ISAIA 19:4 - ASII LAKDAP Bible (BSI)

⁴ Ngi raq Ejip mung ka chiqjong liihawe ikha hokham maiqbiwe jaqkhon mong na mikiinong kuq baiqha. Apaiq raq tsangshiq ka pinthum mijam shawan. Arka, Ngi Tati Ajong Pinthumwe raq ngutiikang.”

Hawa Naga Bible 2001

⁴ Ngaz rueq Ejip miqsaz htenc kuex vguirc vguenc naqsaq jix hokhvmx washiz yauk nuex lekuq gay ruiux, piq muex tvguimz lawc shaungx. Ngaz, Tvphaungc Tvsuip Yehowa rueq jungx vshaungx,” ngoz tueq jungx tueq.

ISAIA 19:4 Referencias Cruzadas

Tvtsvmc 31:8

Ümniiraq ngi ka ijaqtinok ma tlap maü riilaü; ümniiraq ngi ka ngi raq aroro na kaiho miitu lam dije thü laü.

ISAIA 19:2

Tatiwe raq ngutlo, “Ngi raq Ejip mungti liipan na re mitiidongha. Lata mung ka mibrak baiqha. Siphu sino liipan na atriingeng mirha. Hiqshongti liipan niimin tatso mitiidongha. Chela ashiti raq chela ashiti rai arkhat miraq. Kiimaq hokhambi liipan na hokham riinyea ta mitriitsoha, raüta mirkhat.

ISAIA 20:3

Riita ümtiikiiwa Ashdod chela ka re raq jiiwantaq, Tatiwe raq nguto, “Ijaqshise Isaia ka kheahü siikumkum kiimaq hokpa ahü hoksii maq wiitsam she khumtlo. Arka Ejip mungti nai Sudan mungti ma akha mra mipin wan nguta winji binriim tiithai.

ISAIA 20:4

Asiria ajong hokhamwe raq ara mung anai arwa apaiq raq alap shumwikong ka kheahü maq siikumkum mitsuq wan. Nosere kiimaq nyungwe, tsangshiq ka hoksii sendel pahü maq kiimaq kheahü siikumkum mikhum. Tsanghüko ka thiqko ra na rashra maq, Ejip mung ma jea tiingaü raüta miwa wan.

JEREMIA 46:26

Lata tsangshiq tseakaiti Bebilon mung Hokhamwe Nebukadnejar kiimaq asengi phenlabi jaqkhon na mikiinong kuq baiqha. Shatmaq rawiichii akhing niishe kla, mungmaiqse ka Ejip mung na hali misi wan nong. Arka man na jamkho richü pat na sitaq kiikhahali misi wan nong. Arka Ngi, Tatiwe raq toqtan tiikang.”

EJEKIEL 29:19

Kra ningkhan na, ümchaü Ngi, Tati Rakaü Hiqwe raq ara ngutiikang: Ngi raq Ejip mung ka Hokhamwe Nebukadnejar jaq niishe kiinongkuq tiikang. Apaiq ka Ejip mung wa tsiiq anyam ka mitek raüta mirut wan. Raüta Ejip mung wa tsiiq nai nyam ka aphenlabi laqkhaq miishe mitsuq wan.

EJEKIEL 30:12

Ngi raq Nai rai kham ka tiishinriiq mitriibaiqha. Lata Ejip mung ka maiq abi pinthumti wokhong niishe mikiinong kuqbaiqha. Pongmungti raq mung ka tiihihut mitiithenbaiq. Arka, Ngi, Tati Rakaü Hiqwe raq toqtantiikang.”

NAHUM 3:10

Kiitinkhan jong taü maq, Thebes chelati ka shumwi ma tsuq wanto. Noseretiim kiidea min chiiheawea wa na, wiita nyattiiq baiq wan. Tsangwela thun jin raü maq khato, kiimaq langlii raüta riiphea wanto.

1 SAMUEL 23:7

Riita, Saul ma Dawit ka Kaila niishe kihoto nguta tsütsa ka tiitaito. Kra tai raüta apaiq raq, “Shiikeawe raq apaiq ka ijaq khon mong niishe tiiwato. Dawit ka trotam maq kiitelong maq aruk kiimaq chela kilam chong thun min jin kilü maq atiihong kiijaq kiho raüta, apaiq nai apaiq kli thiikho mong na tiithii rai wato,” nguta bomto.