ISAIA 5:7 - ASII LAKDAP Bible (BSI)

⁷ Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

Hawa Naga Bible 2001

⁷ Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

ISAIA 5:7 Referencias Cruzadas

RAPHA HIQWA LAK 4:10

Kiijiishe Tatiwe raq nguto, “Ümniiraq atinkhan tiibitaq abi ka jam nguto klolaü? Ümno tiijai ka hiq mong maq ngi ma maiq raq aphuk lam kuqlaq nguta hoqtlaq ikha hoqtlo.

2 SAMUEL 7:10

Ngi raq isengi Israilnok singa wan chang mung ashi ka tseakuq wan kang she. Lata tsangshiq ka kiijaq tiishong nga wan kang she. Kiijaq tsangshiq ka chiqse rewe raq tiitsüngii wan mak miishe mishong nga wan. Tsangshiq ka ara hiqshong rahai arjaq saü wanli maq dea min, tsangshiq ka chiqse rewe abi maiq phan pahea raq khat wanto. Shatmaq jai miika, tiikhat mang she. Ngi raq ümniika ümjaqti chiqse rewebi maklii wa tiikhe bomshat miishe mirüm wanha nguta ümniima kiqkham raüpot khakuq wan kang she. Kiimaq ümniima ümsaü ümsetiim min mikuq kang nguta kiqkham kuq kang she.

YOBA 34:28

Tsangshiq raq miitsan maiqsetiim ka tiichamchao raüta Shiikeawe man na tiihoqtlo, krai mren apaiq raq tsangshiq khrum jaü hoqtrang tlaq kra taito.

Tvtsvmc 147:11

shatmaq apaiq ka apaiq shrengti ma khoqriiqtlo, apaiq tiipitmakphan lungwii ma kamti ma khoqriiqtlo.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 80:15

Kira laüta ara spiq tsung ümniiraq achhihaü kra tiichhiilaq, ara spiq tsung ümniiraq tiijonglu tlaü kra chhiilaq!

DUNGWVNC 3:7

Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

TAKSU LAK 21:13

Ümniiraq miitsan maiqse, hoqtlaq kra taimaü haüla, ümniiraq khrum jaü hoqtlaü kriimin, tremak miraq.

THARC TVLUINGC 4:1

Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

ASHICHONG 7:6

Ümshamhea ka atsom pinthum peohea, lungwii nyung lei, atiibainge sea ma, ümniika ümtinkhan peo thum wa riita.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 1:6

Ümkhum ka ümkhupo maq riitea ümhokphi wiinai na saüli ka ami atsi ahü ahea ka bashi min tammak she. Ümkhum tlotli ka sintsang maq atsatrat mopung phongli she, kiimaq ami atsi atsam phongli she, kiimaq ümkhum na ami phong kriika anü tiiki raqraq lishe. Ümdü na ami thun kriika kham maq hetse hü. Kiimaq khea maq min jopkehü. Kriithun niika tsiq miimin juthü.

ISAIA 27:2

Kra ranaiq akhing na Tatiwe raq apaiq chochi chang spiqro miitu akha mingu,

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 3:15

Namshiq raq isenginok ka ji maq nishishi tseabaiq ka thekmak arang ahü. Lantea miitsan maiqse thun ka nanshan shan haihü ka maimak. Ngi, Ajong Pinthum Tati raq toqtan tiikang.”

ISAIA 3:17

Shatmaq Ngi raq tsangshiq ma mo she mitiihoha. Ngi raq tsangshiq khupo ka loktam misibaiqha. Lata kealoklok she mithüha.”

ISAIA 30:12

Shatmaq asii Israilnok Shiikeawe raq akha ngutlo: “Namshiq raq ibom chong ka taiman tleatlan. Lantea mat atsa klo lantea kiimaq Laopha klo lantli sitlan.

ISAIA 46:12

“Ibom chong ara tai ronglaq, nilannok lei, namshiq raq rekhat tang wan miika rahiq luhea dea asi shaq nguta tiimatlan.

ISAIA 5:2

Apaiq raq hiq ka thuto raüta longpo thun ka dobaiqto; raüta apaiq raq pinthum ahea phan spiq chhito. Raüta apaiq raq sonruk khechang longmaq kongmong chong ashi haito, raüta spiqtsi tiikitchang longtham ashi haito. Raüta apaiq raq spiqtsi kra tiimansea kheto, shatmaq spiqtsi thun ka wiita haidangdang siisaq riito.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

ISAIA 59:14

Tingting kappe tri raütu lang wan mai riikai. Kiimaq riikhaqli tri raütu ka sham wan mai riikai. Tengteng tri raütu ka nokwe ngong thun chang hiq thung ba na tiithap tha wanto. Kiimaq rung na tengteng jaqsham ka khüpho khapho akhing na ahü mokito.

ISAIA 59:4

Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 24:2

Kra apha shaq shaqti phupmuptsi tamliiti ka aheawiq siisaq. Kongkhu na tsitlaq mankhutsi siisaq. Kra jai wa phupmuptsi tamlii anai ngojati kriika abi ati siisaq. Asea ma maimak bihea.

JEREMIA 50:46

Ümtiikiiwa Bebilon ka thamwan jiiq, apaiq tham wan trang ka ramok wa ikha mangjong tlotli na hamli hiq ka atiikhai miraq. Kiimaq mung maiqse kiinyii hotrang ka mangjong tlotli raq mitai.”

EJEKIEL 22:29

Chiithe maiqsetiim raq mungmaiqse laophaqtlo. Raüta mungmaiqse ka tektlo. Tsangshiq raq miitsan maiqse ka nanshan shan haihiitlo. Kiimaq wanshabi pongmungti ka jimaq nishishi mop phaq siqtlo.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

HABAKUK 1:3

Jam nguto ngi ma ashut kiimung ka, tiichhikuq tlaü? Kiimaq litkot chamchao walü kra, tiichhikuq tlaü? Imakki na mung then wan, jasam piqsii maiq riitsea kli, chhiwan tiikang. Tatso wiinyi riilong liiq kli, chhi wan tiikang.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

TRI CHONGKE 15:9

Thiitham raüpot diike wan rawii saü wan ka ajeli she nguta, apaiq ma phanshi ra tiinamke ka naq khun niikiq. Akha abi hon atsii ka ümkhutsai na naq tiinyap kiq. Kiimaq ümniiraq apaiq ma kampho ka tiinam kuq maü riihaüla, apaiq ka Tatiwe phana wa raüta ümniika mishok wa. Krai mren, ümniika ashut we miishe mija haü.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.