ISAIA 5:6 - ASII LAKDAP Bible (BSI)

⁶ Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

Hawa Naga Bible 2001

⁶ Ngaz rueq kvruex kuex httuingx maq tvluimz gay shaungx. Ngaz rueq svpiq ruiuz htenc kuex penc tsawc shaungx rvmuq, ghaq kuex tvbur htuz kuq shaungx rvmuq; kvkhoc ruec tvraung shuiuq jungx htenc maq tvluimz gay shaungx. Ngaz rueq kvruex htauk kvyuq raungx tvyunc tvkoc phuemx htenc tvthauk gay shaungx.”

ISAIA 5:6 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 8:35

“Kiimaq ümtiikiiwa ümsenginok raq ümman na ngarai tang kha na, ümniiraq ra tiijun kuq maü mirhaü, kra akhing na tsangshiq raq maiqmii ngarai kra tiidii raüta, ara Shomjam nü na nyi raüta, aranse ma jaraüta ümjaq wa achu jaü raüla,

YOBA 31:40

bunwong nai jaili dong man wan rii na, sang nai shuktam rü khoti midong man wan laq. Job bomtsi thun ka arjiishe thumto.

TAKSU LAK 24:31

Wak ram ka shukrü raq, alam wan kun she, kiimaq sang raq alam wishe. Wak tro na long maq aruk, kiimin athamkai kun she.

ISAIA 24:12

Chela ka tiithenbaiqto. Chela kilamchong thun ka wiita tiibunbaiqto.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 32:10

Namshiq ka ümchaü chamtraq tsanhea chhaq sitlan. Shatmaq rawii atincho akhing na namshiq ka tsaihü jihü she misihan. Jamkhano ngukla namshiq raq spiqtsi pansea chang ka ahü miraq.

ISAIA 49:19

“Nammung ka tiithenbaiqto, raüta hiqmiq changkhü ma tiijabaiqto, shatmaq ümchaü hiq ka aranse miishe mijaki, kiijaq siwati maiq ka pahea jang wantlo. Kiimaq ümnaq tiithenbaiqti thun ka ümchaü luhea niishe mijobaiq.

ISAIA 55:13

Saipras pero ka ümchaü kiimko ro chamtlaq kiijaq cham raüta mijong wan; martel pero ka shuktam ro chamchang ba kiijaq micham. Ara miithii shong arka pattup pat-sa misi wan, arka Ngi Tatiwe raq jaq shamkang kra tsan na tiitsang miitu miraq.”

ISAIA 7:19

Tsangshiq ka saüwan raüta longraq jüwii hong thun na kiimaq chongkhong longshabok thun kiina, kiimaq shuktam ro thun kiina kiimaq nyamse rümchang chang nyiim lung ram thun kiina wiita ama mibok wan.

JEREMIA 14:1

Tatiwe raq ngi ma rarin misaü nguta nguto,

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

JEREMIA 25:11

Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Hosea 9:6

Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

Yoel 1:7

Tsangshiq raq nashiq spiq tsiro tiisiirai phaqbaiqto. Kiimaq iphupmup ro min achong maq wiita phaqbaiqto. Phupmup chongkü ako thun kra wiita she jungkito.

AMO LUIK DVP (AMOS) 4:7

Namshiq wakram na tsam adong awok choji na, ra tiijun kuq wan mang dea riikang. Tsam ka wiita tiibibaiq wan kang. Ngi raq chela ashiti ma ra tiijin kuq wan kang. Shatmaq chela ashi niika, ra tiijun kuq wan mang dea riikang. Wakram ramshi na ra tiijun kuq wan kang, shatmaq ramshi niika tiijun kuq mang riikang. Tsam ka wiita tiishinbaiq wan kang.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.