ISAIA 49:4 - ASII LAKDAP Bible (BSI)

⁴ Ngi raq ngukang, “Ngi raq jaqsham shiichaq wan kang, shatmaq khanhü niili hunnii wan kang! Ngi raq iningkun thumli niiko wan kang, shatmaq jamlai amet min ahü riito.” Li jiimin, ngi raq Tatiwe ma ikhum tiichhii wan miitu kamtiikang; apaiq raq ngi ma poksi mikuq ngi raq jaqsham tiikang kra miitu.

Hawa Naga Bible 2001

⁴ Ngaz rueq, “Ngaz rueq yauk shuimc wvnc tauk, yuq muinz khuec guez dvyx! Ngvy hungc vlaungc htumx laz hunglaungx tauk, yuq muinz yvmx muinz lotlaungc wvnc mauk,” ngoz tueq ngoz tauk. Yuq muinz ngvy lvmz kuex tvkhup wungx kuy tvkoc Yehowa muex dvyx kvmx vtaungx; vpiq kuex ngaz rueq shuimx shaungx laung yauk noalc ngaz muex kuq phuex.

ISAIA 49:4 Referencias Cruzadas

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

TAKSU LAK 29:26

Maiq pahea raq, hokham jaq wa khrum jaütlo; shatmaq riikhaqli khrum ka, Tatiwe riili kuqtlo.

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 40:10

Ajong Pinthum Tatiwe ka ningkun aheng maq pengkai kitlo, apaiq raq ada wan maiqse thun ka apaiq rai sheaho raüta.

ISAIA 40:27

Israil lei, ikhiijiika ümnaq jam nguto bottlaü Tatiwe raq üm chamchao sapmak nguta, riimakla ümnaq khühü na chamchaotlaü na liikuq mak nguta jawa tsantsutlaü?

ISAIA 57:21

Ngarai maiqse miika hansang ahü,” nguta Tatiwe raq ngutlo.

ISAIA 59:18

Apaiq raq ajaqtinok ka tsangshiq raq ümtinkhan wa shuttaq kra phan phan kappe maq shin raüta mitiichamchao. Maiq mung thun ratsüko na siti thun kriimin mitiichamchao.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 62:11

Arka Tatiwe raq mangjong tlotli ma tiitaitlo; “Jerusalemti ma chonglaq, Tatiwe ka ümnaq tiichhiikai kitlo, Apaiq raq chhii wantaq maiqse thun apaiq rai shea raüta.”

ISAIA 65:2

Ngi ka wranaiqshe isenginok ka iwokhong na tiisi nga wan miitu khekham maq si wan kang. Shatmaq tsangshiq ka nilan, wanshak shak. Ashut lam phan kriili kiimaq tsangshiq raq jamlai wa lungwiitlaq kra klowan niili siwanto.

ISAIA 65:23

Tsangshiq raq jamlai phan minwa shiiqtlaq, kriika ong wan ruq miraq. Kiimaq tsang setiim raq tsaimiq khusiq mra riihum mak she miraq. Ngi raq tsangshiq ka mishman kuqha. Kiimaq tsangsaü tsangsetiim ka pattup pat-sa miitu achu mishman kuqha.

EJEKIEL 3:19

Kiimaq ümniiraq abi kloti ma honlam bomtsi ka chongkuq laü shatmaq, shatmaq apaiq raq ngarai tang kra tsaqmak raüla, apaiq ka ngarai ma hoshat miili mitsai. Shatmaq ümrilung ka atiichhii mirkuq.

LEWI 26:20

Namshiq raq ümtinkhan wa jaqsham hun nü tlan, kriika namshiq ma atuli she miraq. Jamkhano ngukla nam wak ram thun na minshiiq lan kiiwa jamlai phan tü atsam min dong man kuq mak she miraq. Kiimaq petsi ro na atsi ango min ahü she miraq.

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

John 1:11

Apaiq ka maiqmii mung na kito. Shatmaq, maiqmii mungti raq, apaiq ka tao mak dea riito.

Romans 10:21

Shatmaq, Israilnok miitu apaiq raq akha ngutlo, “Ngi raq ara i kiq khü wantinok, kiimaq i bomchong tai mak tlea wanti, nilan nok ara, tao wan miitu ranaiq minru i jaq tiipii lata, noho ikha tlin wan kang,” nguta ngutlo.

2 Corinthians 12:15

Ngi raq, i jaq na ümchuwa sitlaq tsiiq anyam maq dunghiq wan lata, kiimaq i khum ara kuq lata, namshiq ka tiichhan chhi wan miitu mishoq wanlot ha nguta sitiikang. Riita, ngi raq namshiq atinkhan mangchan tiikang arkha na, namshiq raq ngi ma lungwii tsantsii thü wan ka atiitsap she sha mirwan han?

2 Corinthians 2:15

Ara jamkhano chongtiikang ngukla, naishiq ara ahomwiq homseng honglu na achaq ikha. Khristo raq naishiq ara, Shiikeawe ma apkuq wantlo. Riita ara ahomtsang arka, ümriiti riiwa rilung lam na wawan tlaq, kiimaq ümriiti riiwa tsailam rilung lam na kiho tlaq, kra thun phong na tiinyam tiihomkuq wan tlo.

Galatians 4:11

Ngi ka ümchaü sanha, namshiq ka tiima lalata, kai chapa tiikang! Riita, ngi raq namshiq miitu, ümtinkhan wa, Shiikeawe bomtsi chongke hunnii wan kang thun irka, atu niili she dea sha moki tiita?

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.