ISAIA 59:3 - ASII LAKDAP Bible (BSI)

³ Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

Hawa Naga Bible 2001

³ Nuimshiq rueq vrot vkaq jungx vshuinx lvmx, nuimshiq yauk nuiyc yaukshix htenc nuex tvguiy rv-nyvt yaq lvmx, nuiyc miq thvy gay ningkhvnc nuex mvrax httax wuez vtuinx.

ISAIA 59:3 Referencias Cruzadas

TAKSU LAK 6:17

Shiikong maklii, arot tili, kiimaq maiqsang tiitsea baiqti matwe,

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 28:15

Namshiq ka namshiq raq atsai ningkun rai tongshongkai she kiimaq wulum mungti rai min kiq rikai she nguta tiitsakitlan. Namshiq ka phiiptsi chang mra pin wantlaq akhing na milun rong i dongdii nguta kamsiqtlan. Jamkhano ngukla namshiq ka arot bomchong ma kamtlan kiimaq namshiq ka laopha bomchong ma kamtlan kriiraq mitiichhiikuq nguta tiimatlan.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

ISAIA 9:15

Tikiire thun nai nyungwe jongbi thun ka akhupo. Kiimaq amaita ka shammibi thun kra. Tsangshiq raq trahokuq wantaq ka arot akiq siisaq shrinkuq wanto!

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 2:34

Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 7:8

“Liironglaq, namshiq ka laopha bomtsi kiima kamsiq lantea sitlan.

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

JEREMIA 9:7

Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

EJEKIEL 13:8

Kra ningkhan Tati Rakaü Hiqwe raq tsangshiq ma akha ngutlo, “Namshiq bom chong ka arot, kiimaq namshiq riisham makchhi thun kiimin arot. Ngi ka namshiq ngengti.

EJEKIEL 22:2

“Maiqse lei, ümniika kra maiqtseati matwe phongli sitlaq chela kha phoke ma tiijeshat sha sitlaü? Kra nyung kaü raq ümtinkhan wa maiqphai asi ashut klotaq thun kra kha raüpot kra amak ki na chekuqlaq.

EJEKIEL 35:6

Kra ningkhan, tengteng, Ngi, Tati Rakaü Hiqwe atra Shiikeawe ara sitiikang wiiwii, ümkha rii ka— atsai chang klishe sitlo kiimaq ümniika hangki lot maü she. Ümniika matwe, maiq tseati, ashut. Kra ningkhan ümniikiimin atsea mirbaiq.

EJEKIEL 7:23

“Phanrap lam na mungbrak shaq wa trangkli she. Mung na maiq riitseata trangli she. Kiimaq chela thun na jasam piqsii trang wali she.

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 7:13

“Tsangshiq ka thentoshe! Tsangshiq iwokhong wa juhoto! Raüta ngi rai riilongtlo! Tsangshiq ka chongthum miishe mija. Ngi raq tsangshiq tiichhii wan tiimakang. Shatmaq tsangshiq raq ngi shomnoq ka arot.

Hosea 7:3

Tatiwe raq ngutlo, “Mungmaiqse raq, ashut kiimung raüta tsang hokham laotlo. Luletsii chongkuq raüta welabi, lamjiq na sheahotlo.

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

1 Timothy 4:2

Arka joksaü liiqse shrabi raq, tsangshiq traho bom chongke lümaq mitiinyam wan. Tsangshiq tsantsii ka thawe lamphan na arap baiqho wishe. Tsangshiq ka ngarai kharü mong niishe sitlo.