ISAIA 5:12 - ASII LAKDAP Bible (BSI)

¹² Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

Hawa Naga Bible 2001

¹² Mnoz phuiuz svy moalx nuex torox htenc, jok htenc, toloz htenc nuiyc svpiq tix htenc lomx yaq. Yuq muinz Yehowa rueq yvmx lac ruez yaq nguinx mnoz rueq tuiuz muq,

ISAIA 5:12 Referencias Cruzadas

RAPHA HIQWA LAK 31:27

Ümniiraq ngi ka jamto lao laü? Kiimaq ngi ma chonghü maq ahuk se maq jam nguto juho laü? Ümniiraq ngi ma chong haü jiika, ngi raq ümniika chojong chise kiimaq ashi ange jaqsinpin thun nai phaqlam toro thun tsü lata atiikiha chang wa.

2 SAMUEL 19:35

Ngi ka ümchaü wiiroqtiichat she. Jamlai min rariq mang she. Phaqnai sea ümtinkhan asum akam phan che atsam phaqsiqha min, asum akamri ahü she. Ashi ashunti shinge min taimang she. Ngi ka, Chaü lei, ümniima mintsa tiipake chang li she tiina miraq.

YOBA 34:27

jamkhano ngukla tsangshiq raq apaiq jai ka phan mak she tsaqkito kiimaq apaiq aming thun ka wiita shishe baiqto.

Tvtsvmc 28:5

Tatiwe raq ümtinkhan wa jaqsham kuqtaq kra shumii mak riimakla apaiq raq phansang wantaq kra chhimak; Arningkhan apaiq raq tsangshiq ka pattup miitu mishthenbaiq

ISAIA 22:13

Shatmaq kra rii na namshiq ka anai riilan kiimaq polokhiq peo wan lan. Namshiq raq sku nai minsaü taphaq lan. Kiimaq namshiq ka chenyang chamtraq riilan. Namshiq raq akha ngulan, “Nashiq ka chenyang dungsea phetak butja sirong i na! Anap nashiq ka amaa phong li she miraq.”

ISAIA 24:8

Kiimaq tsangshiq raq chojong chise phaqlamtoro thun nai nong tsüngiitrang ka atsaq she riikito.

ISAIA 29:1

Shiikeawe berong-wacha, Jerusalem ka miqto she! Dawit raq piitiip tei wan chang chela ka miqto she! Rawii wiishi lo wiinai lo ka misaü wan laq. Rawii liipan na phaq asea poi ümchu klo chang wa kra klo raüta milea wanlaq.

ISAIA 5:19

Namshiq raq ngutlan, “Tati raq apaiq raq jamlai klo chang ngutiiwa thapthitlaq, kriika jaqlolo miklolaq. Kra nguraütiq nashiq raq michhi rong i. Israilnok asii Shiikeawe raq jamlai wa thapthitaq jaqsham thun ka miklolaq. Atsan mong na jamlai wa sitlaq kra miklolaq.”

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

EJEKIEL 26:13

Ngi raq ümchela mong na phan phan ashi ange polotlaq kra tiikaiqshak mitiitsaq baiqha. Ngi raq ümchela mong na phaqlamtoro thun atsü angii kra wiita tiikaiqshak mitiitsaq baiqha.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

1 Corinthians 14:7

Riita, bom shiiton ngu i na, paimin chü lo, kiimaq toropo lo, ka riikhaqli maq tsüke hü miika, jamlai wa tsüngii tlaq kiimin tiisap mak khata miraq? Atse atsaq jam min ahü miraq.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.