ISAIA 1:23 - ASII LAKDAP Bible (BSI)

²³ Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

Hawa Naga Bible 2001

²³ M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 1:23 Referencias Cruzadas

2 KAÜWA WERAÜ 36:14

Kriithaq niimin, Juda mung wa welabi, ramwebi, kiimaq mungmaiqse thun tlotli raq, tsangmung tro na siti maiq pong mungti thun raq shomnoq tlaq sumla phra kong thun kra shomnoqto. Raüta tsangshiq raq Tatiwe apaiq raq asii atiija wan Shomjam kra tiisheshi baiqto.

DUNGWVNC 23:8

Tsiiqlap naq siqkiq. Tsiiqlap seatibi ka makchuk ma jakitlo. Raüta riikhaqli tri ka sham makshe riitlo. Raüta maiqsangti thun kha ka ahea maq pho kuq mak she tiijiq baiqtlo.

TAKSU LAK 17:23

Mongnam phowe riika tsiiqlap siqtlo, raüta kha ajiq photlo.

TAKSU LAK 29:24

Ahukwe kongti ka, apaiq ma wesang. Rung na apaiq raq riikhaqli chong raüla, apaiq raq mo miho. Apaiq raq chongmak raüla, Shiikeawe manson miho.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 1:22

Jerusalem lei, man na akhing ashi na, ümniika kampho ikha silaü. Shatmaq ümchaü ka thiihü she sitlaü; ümniika che asumwiq chetsai ikha riilaü, shatmaq ümchaü ka ralang khamsangtili ikha sitlaü.

ISAIA 28:14

Ümchaü namshiq ara Jerusalem chela pengtibi ka ashkongtamli sitlan. Taironglaq. Tatiwe raq jamlaiwa chongtla.

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 33:15

Namshiq raq tingting bomhan jiika kiimaq riikhaqli jaqsham han jiika milun wan lot han na. Namshiq jaq na arang hotlan kriimaq miitsan maiqse ka naqlao rongkiq. Kiimaq tsiiqlap naqsiq rongkiq. Maiqtseati matwetiim rai naq pong dam rongkiq. Kiimaq maiq ma abi kloti rai naq pongdam rongkiq.

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

ISAIA 65:2

Ngi ka wranaiqshe isenginok ka iwokhong na tiisi nga wan miitu khekham maq si wan kang. Shatmaq tsangshiq ka nilan, wanshak shak. Ashut lam phan kriili kiimaq tsangshiq raq jamlai wa lungwiitlaq kra klowan niili siwanto.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

JEREMIA 4:17

Kiimaq tsangshiq raq Jerusalem ka trotam maq wakkheti raq khetlaq ikha mikom wan. Jamkhano ngukla Jerusalem chelati raq Tatiwe kiq khiiwanto. Arka Tatiwe raq ngutlo.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

EJEKIEL 12:2

“Maiqse lei, ümniika ikiq khii sruwali, nilannok rai sitlaü. Tsangshiq mak ka asi. Shatmaq tsangshiq raq jam min chhimak. Tsangni ka asi. Shatmaq tsangshiq raq jamlai min taimak. Jamkhano ngukla tsangshiq ka maiqkiq khü srutinok.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

Hosea 4:18

Tsangshiq ashe ashi phaqsea thumjai, kuku kong ikha sethoq jatlo. Tsangshiq ma khushü jong ka reng riimak, mephe-nyung rai sra ka reng.

Hosea 5:10

Tatiwe raq ngutlo, “Juda mung welabi khuthaq na itsankhiq hea, Tsangshiq raq Israil mung long wato. Raüta Israil mung hiq nyea wanto. Kriikha na tsangshiq ma itsankhiq hea, mo tiiho jüchhang wa ikha mitiisaüha.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

AMO LUIK DVP (AMOS) 5:12

Ngi raq namshiq ngarai asap ha, namshiq ngarai tak amachhaq, tsiiqlap siqlanta kechu maiqse tiicham chao lan. Ra raq ham mak jehin nore, rung maq tiidea baiq lan.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

JEKERIA 7:10

Mantinyung re, jechi nomisetiim, kiimaq pongmungti namshiqnok rai sitlaq kra, kiimaq juwa alit akot sitlaqti ka nanshan raamak. Kiimaq weshi raq weshi haihii maimak,’

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

WEAWEA 22:7

Krai mren Mob mung welabi nai Midian mung welabi raq manson jaq maq kra howan raüta, Balaam phana wawanto. Kiimaq Balak raq tsütsa tiichong wantaq kra tiitaito.

Matthew 21:13

Raüta apaiq raq tsangshiq ka, “Asii lakdap na Shiikeawe raq akha chongto, ‘I Shomjam ka achu jaü chang jam miraq.’ Shatmaq namshiq ara shomjam arka ahuk arot kong tiibo chang jam miishe tiija baiqho lan!” nguta sonto.

Mark 11:17

Kra raütiishe, apaiq raq, “Asii Bomtsi na Shiikeawe raq, ‘I Jam ka mangjong maiqse tlotli ma, achu jaü chang, Asii Shomjam miraq,’ nguta chongtlo. Shatmaq, namshiq riitiq sha, ahuk arotti thun kra tiibo chang jam miishe tiija baiq holan nya!” nguta nokwe ma chongkuqto.

Luke 19:46

Apaiq raq tsangshiq ka, “Asii bomtsi na Shiikeawe raq akha waiq thüto, ‘I shomjam arka achu jaü chang jam nguta mingu.’ Shatmaq, ümchaü namshiq raq ahuk arotti tiibo chang jam miishe tiija baiq lan!” nguta tsangshiq ka ason lam maq jobaiqto.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.