ISAIA 17:1 - ASII LAKDAP Bible (BSI)

¹ Tatiwe raq nguto, “Damaskas chela ka chela miika jamak she miraq. Kriika hiqmiq changkhü miishe mijaki.

Hawa Naga Bible 2001

¹ Yehowa rueq, “Damasku kuex ghaqyungx vshiz muex yaungx lot muq shex; kvruex kuex rvthuip rv-khvt dvyx shex kv-phungc tuex.

ISAIA 17:1 Referencias Cruzadas

RAPHA HIQWA LAK 14:15

Kiijaq apaiq raq asenginok ka akong akong niishe triipheato. Raüta rewe ka rawa na khatto. Raüta tsangshiq ka tangto. Apaiq raq tsangshiq ka Damaskas chela maq shekhu nü na Hoba hiq na saüli jowanto.

RAPHA HIQWA LAK 15:2

Shatmaq Abram raq treto, “Tati Rakaü Hiqwe lei, ümniiraq poksi kuqtlaü ka ngi ma jamliip wa miraq, isetiim ri ahü? Ngi tachong hupsam lap wanti ka Damaskas hiqti Eliejar sitlaq kli kata.

1 HOKHVMX 11:24

Raüta apaiq ka maiqse tri na ri-tsi mak pantlat na haiseati kong kra triitam raüta, apaiq ka tsangshiq khuthaq na wela miishe jakito. (Arka Dawit raq Hadadejer ka khat raüta tangtaq raüta, Hadadejer rai reraüshi maq pongti Siria mungti rewe thun kriimin khat raüta jiipbaiqtaq kra jai niishe riito.) Rejon nai asengi kong ka Damaskas chela na wawanto. Raüta asenginok raq apaiq ka Siria mung thaq na hokhamwe miishe shongto.

2 HOKHVMX 16:9

Tiglath Pilesar raq Ahaj tiipaiqneatlaq kra bomtre she phenlabi sheaho raüta kito. Raüta Damaskas chela ka khatto. Raüta jiito. Raüta Hokhamwe Rejin ka tsat baiqto. Raüta kriiwa mungmaiqse ka munglu shumwi ma Kir chela niishe tsuq wanto.

1 KAÜWA WERAÜ 18:5

Ümtiikiiwa Damaskas chela na siti Siria mungti raq Hokhamwe Hadadejer khrumkaiti phenlabi tiikitaq, Dawit raq tsangshiq ka khatto. Raüta phenlabi maiq hingroqnai ri hingnai jiipbaiqto.

2 KAÜWA WERAÜ 28:23

Apaiq riika apaiq khatti raüta apaiq ka tang wantinok Siria mungti phra kong kriima khoti honglu hongtan thun ka kuq hoto. Apaiq riika akha khoti nguto, “Siria mung wa phra kong riika Siria mung hokhambi khrum kuqto. Krai mren, jursap ngi raq tsangshiq ka shomnoq lata hanglu takuq wan ha jiika, tsangshiq raq ngi min wa khrum kuqjiiq riila.” Apaiq raq ara ngarai klo kha na, apaiq khuthaq na nai mung khuthaq na athen wan chang lamlu she saü wato.

2 KAÜWA WERAÜ 28:5

Hokhamwe Ahaj raq ngarai tang kha na, Tatiwe apaiq Shiikeawe raq Siria mung hokhamwe ma tiikhat raüta apaiq ka tiitangto. Raüta Juda mungti maiq pahea shumwi kong ma Damaskas chela na tiitsuq wanto. Kiimaq Tatiwe raq Israil mung hokhamwe Remalia se Peka ma tiikhat raüta Ahaj ka tiitangto. Raüta Juda mungti maiq 120,000 srea nola jongbi siisaq re ma ranaiqshi niili tiijiip baiqto. Tatiwe tsangtitiim Shiikeawe raq arthun mungthen wan ara tiisaüto. Jamkhano ngukla Juda mungti raq Tatiwe ka miim baiqto.

ISAIA 10:9

Ngi raq arthun chela ara khatkang. Lata jiiwan kang. Kalno chela kiimaq Karkemish chela, Hamath mung wa chela thun nai Arpad mung wa chela thun ka jiiwan kang. Ngi raq Samaria chela nai Damaskas chela kra khat lata jiikang.

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 15:1

Arka Mob mungti miitu tsütsa. Ar chela nai Kir chela ka rawashi liipan niili tiithenbaiqto. Mob mung tlotli na kaiqshak kaiqshi biibangbang ma she.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 25:2

Ümniiraq chela thun hiqmiq changkhü ma tiijabaiq laü kiimaq krii tro na kiitelong ruk thun ka wiita tiithenbaiq laü. Naishiq jaqtinok raq hokham jam thun ahai wan ka pattup miitu thento she.

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

ISAIA 7:16

Kra chongtiikai akhing ka misaü wan shaq liipan niili, ümchaü ümnaq tiiphiipjiipti hokham wenai sitlaq mungtan ka athen she mirki. Raüta hiqmiq changkhü miishe mijaki.

ISAIA 7:8

Jamkhano ngukla, Siria mung ningkun ka tsang mung nyungchong Damaskas chela thaq na ajong riimak. Kiimaq Damaskas chela ningkun ka tsang Hokhamwe Rejin ningkun thaq na ajong riimak. Kriimaq Israil mung khuthaq wa bom ka akha, wiiroqtrok ri wiibiingi liipan kiijiili Israil mung ka mungtan ashi ikha silotmak athum she mirki.

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

Mikha 1:6

Tatiwe raq ngutlo, “Arningkhan, Samaria ka mitiithen baiq ha, raüta jamriirong phong ka hiqsii thung na ama miraq. Kriika spiq ro chhi ma, hiqwii mong niishe mitsuq baiqha, lata chela haichang longkaü thun ka mitiikhot baiqha.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 9:1

Tatiwe raq Hadrak mungti shra wan kha tanto, Amung nyungchong chela Damaskas min shrato, Israilnok Tatiwe mak lii ka, Siria mungti nyungchong chela thaq niimin sitlo.

Acts 9:2

Raüta, Damaskas chela na sinagok thun sitlaq kra liiwanti welabi ma, apaiq rai mang triisapke, lak thun ka jaüto. Kra lak thun ka, apaiq raq Tatiwe Lam phantibi Damaskas chela na asi hum wa raüla, apaiq raq tsangshiq ka, jechak maiqwe wiita lapho raüta, Jerusalem na tiijang hitho nong miitu jaüto.

TRI CHONGKE 13:16

Kra chelati mungmaiqse hupsam thun ka wiita adam na lamwa rongkiq. Lanta kra chela mong na mung thung chang tapshok hiq thung ba kiijaq phongbaiq ronglaq. Lantiishe kra chela ka chela mong na sitlaq hupsam ümchuwa kra Tatiwe namshiq Shiikeawe ma honglu na wa maq chaq baiq ronglaq. Kra chela ka pattup pat-sa miitu bunlak hiqmiq changkhü ma tiija baiq ratlo. Kiimaq ümtiikiimin tiihea tei wan nong mai mak she.