ISAIA 6:6 - ASII LAKDAP Bible (BSI)

⁶ Kiijiishe, seraphim kaütiim phong wa kaüshi ka ngi pha niishe satkisaq thiimkito. Apaiq jaq niika jinkiip maq berong-wacha na wa nyaitlaq wachan phong kiiwa chanshi kra kiip maq kiip raüta satkito.

Hawa Naga Bible 2001

⁶ Kvruex yimaq Seraphim vshiz rueq shomrawx wawc wvr kuinx vshiz kuex kap maq tvkap tsenz laq vtueq ngaz kox nuex svt kaz ruex.

ISAIA 6:6 Referencias Cruzadas

DUNGWVNC 25:38

Kra lemsetiim tiinyai chang kiipsetiim kiimaq kra thüchang trei winpin thun ka chiisan chaq maq lolaq.

ISAIA 6:2

Apaiq tro niika seraphim kong ka achhai anyii chapshat riito. Tsangshiq loweatek rakong ka trokrok. Kra kaütiim loweatek raq maiqmii theaphi ka arakong anai maq pangto. Kiimaq akhum ka arakong anai maq pangto. Kiimaq arakong anai miika abi riitlo.

JEREMIA 1:9

Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

EJEKIEL 10:2

Shiikeawe raq maiqwe raihi-nairai miirii samtiwe kiima nguto, “Ümniika cherubim takiq na ajikom thun heawea mong kiijaq kilaq. Laüta ümjaq phi na wacha nyairai tlaq kiiwa wachan thun kra tsoq laüta ümjaq phi ka tiimalaq. Laüta kra wiiwa nyaitlaq wachan thun ka chela kra hamli na wanbaiq kikiq.” Ngi raq apaiq kaiho ka liikang.

LEWI 16:12

apaiq raq wa-tso chang winpin na wachan anyai alai kra berong-wacha kiiwa mitso. Kiimaq homseng honglu win ka jaqkhon maq jaqkhonnai kra milam. Raüta kriithun ka Asii Pinthum Khok kiijaq milam wan.

WEAWEA 16:46

Kiimaq Mosheq raq Aron ma nguto, “Üm wapin ka ümjaq na shamtlolaq. Laüta berong-wacha kiiwa wachan wiiwatam maq kiijaq tso laüta thiilaq. Laüta homseng honglu wiijam ka wapin na thiilaq. Laüta kra ümjaq na doshat maq jaqlo thit thit mungmaiqse khum kra tiisii wan mro ka chhikuq tlolaq. Kotsi jaqlo! Tatiwe tsankhiq walü ka anyai wan kun she. Thabi tsi ka adong wan kun she.”

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Acts 2:3

Kiijiishe tsangshiq raq walü lapsetiim ikha, tsangshiq kiijaq maiq ümchuwa ngatlaqti thun loweatek khupo thaq na, wa achaq ikha anyairai kra chhito.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 1:7

Shatmaq Shiikeawe raq rasetiim miitu bom ka akha chongto, “Shiikeawe raq apaiq rasetiim kong ka, rahai ikha wrakong phansangto. Kiimaq Apaiq jaqshisetiim kong ka, waniitu ikha phansangto,”

Hebrews 13:10

Jehudinok shomjam na, Shiikeawe shomnoqti ramwebi riika, nashiq raq Shiikeawe shomnoq tiikai, nashiq berongwacha na honglu ngamrea kuq tiikai kra, wa nyiim wan dam miitu arang ahü.