ISAIA 27:7 - ASII LAKDAP Bible (BSI)

⁷ Tati raq, Israilnok ka tsang jaqtinok ma mo tsihea tiihotaq kiitinkhan mo ka tiihomak dea. Kiimaq asenginok ka re na pahea tiitsaimak dea.

Hawa Naga Bible 2001

⁷ Yehowa rueq tsuingshiq ralx htenc muex henghvlc murx tvgurc vtueq thvt gay tueq tanc khvnc Israel miqsaz htenc muex murx tvgurc ruiux thvt gay tueq rvmuq.

ISAIA 27:7 Referencias Cruzadas

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 10:17

Shiikeawe, Israilnok ma rawüli kriika wa miishe mijaki. Israilnok asii Shiikeawe ka walütu kaü miishe mijaki. Raüta ranaiqshi liipan niili wiita tiihihut, kiida shukrü thun nai chokmun rü thun kriimin wiita hihut mikhiimbaiq.

ISAIA 17:14

Rajiko na tsangshiq raq maiqse ka phiiptsi ma tiitsaito. Shatmaq anap ranap niika tsangshiq ka ahüshe. Na mung shiithenbaiqti maiq thun ka akhiisiisaq mitiithen baiq wan.

ISAIA 17:3

Israil mung ka atiiwongketi jumin ahü miraq. Kiimaq Damaskas chela ka wase riimak she miraq. Siria mungti re jaq song atiichongkiti thun ka Israilnok kiikha munjuk mijukli she miraq. Arka Ngi Ajong Pinthum Tatiwe raq ngutiikang.”

ISAIA 30:31

Asirianok ka Tatiwe bom kra tai raüta phiip raq mitsai. Kiimaq apaiq mo tiihotlaq heng wa kra misap.

ISAIA 31:8

Asiria mungti ka re dong na miqchup mithen wan, shatmaq kriika maiqse ningkun miika riimak. Asiria mung ka re khat kai aki kiiwa wiita apin mirwan. Kiimaq tsangshiqnok jerobi thun ka re raq disekong miishe mitiija wan.

ISAIA 31:9

Tsangmung pengti hokham ajongwe ka phiip raq tsai raüta aju mir wan. Kiimaq phentubi thun kiimin phiip raq mitsai. Kra ningkhan tsangshiq raq rekhat tanglap kii thun kiimin baiqthü raüta mipin wan.” Arka Tatiwe raq toqtantlo. Jerusalem na shomnoqtlaq Tatiwe raq raq ngutlo. Kiimaq apaiq raq achaq wa ka kiijaq na honglu take miitu nyaishat nyaitlo.

JEREMIA 50:40

Ngi raq Sodom nai Gommora kiimaq kra wiinai tho na siti chela thun tiithenbaiq kang kiikha, mitiithen baiqha. Kra chela thun na maiq ka jumin simak she miraq. Arka Ngi, Tatiwe raq toqtan tiikang.

JEREMIA 51:24

Tatiwe raq ngutlo, “Bebilonti raq Jerusalem ka jamkho tiithenbaiqtaq, kra thiitham ka Ngi raq Bebilon mung ma mikuqha kra namshiq mak maq michhihan.

NAHUM 1:14

Tatiwe raq Asirianok miitu tri tu kuqto she, “Tsangshiq mangchongti alai min ahü she miraq, Tsangshiq phra jam mong na sumla thun ka, tiisiirai she mishthen baiq ha. Ngi raq tsangshiq Asirianok lap ma, maakho she tiije tiikang. Tsangshiq atra si thekmak!” nguta Tatiwe raq aming kuqto.

NAHUM 3:19

Ümmi phum chang tsiq ahü she, kiimaq ümmitsi hea lot mak. Ümnaq then wan tsütsa taitibi, chochi raüta jaqphi phoktlo. Jamkhano ngu raüla, ümniiraq abi kiimung wan kra, riihum wan makti maiq asi shea?