ISAIA 10:22 - ASII LAKDAP Bible (BSI)

²² Ümchaü min Israilnok mungmaiqse ka pahea, khamjong chumkii phiiphong na kumtsai jamkho riiphongtlaq ikha riiphongtlo, shatmaq kiiwa atsapseli jai na mipai wan. Maiq thun ka miqchup tiithenbaiq wan miitu thiikho ka atiijekun she. Kriika riikhaqli thektlaq thiikho riito.

Hawa Naga Bible 2001

²² Israel miqsaz htenc kuex majuiuc doc muinz svmuktvrax kumtsvy ikhoc paung ruiux muinz, kvjungx yaq raungluingx dvyx yek waung tuex. Tvbac tac gay kuex miqsaz htenc tvkoc tvjomx tvy shec rvtueq, kvruex kuex tvmvrc laz rvhumc wvnc tuex.

ISAIA 10:22 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

1 HOKHVMX 4:20

Juda mungti nai Israil mungti mungmaiqse ka sammok tra chum kii phii phong na kumtsai jamkho riiphong tlaq ikha awealot mai puchi wanto. Tsangshiq ka rongboq, wok phetak tak phaqsea khamnyang chamtraq chojong chise maq shonga wanto.

2 HOKHVMX 19:31

Kra akhing na Jerusalem na mungmaiqse asi miraq. Kiimaq Jajon pum na aso tiichong tlaq kriiti ka misi wan. Jamkhano ngukla arka Tatiwe raq akha hongtha wan raa nguta athapthi wan kun she dongdii.

ISAIA 37:31

Juda mung na jaqsong tiichong tlaq thun ka petsi chong raq arang chong ka hiqmong na tsaühea na chamtlaq, raüta atsi ango pahea atu alu dong man tlaq ikha midong man wan.

ISAIA 46:3

“Ibom taironglaq, Jakob saüsetiim lei, Isenginok aso atiichongki thun lei. Ngi raq namshiq ka rawii chhiwanli miiphü tiichhanchhi wan kang.

ISAIA 48:19

Namsaü namsetiim phong ka kumtsaiphii na kumtsai riiphongtlaq ikha mipuchi wan wa; kiimaq Ngi raq tsangshiq ka ümtiikiimin tiithenbaiq lot mak chang miklo kuqhawa.”

ISAIA 59:20

Tatiwe raq asenginok ma ngutlo, “Ngi ka namshiq tiichhiikai Jerusalem na mikiha. Kiimaq namshiq phong wa ümchu riiwa ngarai baiqthü lantea iwokhong na nyap wan tlan, kriiti thun ka kun kun mitiichhii kuqha.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 60:22

Ümsengi phong wa aranse wepuq weseta kiimin, Maiq mung jonghea, achet alet mung ashi ma mitiija wan. Akhing riikhaqli saüto angu na Ngi raq ara bom chong ara mitiikuha, Ngi raq ara jaqloli mitiihongha. Ngi ka Tatiwe!

ISAIA 65:8

Tatiwe raq ngutlo, “Spiqtsi ahea ka jurmin tiithen baiq mak. Shatmaq kriimaq che klotlo. Ngi riimin isenginok tlotli ka tiithen baiq mang. Ngi shiikumpantibi ka Ngi raq atiichhii mirkuqha.

ISAIA 8:8

Tsangshiq raq Juda mung tlotli ka kham raq lümwantlaq ikha, kham ka phaqlam na saüli mawan raüta phanrap phanrii laimiq mihut wan.” Shiikeawe ka nashiq rai! Apaiq rakong wiinai ka tiipiishat maq namung ka tiichhiikuqtlo.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

JEREMIA 44:28

Shatmaq namshiq phong wa abungse, ralangse, aso se kli she tsaiman milun wan. Lanta Ejip mung wa Juda mung na mijang wan han. Kra aso tiichongki tlaq kriiti riishetiq, namshiq bom sha tengta, sha ibom wa tengtaq, kra misap.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

Revelation 20:8

Kiimaq apaiq ka mangjong hiq wa maiq mung ümchuwa sitlaq kra lao kai she mikiho. Kiimaq ara mangjong hiq thun mang ka Gok nai Megok nguta ngutlo. Soitan raq tsangshiq ka adam na rekhat ma mitriitam. Tsangshiq ka khamjongraikii na kumtsai phii wa kumtsai riiphong tlaq ikha awealot chang riimak pahea miraq.