians 14:16

Riita ümniiraq ümtiikiiwa Shiikeawe ma kechutum achu jaü tlaü, kiitiikaq ümtsai ümji wenyi miili achu jaü haü jiika, nanok ahinti nyungwe nosere ümchuwa kriijaq lom dam tlaq, kriiti riika sapmak miraq. Riita kriiti riika ümniiraq kechutum achu jaü tlaü kra tlot na, “Amen” ngutiika jamkho mitre dam? Jamkhano ngukla, nyungwe nose riika ümniiraq jamlai wa achü jaü tlaü kriika sapmak miraq.

2 Corinthians 1:20

Apaiq ka Shiikeawe kiqkham ümchuwa sitlaq kra tiiku wanti “Tengto Dea” nguta tre bomtsi. Arkha miitiina, nashiq raq Jesuq Khristo mang na “Amen” nguta Shiikeawe tiishomra tiikai.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 5:14

Kiijiishe atra ngamkaü blai raq, “Amen!” nguta treto. Kiimaq kra nyungwere riimin hiq na bum rang raüta, Shiikeawe nai Skuse ka shomnoqto.