JEREMIA 22:19 - ASII LAKDAP Bible (BSI)

¹⁹ Kumtoq kaü maa hit baiq kitlaq ikha, apaiq maa ka mihitbaiqki, raüta Jerusalem kilamchong thun phai na mihit baiqki.”

Hawa Naga Bible 2001

¹⁹ Loze kuex tvtsanc nganc vtueq luip gay yaq ikhoc piq kuex het wvnc rvhumc vtueq Yerusalem palx kaluix phic kox nuex tuip gay rvhumc tuex,” ngoz tueq.

JEREMIA 22:19 Referencias Cruzadas

1 HOKHVMX 14:10

Riita arthun ngarai klo laü arkhan na, Ngi raq ümwe raü takhan jamkun na chamchao walü she michaq kuq wanha. Lata ümsaü ümsetiim thun maiqwere thun ka nosere kong kiimaq nyungwere kong thun ka wiita adam na mijiip baiq wanha. Lata Ngi raq ümta ümwii ka tiisiirai mijiip baiqha. Tsangshiq ka chongthum ma mitiijaha. Minsaü daiq phong tsuqbaiq tlaq ikha mitsuq baiqha.

2 HOKHVMX 23:36

Jehoiakim ka arawii wiiroqnai ri wiibiingi angu na Juda mung hokham ma shongto. Kiimaq apaiq ka Jerusalem na ngaraüta mung ka wiiroqshi ri wiishi siqto. Anyung mang ka Jebida. Awe mang ka Pedaia. Apaiq ka Ruma chelati.

2 HOKHVMX 24:6

Jehoiakim ka tsaito. Kiimaq ase Jehoiachin ka awe pumsong hokhamwe ma shongto.

2 HOKHVMX 9:35

Shatmaq apaiq maa saiqsam kaiti maiq thun ka kiraüta liikikiita, amaa ka ahüshe. Miinan akhurii kom nai ajaq nai ahok rii phong lamlan lishe riito.

2 KAÜWA WERAÜ 36:6

Bebilon mung Hokhamwe Nebukadnejar raq Juda mung ka khatto. Raüta Jehoiakim ka lapto. Raüta apaiq raq Jehoiakim ka jinraü maq khaütea shumwi ma Bebilon mung na hit wanto.

THARC TVLUINGC 6:3

Maiq weshi rilung na asetiim ka shishi miraq. Kiimaq apaiq rilung kiimin luhea misi. Shatmaq arilung luheali siraü min, apaiq rilung na chojong chise maq silumak dea, jiika, kiimaq apaiq tsaikai ranaiq, amaa ka aheawiq maq saiq sam wanti maiq ahü jiika, apaiq nam miika, maase abaiqki no kra riiwe khoti ahea lin.

JEREMIA 15:3

Ngi, Tatiwe raq, tsangshiq khuthaq na phiiptsi chang phanblai tiisaü raa dongdii nguta tri ashat thü kun she: tsangshiq ka re na mijiim; tsangshiq maa phong ka hi kong raq mihit phaq wan. Rum wushi kong raq tsangshiq maa phong ka miphaq. Kiimaq kiiwa abung tiichongtlaq ka rum ngam kong raq miphaq.

JEREMIA 36:30

Riita kra ningkhan, ümchaü, Ngi, Tatiwe raq, Hokhamwe Jehoiakim ümniima ngutiikang, ümsaü ümsetiim wa Dawit mungtan thaq na jumin hokham jawan lot mak she miraq. Kiimaq ümmaa ka maiq raq rum na mido baiqki. Raüta ranaiq na rashekii raq mishin kiimaq rawa na nyiirii rok raüta mipiimsiq.

JEREMIA 36:6

Arningkhan, anap shinap nanok raq amang maq achu jaütlaq akhing na, ümniika kiijaq kilaq. Laüta ümniiraq lakdam ka tiihong laüta phatlaq. Krai mren, tsangshiq tarü raq Tatiwe raq ngi ma jamlai wa chongkuqtaq kra kiimaq ngi raq ümniima tlü chonglata twaiqkang thun kra kunkun mitai laq. Arka ümniiraq nokwe kunli raq kiimaq Juda mungti tsangshiq maiqmiimii chela wa awa thun kra riimin wiita raq taili chang ba maq chap laüta phat kuqlaq.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

EJEKIEL 19:8

Maiq mung thun apaiq khat ma adam thungto; maiq thun barap se wa wato. Tsangshiq raq ngam tsan chang chiiq jong thun tiipii chanto, raüta tsangshiq chiiq na apaiq ka tiiminto.

EJEKIEL 39:5

Tsangshiq ka wak ram bin na jiim raüta amaa phongli she miraq. Arka, Ngi, Tati Rakaü Hiqwe raq ngutiikang.