JEREMIA 17:13 - ASII LAKDAP Bible (BSI)

¹³ Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

Hawa Naga Bible 2001

¹³ Yehowa lex, mnoz kuex Israel rueq tvluimc juing rvtoq; mnoz tuip gay jix lotlaz kuex yvlc svy rvhumc wuez tuex. Tsuingshiq rueq thuiuzthuic yuix ruimx ngoz yaq Yehowa mnoz kuex tuip gay ruiux, bokkhuyx nuex vwuiyq muingc ikhoc tsuingshiq kuex moz wvnc wuez tuex.

JEREMIA 17:13 Referencias Cruzadas

Tvtsvmc 22:4

Naititiim raq ümniima kamtsantsii thüto; tsangshiq raq ümniima kamto kiimaq ümniiraq tsangshiq tiichhii kuqlaü.

Tvtsvmc 69:29

Shatmaq ngi ka atsi kiimaq tsaihü jihü; ngi ara ra na dolaq, O Shiikeawe lei, kiimaq ngi ara chhiilaq!

Tvtsvmc 71:5

Tati Rakaü Hiqwe lei, ngi ka ümniimiili rantiikang; ngi raq noseji niiphü ümniima kamlatli siwankang.

Tvtsvmc 73:27

Jurwa ümnaq shishebaiqtlaqti thun ka tengteng athum mirki; ümnaq tsapkap makti thun ka ümniiraq mitiithenbaiqhaü.

Tvtsvmc 97:7

Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.

TAKSU LAK 10:7

Kechu maiqse mangchong ka, tsan na washasha miraq. Shatmaq ashut kloti mangchong ka, maiq raq laqbaiq saqli miraq.

TAKSU LAK 14:14

Ashut kloti riika ashut thiitham milap; Kiimaq maiqphaqti riika, apaiq raq ahea shamtaq kra miitu poksi milap.

ISAIA 1:28

Shatmaq ngarai kloti nai apaiq kiq khiiti thun ka wiita kunkun atsea mirbaiq. Apaiq wokhong wa dongho raüta, apaiq miimbaiq thüti ka loweatek wiita atsea mirbaiq.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 14:8

Ümniili she Israil mung tsantsii riiwiiq chang ka; ümnaq kli naishiq ajiim wan wa tiichhiiketi. Ümniika naimung na wanwe ikha jam nguto jaki laü? wanwe lamlea wanti ra wa shi se lamjap wanti ikha jam nguto jaki laü?

JEREMIA 17:17

Ümniika ngi tiiphiipjiiptiwe ma naq jakiq. Chamchao akhing ranaiq ümniika ngi tiipaükai chang ba.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 17:5

Tatiwe raq ngutlo, “Juwa iwokhong wa dongho raüta maiqse ma kamtlaq, raüta maiqse han-ngam hiqda ningkun ma kamtlaq, kriiti ka Ngi raq mitiishutbaiqha.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 50:7

Tsangshiq ka juro humtlaq kriiti raq kaq phaqhotlo. Tsang jaqtinok raq ngutlo, ‘Tsangshiq raq Tatiwe man na ngarai tangto. Kriikha na nashiq raq tsangshiq ma jamlai wa klotiika kra jam jiqmak. Tsangtitiim raq Tatiwe ma kamto. Krai mren, tsangshiq maiqmii ka apaiq wokhong na tsapkapkap maq sichang wa.’

EJEKIEL 13:9

Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

EJEKIEL 36:32

Israil lei, namshiq raq ara bomtsi ara sap wan ratlo; Ngi raq arthun klo wan tiikang arka, namshiq ka maiqshaq jalanta riimak. Arka namshiq raq jamlai ngarai wa klo tlan kra miitu jeasi ronglaq kiimaq jea ngaü tlan kra nai nam mun juktlaq kra sap ronglaq nguta klo kuq tiikang. Arka Ngi, Tati Rakaü Hiqwe raq ngutiikang.”

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Yoel 3:16

Tatiwe raq Jajon hiqlam maq chap raüta hok tlo, Apaiq bomtsi ramoktrang ikha, Jerusalem chela maq mok tlo. Ra ahiq atiikhai banban. Shatmaq Tatiwe apaiq ka asengi tiiwongchang ba, Israilnok miitu peruk weshaü.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

JEKERIA 9:12

Munglu shumwikong lei, ümchaü san, namshiq ma akamsea chang asi she, jangwa rongkiq. Nam tiiwong chang niishe jang wa rongkiq, Ngi raq namshiq ma shiiman kechu, thep tliip lata mipai kuq kang. Namshiq ümtinkhan wa chamchao wan lan, Kra tiijang thamke miitu,

Luke 10:20

Riita, shotsai winji raq namshiq aming ka taitlo ngutiika, naq chochi rongkiq. Shatmaq, kra thaq na kao raüta, namshiq mang ka ramungtan niishe waiqthüto nguta kra miitu chochi ronglaq.”

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

1 Timothy 1:1

Ngi, Paul, Khristo Jesuq kiimwe ma nashiq Chhiiti Shiikeawe aming maq kiimaq nashiq ran tiikai Khristo Jesuq raq ashong we raq--

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”