ISAIA 9:9 - ASII LAKDAP Bible (BSI)

⁹ Israil mungti kunli raq, Samaria chela na siti maiq loweatek raq, arka apaiq riidea photo nguta misap. Ümchaü riiwe kla, tsangshiq ka shiikongkhiq kiimaq ra na dü ma phipii sitlo. Tsangshiq raq ngutlo,

Hawa Naga Bible 2001

⁹ Israel miqsaz lotlaz nuiyc Samaria ghaqyungx nuex httaz yaq miq pumz tek vtueq vpiq rueq shuimx wvnc tueq yauk shuimc kuex tuiuz wvnc wuez shuex. Majuiuc kuex tsuingshiq ngamc ngax vtueq thuinz tvyungx wuez yaq. Tsuingshiq rueq,

ISAIA 9:9 Referencias Cruzadas

1 HOKHVMX 22:25

Kiijiishe, “Ümtiikiiwa ümniika jamcha tapmong shok na tiipaü nyap wa tlaü, kra akhing niitiq misap haü,” nguta Mika raq treto.

TAKSU LAK 16:18

Shiikong tsantsii ka atsai lam sheati, khünga maklii ka adea wa chang thiikho theti.

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 28:1

Israil mungtan ka miqto she! Kra mung khushü ka cherop kong awelabi khu na hokham pepü khuphok aphok thun jung wantlaq ikha mut wanto. Tsangshiq shiikongkhiq khupo thun niika homseng tsai maq jutje. Shatmaq tsangshiq ka cherop makaiq kong bumtlo.

ISAIA 28:3

Kra mungtubi cherop kong shiikong raitlaq kriika re raq ji maq nishishi minibaiq.

ISAIA 46:12

“Ibom chong ara tai ronglaq, nilannok lei, namshiq raq rekhat tang wan miika rahiq luhea dea asi shaq nguta tiimatlan.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

ISAIA 7:2

Riita ümtiikiiwa Juda mung hokhamwe raq Siria mung phenlabi ka Israil mung hiqrai niishe saühoto nguta tsütsa ka taitaq, apaiq nai asengi mungmaiqse tlotli ka pinthum phiip ajiip raq tsaito. Raüta rahai wan raüjaq pero jam kho tiibai wantlaq ikha tiikhaito.

ISAIA 9:8

Tati raq Israilnok mungtan khuthaq na kha atanbaiqkun she. Jakob saüse phan ka tiishutbaiqto she.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

EJEKIEL 30:19

Ümtiikiiwa Ngi raq Ejip mung ma mo ka akha mitiihoha, kiijiishetiq tsangshiq raq Ngi ardea Tatiwe nguta misap wan.”

EJEKIEL 33:33

Shatmaq ümtiikiiwa ümbomtsi thun ka wiita she miku wan, kriika riikhaqli miku wan dongdii, kiijiishetiq tsangshiq raq ngohea dea tsangshiq rai shammiwe ashi dea sito nguta misap wan.”

EJEKIEL 7:27

Hokhamwe kiimin maaho manyi miraq. Hokhamse jerowe miimin ran tsantsii ka ahü she miraq. Kiimaq mung maiqse ka tsaihü jihü, haisitsi ma atiikhai rokrok li she miraq. Namshiq raq ümtinkhan wa abi klo wanlan kra miitu mo mitiihoha. Kiimaq namshiq raq nanok jamkho shin wan lan, kra khan khan namshiq kha hotlan ka miphoha. Ara riitiq namshiq ma Ngi, ardea Tatiwe nguta mitiichhikuq wan.”

EJEKIEL 7:9

Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”

Hosea 8:14

Israilnok raq tsangshiq sichang jam ka, hokham jamkaütiim ikha hai wanto. Shatmaq tsangshiq Phansangtiwe ka laqbaiqto. Juda mung raq chela thun tei wanto. Chiqse rewe tiiwong ma, chela tro tam maq kiitelong rukto. Shatmaq ngi raq wa maq michaq baiqha. Tsangshiq hokham jam thun wiita, tsangshiq chela thun butja,” nguta Tatiwe raq ngutlo.

MALAKI 1:4

Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”

MALAKI 3:13

“Namshiq raq ngi ma ashut pinthum bom lan,” nguta Tatiwe raq ngutlo. “Shatmaq namshiq raq, ‘Naishiq ümniima jamkho shuttiikai?’ nguta waitlan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”