ISAIA 48:6 - ASII LAKDAP Bible (BSI)

⁶ “Ngi raq tiithaikang thun ka thum thum she kuwanto; Ngi raq tiithaikang kriidea tengto nguta namshiq raq pongsaq changli she. Ümchaü Ngi raq namshiq ma bom anye she chongpha, kongkhuji na tiichhikuq wan mangdea kriithun kriishe mitiihong wanha.

Hawa Naga Bible 2001

⁶ “Ngaz rueq tvluz nuex jungx wvnc tauk kuex majuiuc yaungx wvnc vtuex; ngaz rueq jungx wvnc tauk htenc vsuing rvtueq kuex mnoz kvjungc vtuiux. Majuiuc ngaz rueq max kox nuex yaungx wvnc tuex vkhuec vlvmz vnyalx htenc, kungkhux nuex tvkhic wvnc mauk shauk doc phvnx lvmz htenc kuex mnoz muex tvkhic kuq ix.

ISAIA 48:6 Referencias Cruzadas

Tvtsvmc 107:43

Juwa taksu maiqse kriiti raq arthun mishiwealaq; kiimaq Tati tiipitmakphan lungwii kra mitak laq.

Tvtsvmc 119:13

Ngi raq tiihong lata bliiqkiki miphat-ha ümniiraq akuqhaü tri raütu thun tlotli ka.

ISAIA 21:10

Isengi Israilnok lei, namshiq ka bunwong ikha wiita athaübaiq kun she. Shatmaq ümchaü ngi raq namshiq ma tsütsa ahea tiitaitiikang. Arka ngi raq Tati Ajong Pinthumwe, Israilnok Shiikeawe raq achongkuq taikang.

ISAIA 42:20

Israil lei, ümniiraq phanrap kunli chhilaü she, shatmaq jamlai wa saptsin wan laü? Maiqbom tai miitu ümnilok ka asi. Shatmaq riikhaqli ka jamlaili wa tai laü?”

ISAIA 42:8

“Ngi lamlamli üm Tatiwe üm Shiikeawe. Ngi khushü ka tisho ahinti ma riishake maimak; Ngi raq sumla phra thun ma Ngi shomra ka pheakuq mang.

ISAIA 42:9

Ngi raq tiithai wan kang thun ka ümchaü kuwanto she. Ümchaü Ngi raq ümniima phanrap anye thun kra chongpha, kriithun ka mihongtha wan shaq niili chong kuqpha.”

ISAIA 43:19

Ngi raq anye jamlai wa kiimung tiikang kra shrira liilaq. Arka hongtha rai wanto she- ümniiraq ümchaü min michhi haü! Ngi raq kumtsaiphii binjü maq lam ashi mitanha, lata ümniima jüseraisetiim mitiidong kuqha.

ISAIA 48:7

Ümchaütiq Ngi raq kriithun ka tingsang klotiikang; man niika akha hongtha wan mak dongdii. Kriithun ka man niiphü dea hongtha wanto nguraü jiika, namshiq nga namshiq riimin asaphan dongdii nguta mitsütsit hanwa.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

AMO LUIK DVP (AMOS) 3:6

Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?

Mikha 6:9

Tatiwe ma haisong tsü ka taksu phaqchi. Tatiwe raq chelati ma chongtlo! “Tairong laq! mungmaiqse chela na thungtlanti lei!

Matthew 10:27

Ngi raq ümchaü namshiq ma jamlai bom wa kaiq shakshak maq chongkuq tiikang, arka namshiq raq ranaiq shethungpii na chap lanta, maiqse ma chongkuq ronglaq. Ngi raq ümchaü namshiq ma jamlai bom wa, tapmong nyang maq chongkuq tiikang arka, namshiq raq rinkinku maq chap lantiishe chiiriim lanta chongke chang miraq.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

1 Corinthians 2:9

Shatmaq Asii bomtsi na akha chongtlo, “Maiqse angu wa jurmin jangshi ra min, akha mihong tha wan nguta tiima chhi tai lot mak. Kra riiwe ka Shiikeawe raq apaiq lungwiitibi ümchuwa sitlaq, kriiti miitu tiije kuqto she.”

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 4:1

Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.