ISAIA 5:10 - ASII LAKDAP Bible (BSI)

¹⁰ Spiqtsiro hektor roqshi bagan kriiwa atsi ka riichom pan raüla, spiqtai ka litar tiichatli she midong. Kiimaq litar shishi ri litar roqtiichat püwong rai kra chhi raüla litar roqshiri litar tiichat püwong rai kli she midong.”

Hawa Naga Bible 2001

¹⁰ Svpiq sunc pura bv-ngac wawc svpiq thuey tix kuex liter 8 dvyx shex lvp shuex. Vlix tawx rokshiz khic ruiux tawx shiz dvyx shex yek lvp shuex.”

ISAIA 5:10 Referencias Cruzadas

DUNGWVNC 37:22

Apü shun thun, akü thun, kiimaq lem-khamchong thun ka chaq bushi kriili tiiq raüta aklo.

ISAIA 32:13

Raüta kiidashuk rüro nai kiimko rü tonglong lishe mungmaiqse wakram na tang wanto. Hoqtrang ronglaq, maaho manyi. Maiqjam thun na man na chojong chise siwanto. Kiimaq kra chela ka mungmaiqse kiijaq siti ama siwanto. Akei alei jupjup riito.

ISAIA 7:23

“Ümtiikiiwa kra akhing she saü wan jiiq, spiqro sonruk ahea pinthum phan thun kriika sonruk ashi na spiqtsi chong ka hingshi shi miraq. Kiimaq kra sonruk ashi thii ka kampho kamsii hingshi shi rii miraq. Kra sonruk thun kriika shukrü rum raq lam wan raüta kiida rü tonglong kiimaq shuktam rü tonglongli she miraq.

JEREMIA 48:33

Chochi rilung nai khoriiq shishiiq rilung ka hiqpo hiqwin Mob mung kiiwa lam wanto she. Ngi raq spiqtai ka atiikit chang tham kiiwa tiidong mang she shangbaiq kang. Spiqtai tiikitti maiq ka jumin ahüshe. Kiimaq achochi si tsi ma agi asiiti min maiq ka ahü she.

Yoel 1:17

Alai thun min hiqmong na shinkito. Tsamtiip niimin tsam ahüshe. Tsamtum thun min shaqmiishe.

LEWI 26:26

Ngi raq namshiq phaqsea lun wan chang lam thun kra ashang mirbaiqha. Kra ningkhan ramtsi ma jechak nyung roqshi raq tsangshiq winsii lumchang wacha ka ashi kiijiili she milum. Ashong lumchang min ahü she miraq. Tsangshiq raq rai awong ka akhüse kli she mishong phaqsiq. Kra ningkhan namjaq na sitlaq kra phaqsea lot jai, namshiq ka ramtsi hot hot li misi han.

LEWI 27:16

Kiimaq maiq weshi ra raq awak wa hiq phu bashi ka Tatiwe ma kiinong kuq raüla, kra hiq phu thii ka kra hiq ba na jaili lai ka ümchu wan raü wa mihong kra shin chang. Raüta jaili lai ka kilogram roqnai na athii ka kampho ngamsii roqshishi na seng raüta hiq phu thii ka miitang chang.

HAGAI 1:6

Namshiq raq wak jaqsham tlan kiiwa tü atsam ka ümtinkhan chhijang wan tlan, riishatmaq, atsi ango ka ahü. Tsam ka atsapse li jut tlan. Namshiq tsam ka asi laptlan. Shatmaq namwok ka phemak. Namshiq jaq na spiqtai ka asi. Shatmaq phetaktak nyang wan li chang ka ahü! Namkhum na asam han khea ka asi. Shatmaq ra lammak. Kiimahali ranaiq ningchang jaq sham wantibi riimin, awok pheli chang ningchang ka lap mak.

HAGAI 2:16

namshiq khaolüm phong bukkai lam maq thaproq nai milap hai nguta niki lan, shatmaq thaproqshili she. Kiimahali spiqtsi tai longsha tak wa, pükhaü roqbiingi milap hai nguta akhuki han, pükhaü roqnai lishe khuwan lan.

TRI CHONGKE 28:38

“Ümniiraq tsamlai ka pahea miwan haü. Shatmaq tsam ka akhüseli mijut haü. Jamkhano ngukla kupchi raq üm tsam ka miphaq.

TRI CHONGKE 28:39

Ümniiraq spiqro ka michhi haü. Laüta kai michhin tsii haü. Shatmaq ümniiraq spiqtsi ka pansiq lumaü mirhaü. Riimakla kriiwa spiqtai kiimin nyanglu maü mirhaü. Jamkhano ngukla ajong raq spiqtsi ro ka wiita miphaq baiq.