ISAIA 32:10 - ASII LAKDAP Bible (BSI)

¹⁰ Namshiq ka ümchaü chamtraq tsanhea chhaq sitlan. Shatmaq rawii atincho akhing na namshiq ka tsaihü jihü she misihan. Jamkhano ngukla namshiq raq spiqtsi pansea chang ka ahü miraq.

Hawa Naga Bible 2001

¹⁰ Nuimshiq majuiuc thuinhvlx vtuinx, yuq muinz raungwawx vtanc jauz nuimshiq tvkoc svpiq thuey tvjomx puinc juing vguez rvtuex ningkhvnc nuex nuimshiq thuinbac rvhumc tuinx.

ISAIA 32:10 Referencias Cruzadas

ISAIA 16:10

Ümchaü sanha hiqpo hiqwin wakram thun na jumin chochi mak she. Spiqtsiro sonruk thun na maiq jiimin gisii mak she, kiimaq spiqro na jumin shinge mak she. Kiimaq spiqtai hainyang ma longtham na spiqtsi tiikit niti maiq min ahüshe. Chojong chise gisii wa trang ka thumto she.

ISAIA 7:23

“Ümtiikiiwa kra akhing she saü wan jiiq, spiqro sonruk ahea pinthum phan thun kriika sonruk ashi na spiqtsi chong ka hingshi shi miraq. Kiimaq kra sonruk ashi thii ka kampho kamsii hingshi shi rii miraq. Kra sonruk thun kriika shukrü rum raq lam wan raüta kiida rü tonglong kiimaq shuktam rü tonglongli she miraq.

JEREMIA 8:13

“Ngi raq isenginok ka maiq weshi raq awak wa tsam riichom juttlaq ikha adam na riichom wan lungwiikang. Shatmaq tsangshiq ka spiqro na atsi ahü spiqro ikha; kiimaq phupmup chong na atsi ahü ikha; ajaq thun kiimin wiita ajung kaikun she. Arningkhan she Ngi raq pongmungti ma armung ara seawan miitu kiinong kuqbaiq kang.”

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Yoel 1:12

Spiqraü tsung thun wiita shinriiqriiq. Phupmup tsi thun wiita roktito. Pomegrenet tsi, taitsi tsi, apel tsi, petsiro angu wiita shinriiqriiq shinkito. Krai mren maiqse tsantsii na chochi ahü. Khamrai rükitlaq ikha shinriiqriiq she sükito.

Yoel 1:5

Tiido ronglaq, cherop tsampiiti lei, lanta hoqtrang rong laq. Chechok tsampiiti lei agilülü hoqtrang ronglaq. Namchekhap kra miitu hoqtrang ronglaq, jamkhano ngukla ümchaü sanha nyanglu maü she.

Yoel 1:7

Tsangshiq raq nashiq spiq tsiro tiisiirai phaqbaiqto. Kiimaq iphupmup ro min achong maq wiita phaqbaiqto. Phupmup chongkü ako thun kra wiita she jungkito.

HABAKUK 3:17

Phupmup chong na, atsi ahü she jiimin; spiq raütsung na atsi ahü she jiimin, Olip ro na atsi ahü she jiimin, wakjam ram na bunwong ahü she jiimin, skukong thun wiita she jiim rai raü min, minsaü tiip wa tiisiirai jiim rai raü min,

JEPHANIA 1:13

Tsangtsiiq tsang-nyam tum thun, wiita mirun wan; tsangshiq jam thun kiimin, wiita mitiithen baiq; tsangshiq raq jamhai tlaq kiijiimin, silumak miraq. Kiimaq spiqro chhi tlaq kiimin, spiqtai nyanglu mak miraq.”