JEREMIA 22:13 - ASII LAKDAP Bible (BSI)

¹³ Chongthum ma mija jurwa, maiqwok riip raüta ajam haitlaq, kiimaq arot akiq jaqsham raüta ajam tiijong haitlaq; jurwa asengi mungmaiqse ka phe maq ajaq tiishamtlaq, tsangshiq jaq maq ka apaiq raq kuqmak.

Hawa Naga Bible 2001

¹³ Piq yuimx kuex tsuingmuq ruxmuq maq guirx vtueq kvruex kuex thuinz vkoarx maq tvyungc ruiux; piq miqsaz muex shauk httuiz maq yauk tvshuimx vtueq tsuingshiq rueq lvp aungx yaq kuex kuq muq waz kuex vphoc rvhumc yaq.

JEREMIA 22:13 Referencias Cruzadas

2 KAÜWA WERAÜ 36:4

Raüta Neko raq Joahaj ma aphu Eliakim ka Juda mung hokham ma shongto. Kiimaq apaiq mang ka Jehoiakim ngutiishe laito. Joahaj ka Neko raq Ejip mung na hit hoto.

2 KAÜWA WERAÜ 36:5

Jehoiakim ka arawii wiiroqnai ri wiibiingi na apaiq ka Juda mung hokham ma shongto kiimaq apaiq ka Jerusalem na nga raüta mung ka wiiroqshi ri wiishi siqto. Apaiq raq apaiq Tatiwe Shiikeawe makki na ngarai tangto.

YOBA 31:39

kiimaq ngi raq kiijaq adong man tsam ka phaqsiq baiqkang jiila, shatmaq wak jaqshamtibi ka ram ma tiihaü kang jiila—

ISAIA 5:8

Namshiq ka miqlan she! Namshiq jam thun nai wak thun sishatshat taü miimin, jam nai wak kli apapa tiitsuq rinong tlan. Jaqlo liipan niili nanok ahinti singa chang hiq ara ka ahüshe miraq. Armung niika namshiq lamlamlishe misihan.

JEREMIA 17:11

Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

JEREMIA 22:18

Arningkhan Tatiwe raq Juda mung hokhamwe Josia se Jehoiakim miitu akha ngutlo, “Apaiq maajoti jumin ahü miraq, riimakla jurmin, ‘Phunowe lei, phiiptsi chang, phunowe lei phiiptsi chang!’ nguta jurmin ngumak miraq. Apaiq maajoti jurmin, ‘Itatiwe lei! ihokhamwe lei!’ nguta hoq mak miraq.

LEWI 19:13

“Maiq ka jumin nanshan maimak. Kiimaq jam min huk rot maimak. Namshiq raq maiq ningchang jaq tiisham tlan kra jaq maq kehü maq haihii maimak. Rawa shi miitu jiimin jaq maq kehü maq thü raamak.

Mikha 3:10

Namshiq raq Shiikeawe chela Jerusalem hai wan chang jamkhü ka, maiqtsat lanta mat raü maq sürii wan tlan, kiimaq ashut tri raütu maq kha lanta sü rii wan tlan.

HABAKUK 2:12

Phiiptsi chang jo ümniima! ümniiraq maiq tiijai tiidong laüta hiqshong tei laü, ngarai tsiiq maq chela tei laü.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

TRI CHONGKE 15:13

Ümtiikiiwa ümniiraq apaiq ka wase miishe tiija tlaü, apaiq ka jaqmii maq naq tiiwakiq.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.