ISAIA 11:6 - ASII LAKDAP Bible (BSI)

⁶ Shekong nai skusekong ka adam na hansang maq misi, kiimaq chiqwaiq kong ka chhechhise kong rai adam na mibum. Minsaüsetiim nai hangsisetiim ka adam na midunghiq, kiimaq noserekong raq arthun ka miriim.

Hawa Naga Bible 2001

⁶ Shoalx kuex khelbuenx rulc vdvmz nomic maq httax tuex, jaq tuik htenc muinz khelkhix sahez rulc vdvmz nuex woalc tuex. Manx sahez nuiyc hangsic htenc kuex vdvmz nuex phauk saq vtueq nosaz rulx rueq remx lawc shuex.

ISAIA 11:6 Referencias Cruzadas

YOBA 5:23

Ümwak thuki tlaü ka longkaü min ahü miraq; rum ngam kong raq ümniika kaq wa mak miraq.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

EJEKIEL 34:25

Ngi raq tsangshiq rai tong she mishongha. Kra tongshong ramram wokhong maq tsangshiq ka khusang she misi wan. Ngi raq mung wa rum na ngamthaiq kong sitlaq thun ka wiita ajo she mirbaiqha. Krai mren, i skusekong ka rum na nyiimlung rü na nyiip jaqphaq chamtraq haihü songhü miishe bum raüta mihaisiq.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.