ISAIA 32:9 - ASII LAKDAP Bible (BSI)

⁹ Namshiq jechakre chamtraq apü alei haisiqtlanti jam chapa holai ahü maq sitlanti raq, Ngi raq chongtiikang bomtsi ara tiitsang taironglaq.

Hawa Naga Bible 2001

⁹ Rvwvlc tvmaung rac muq rullungx piauc hvlc httax vtuinx yalxjuik rulx lex, ngaz rueq jungx phaungx kuex tay shuinz.

ISAIA 32:9 Referencias Cruzadas

Tvtsvmc 123:4

Naishiq ka rahiq luheashe chiithe maiqse thoda maq phongtsok haihü wanto she, kiimaq shiikong miilong maiqse raq naishiq ka ji maq nishishi haihii wanto.

ISAIA 28:23

Ngi raq jamlai wa chongtiikang kra tiitsangtai ronglaq: Ngi raq chongtiikang bomtsi kra tsan tiitsi lantea taironglaq.

ISAIA 3:16

Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

AJONJÜ 4:5

Man na chiithejong phaq asea chamtraq siti, ümchaü tsangramtsi raq pitlang pitthea ahaü. Chiiheawea lam na riiphongtlo, Man na chiithe lüwabi kriimin, keathung na maiq raq, nyiipthop abaiq kra ritsea hükhea hiqkhea, tsangramtsi ma khumtlo.

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.

Matthew 13:9

Kiimaq Jesuq raq abom ka akha shatto, “Juwa ni asi, kriiti raq tiitsang tairong laq!”

TRI CHONGKE 28:56

Kiimaq pinthum maiqshaq lüsaü wase shea kriiraq dongdii min, apaiq ka pinthum chiithe maiqse kha maq ahok maq kinphai na jangshi min khumki makti nyung raq dongdii min, arjaq chong tlaq kiikhiisii li she mija shaki. Ümtiikiiwa re raq apaiq sichang chela ka trotam maq kom wanjiiq, apaiq ka pinthum tsaija chhunja she michamchao wan. Aphaq sea chang jam min ahü, ram raq pit lang pitthea she mitsai wan. Kra ningkhan ase noshiise ka achii ri li she apaiq raq ahukse maq aphaq miraq. Kiimaq nowüchhi jai nochhü arok kriimin apaiq raq miphaq. Kriinyung raq kriithun ka tsangwe apaiq raq pinthum lungwiitlaq kriima dongdii min kuqphaq mak miraq. Kiimaq asetiim atrati thun kiimiimin kuq phaq mak miraq.

PHOWEBI 9:7

Ümtiikiiwa Jotham raq ara tsütsa ka taitaq, apaiq ka Gerijim Hiqlam khupo kiina wawanto, raüta mungmaiqse ma tiihong raüta agilülü akha riimto, “Shekhem chelati singmung maiqse le ibom ara tai ronglaq! Kiimaq Shiikeawe riimin namshiq bom ka mitai laq!