ISAIA 18:2 - ASII LAKDAP Bible (BSI)

² Kra mung wa kiimwebi ka Nail rai khü phan phan ahong nü na tingjangkii maq ahai lai thun maq kitlo. Namshiq ka jam na jang wan ronglaq, tsitsü panthit jiiti kiimwebi lei! Lantea nammung jürai thun raq pong rai rai traishat kiina tsütsa kra sowantlo ronglaq. Nammung ka jonghea luhea kiimaq ningkun jonghea mung ma. Nammung maiqse ka akhü ka nintatahea phan maiq ma. Tsangshiq ma mangjong maiqse kunli raq ahai asong rakrak sitlo.

Hawa Naga Bible 2001

² Kvruex mungtan wawc kamx waz hez kuex may-o kawx maq vtvhungx wonz htenc nuex ngaungc vtueq Nile ruilx nuex kaz wvnc wuez tueq. Htuik vhtat thaungc gurc pic jix kamx waz hez lex, yuimx nuex yek wuez kuinz! Yuix ruilx htenc maq tv-phvlc shec tueq mmungtan nuex, hungc hvlc mnoz luimc vkawc httax yaq miqphvnx kox nuex, vshvmx loayc hvlc gvnz vnyel mmiqsaz htenc ngoz yaq mungkawx lotlaz hiz yaq hez kox nuex bomjungc vruex lvmz wvnc yek shuinz.

ISAIA 18:2 Referencias Cruzadas

2 KAÜWA WERAÜ 14:9

Sudan mungtiwe amang min Jera nguta kriiwe raq apaiq phenlabi hingshishi shea raüta kiimaq kumrang leng chaoti shitsam shea raüta Maresha chela na saüli khat wanto.

2 KAÜWA WERAÜ 16:8

Riita Sudan mungti phenlabi nai Libia mungti phenlabi thun ka arthaq na pahea riito riimak shea kiimaq tsangshiq jaq niika kumrang leng pahea kiimaq kumrang thaq na chaoti phenlabi ka pahea riito riimak shea? Shatmaq ümniiraq Tatiwe dü na tiinin laü kha maq, apaiq raq tsangshiq ka ümniima tiitang kuqto.

YOBA 9:26

Irilung ka lai phiqhea pinthum ikha lea wantlo, liihawe raq koina se phiim tlaq ikha phiqhea.

DUNGWVNC 2:3

Shatmaq apaiq raq no ka alu paülot mak she riito. Kra ningkhan apaiq raq hongkii ashi tingjang kii maq awai kra kaichangtai maq loto. Raüta kham raq chhemak chang kloto. Raüta apaiq raq no ka kra hongkii mong na tiiweto. Raüta jüraikii na sangphii aluwiq ba na tiiweto.

ISAIA 18:7

Akhing ashi misaü wan, kra akhing na, Tati Ajong Pinthumwe raq armungti jaq wa honglu ka mijaü wan. Ara jürai pahea raq tiikho tlaq mung jaq wa. Ara ahong ala mung. Kiimaq ningkun jonghea riimti mung, ara maiq ajong alu kiimaq tsangshiq han ka nyeajok jok hea atsom wiq mung arjaq wa. Tsangmungti ma mangjong tlotli raq aphiip ajiip haitlaq armung jaq wa. Tsangshiq ka Tati Ajong Pinthumwe shomnoq chang Jajon pum na miwa.

JEREMIA 49:14

Ngi raq ngukang, “Edom lei, ngi raq Tatiwe tsütsa taikang. Apaiq raq mangjong maiqse tarü ma tsütsa chongkekaiti tsasoqhoti maiq weshi tiikito. Tsangshiq phenlabi thun ka adam na riichom raüta Edom mung kra khat miitu tiije ronglaq nguta.

EJEKIEL 30:9

“Ümtiikiiwa kra ranaiq akhing ka saü wanjiiq kiimaq Ejip mung ka mitiithenbaiq, Ngi raq tsütsa chongketi mokkiitu thun maq mitiikiha. Lata ümtum ümmai sitlaq Sudan mungti ka tiihanghiiq mili mitiihang wanha. Kiimaq tsangshiq ka phiip raq mitsai. Kra ranaiq ka saü wan tlo she!”

Obadia 1:1

Arka Ajong Thaq Na Ajong Pinthum Tatiwe raq Edom mungti miitu shammiwe Obadia ma atiichhikuq riisham bomchong. Tatiwe raq atsasoqti weshi mangjong hiq thun na tiikito. Naishiq raq apaiq tsütsa ka akha taikai: “Chap rong laq, singmung maiqse lei! Edom mung kra khatki rong i!”

HABAKUK 1:7

Tsangshiq sham na lüma phiiptsi jiiptsi. Tsangshiq ningkun tri raü kli, tsangshiq tri. Ajiq alam tsangshiq raq thithi.

Luke 10:19

Taironglaq! Ngi raq namshiq ma arang akekun she. Namshiq raq paüsang nyiqla thun ka hok maq nishishi mirhan. Kiimaq Thawe ningkun wiita mitang han. Namshiq ka jamlai riimin tiishophi lot mak miraq.