JEREMIA 11:15 - ASII LAKDAP Bible (BSI)

¹⁵ Tatiwe raq nguto, “Ngi raq lungwiitiikang nok raq abi kiimungthun klotlo. Tsangshiq ka i Shomjam na wa miitu jamlai arang wa hotla? Tsangshiq raq kiqkham raüpot khakuq raüta kiimaq nyamse thun honglu na takuq raüta tsangshiq khuthaq na then wan rahai saü wan tlaq kra mishkhinglot rong i ngutiisha tiimatla? Kriithun raq tsangshiq ka mitiichochi shea?

Hawa Naga Bible 2001

¹⁵ Yehowa rueq, “Ngaz rueq lungwawx vshaungx miqsaz vraq layx vbac phvnx ruip saz shuimx yaq. Tsuingshiq kuex yvmx khoc maq lac ngvy Shomc Yuimx nuex nyuip vkhangx httax yaq nguinx? Tsuingshiq rueq bomkhvmc htenc taq vtueq nyvmx saz shomc nawk kuy shomc kuq vtueq httuiuc wvnc yaq wawc vgvrx kuilc daz tvgawx gay shix ngoz tueq haz tsuingshiq rueq tvmaung yaq nguinx? Kvkhoc raz tueq tsuingshiq kuex kokez lvp tuex haz?

JEREMIA 11:15 Referencias Cruzadas

Tvtsvmc 50:16

Shatmaq Shiikeawe raq abiwe ma akha ngutlo, “Ümniiraq ngi aming thun ka jaram wa phattlaü? Ümniiraq ngi tongshong tri ka jaram chongwa?

Tvtsvmc 60:5

Ümningkun jong maq naishiq ka chhiilaq; laüta naishiq achujaü trelaq, kra riihaü jiila ümniiraq lungwiitlaü ümsenginok ka chongthum miq chang wa mitiichhii wan.

TAKSU LAK 10:23

Maiqjiqti ma ashut kiimung ka peohea. Shatmaq taksu maiqse riika athuk atsom kli shamtlo.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

TAKSU LAK 2:14

Ashut klo raüta, peoseati, kiimaq abi thaq niimin abi kiimung raüta, chochi tlaq kriiti mak liiwa, ümniika mitiichhii kuq wan.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 26:18

Nanok ka laobaiq raüta, tiichamchao jai she nang nga, “Ngi ka atiitsa tiina bom kang!” nguta ngoti ka, aruwe raq wathiq maq, maiq ka mobukbuk buktlaq ikha,

TAKSU LAK 28:9

Jurwa thungtri jin raüta sitlaq, kriiti achu jaü ka Shiikeawe raq, pinthum saisitlo.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 12:7

Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 23:11

Tatiwe raq ngutlo, “Shammibi nai ramwebi ka ra weahü kong siisaq; Ngi raq tsangshiq ka Shomjam na abi klorea wa lapkang.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

Hosea 3:1

Tatiwe raq ngi ma, “Ümniika kinong laq. Laüta, ümchak sethoq nyung phana sikikiq. Laüta apaiq shutphit heali jiimin lungwii nong laq. Arka Israilnok raq Ngi miimthü raüta, sumla phra shomnoq hotaq. Raüta honglu kuq wantlaq. Li jiimin, Ngi raq tsangshiq ka lungwii nong tiikang kiikhiisii lungwiilaq,” nguta thaüto.

Matthew 22:11

“Shamtaq, Hokham we ka wanwe liiwa nguta khok mong na wa kiita, kiijaq wanwe ashi ka kherüsea poi na samchang rohun miirii sam mak dea maq waraüta, kiijaq nga raü chhi wato.

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

Romans 11:28

Riita, Jehudinok raq Shiikeawe Tsütsa Ahea kra shishe wan kha na, tsangshiq ka Shiikeawe rai wesang ikha siwan tlo. Shatmaq, arka, namshiq Pongnok phan maiqse ma ahea miitu li. Shatmaq, Shiikeawe raq tsangtitiim ma kiqkham raüpot khakuq wantaq kra lamphan miika, tsangshiq ka Shiikeawe ma khi alunok nguta siwan tlo.

1 Corinthians 13:6

Lungwiitsii rümti riika ashi ra raq ashut klo raüla, chochi mak miraq. Shatmaq nanok ma lungwiiti riika, nanok raq athuk atsom jaqsham tlaq kra chhi raüta kai michochi.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

James 4:16

Shatmiitiq, namshiq ka Phungmaiqse ngu raü, ashkong tam li sitlan. Jamlai jamla kiinang wiila miklo rong i nguta ra weahü bom tlan. Akha tiitsaki rai tlan arka, Shiikeawe man na ajiq, bintang.