ISAIA 17:2 - ASII LAKDAP Bible (BSI)

² Siria mung wa chela thun ka pattup miitu maiq raq amiim she mirbaiqthü. Kra jamkhü thun ka skukong nai jam nyamsekong haisea chang nyiimlung rü miishe mijaki. Kra nyamsekong ka jobaiqti ka jumin ahüshe miraq.

Hawa Naga Bible 2001

² Siria mungx wawc ghaqyungx htenc kuex pattup kuiyqshuik kuiyq khvmx yaungx wvnc tuex. Kvruex yuq khelbuenx nuiyc suiux vngac guilc juing yaungx vtueq, uraq muinz tsuingshiq kuex yurc gay shuex rvmuq.

ISAIA 17:2 Referencias Cruzadas

YOBA 11:19

Ümniika ümjaqtibi ma haisong maü she misi haü; maiq pahea raq ümjaq wa khrum mijaü.

ISAIA 27:10

Trotam maq kiitelong maq ruk raüta, peruk weshaü mong na siti chela ka thento she. Arka hiqmiq changkhü ikhiishe sitlo. Rumnyangkhi hiqmiq changkhü she. Nyamse rüm chang nyiim lung rii li she. Kra nyamsekong haisea chang kiimaq nyamsekong bumsea changli she.

ISAIA 5:17

Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

ISAIA 7:21

“Kra akhing she saüwa raüla, hiqshongti wak shamseati maiq weshi jaq na tachong hupsam ka minsaü saüre kaüse ashi kiimaq chhechhi kaünai lam lam li tiiwong lap raü min,

ISAIA 7:22

kra nyamse thun raq apaiq tiidunghea ma ümchuwa ratlaq kra miitu anyakpü pahea achan ana rongboq mikuq. Kriika tengteng. Tsang mung na abung akhii maiq aso atiichongkiti thun ka dut nai ngiqngu nyang raütli she misi wan.

JEREMIA 48:19

Namshiq Aroar chela na sitibi lei, lamkii na chapronglaq lanta kheronglaq; apin ajin juraitlaqti ma wai ronglaq, lanta tsangshiq nü wa tho ka lap ronglaq, jamlai mra wa pinta.

JEREMIA 7:33

Maiq maa phong ka wushi kong raq nai rumnyamse kong raq miphaq. Kiimaq kriithun jobaiqti maiq ka ahü miraq.

EJEKIEL 25:5

Ngi raq Rabba chela jong ka kumtsong kong rümchang hiq miishe mitiijabaiqha. Kiimaq Ammon mung tlotli ka skukong rümchang wakram miishe mitiijabaiqha. Krai mren, ümniiraq Ngi ardea Tatiwe nguta misap haü.

EJEKIEL 39:26

Ümtiikiiwa tsangshiq ka tsangmung na thongshi ri hali khu asang maq shong wantlaq, tsangshiq tiihaisongti ka jumin ahü she miraq, kiijiishetiq, tsangshiq raq Ngi tiishaübaiq wan kha na ümtinkhan chamchao wa riihum wantaq raüta jea ngaü wantaq thun kra wiita she milaq baiq wan.

Mikha 4:4

Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

JEPHANIA 2:6

Namshiq hiqshong sammoktra chumkii wang ka, nyiim lung rü tan miishe mija wan; sku rümchang tiip phongli nai, sku shaqchang rukphongli she miraq.

WEAWEA 32:34

Gad phan raq kiitelong maq rukje Dehon chela, Ataroth chela, Aroar chela,

TRI CHONGKE 2:36

Tatiwe nashiq Shiikeawe raq nashiq ma chela thun ka kunli Arnon raikii na sitlaq Aroar chela maq phawan laita, kra kin hea wea hiq thung tan mong na sitlaq chela kiina saüli kiimaq riita shekhu nü na Gilead wang na saüli khat laita jiiwankai. Nashiq raq khatlot mai chela peruk theahea ngutiika chela ashi min ahü riito.

TRI CHONGKE 3:12

“Riita ümtiikiiwa nashiq raq mung ka nashiq jaq na lap wan kai, ngi raq Reuben phan nai Gad phan ma hiqshong ka Aroar chela maq shekhu nü wang thun kra Arnon Rai tho binjü thun kra kiimaq Gilead wang binjü wa ku akin tonglong hong thun kra, kriijaq sitlaq chela thun kra nong nong maq chum kuq kang.

JOSHUA 13:16

Tsangshiqnok hiqrai ka Aroar chela na saüli (Arnon tan kii na saüli) kiimaq kra tan mong jam na chela sitlaq kriimin tlom wan damtlii raüta, Medeba chela tro na pum thung tan binjü kra hamli na chumkuqto.

JOSHUA 13:25

Tsangshiqnok hiq rai mong niika, Jajar chela kiimaq Gilead wang wa tlotli chela thun kra, kiimaq Ammon mung wa Aroar chela na saüli riito; Aroar chela ka Rabba chela ma maq shedong nü na riito.